ഷവോമി എംഐ നോട്ട് 10 ലൈറ്റ് റെഡ്മി നോട്ട് 9 സീരിസിനൊപ്പം നാളെ പുറത്തിങ്ങും

നാളെ നടക്കുന്ന ലോഞ്ച് ഇവന്റിൽ റെഡ്മി നോട്ട് 9 സീരീസ് ഗ്ലോബൽ ലോഞ്ച് നടത്താനും ഷവോമി ഒരുങ്ങി കഴിഞ്ഞു. റെഡ്മി നോട്ട് 9 സീരീസിനൊപ്പം ഷവോമി എംഐ നോട്ട് 10 ലൈറ്റും കമ്പനി പുറത്തിറക്കും. യൂറോപ്പിൽ നടക്കുന്ന ലോഞ്ച് ഇവന്റിൽ കമ്പനി എംഐ നോട്ട് 10 ലൈറ്റ് പുറത്തിറക്കുമെന്ന് വിൻഫ്യൂച്ചറിന്റെ ടിപ്പ്സ്റ്റർ റോളണ്ട് ക്വാണ്ട് അറിയിച്ചിരുന്നു. ഈ ലോഞ്ചുമായി ബന്ധപ്പെട്ട് ഔദ്യോഗിക സ്ഥിരീകരണമങ്ങളൊന്നും ഇതുവരെ ഷവോമി നൽകിയിരുന്നില്ല. ഇപ്പോൾ എംഐ കമ്മ്യൂണിറ്റിയിലെ ഒരു ലിസ്റ്റിംഗ് വഴി എംഐ നോട്ട് 10 ലൈറ്റ് പുറത്തിറക്കുന്ന കാര്യം കമ്പനി ഔദ്യോഗികമായി തന്നെ അറിയിച്ചു.

നാളെ എംഐ നോട്ട് 10 ലൈറ്റ് ഔദ്യോഗികമായി പുറത്തിറങ്ങുമെന്ന് എംഐ കമ്മ്യൂണിറ്റി ലിസ്റ്റിംഗിൽ സൂചിപ്പിക്കുന്നു. ത്രെഡിനൊപ്പമുള്ള പോസ്റ്റർ ഡിവൈസിന്റെ ഡിസൈൻ വിവരങ്ങൾ നൽകുന്നുണ്ട്. കറുപ്പ്, വെള്ള, പർപ്പിൾ നിറങ്ങളിൽ എംഐ നോട്ട് 10 ലൈറ്റ് ലഭ്യമാകുമെന്നാണ് പോസ്റ്ററിൽ നിന്നും വ്യക്തമാകുന്നത്. ഈ ഡിവൈസിന്റെ സമാനമായ കളർ ഓപ്ഷനുകൾ നേരത്തെ ലീക്ക് റിപ്പോർട്ടുകളും വെളിപ്പെടുത്തിയിരുന്നു. എംഐ കമ്മ്യൂണിറ്റി ലിസ്റ്റിങിൽ ഡിവൈസിന്റെ സവിശേഷതകളെ കുറിച്ച് വിവരങ്ങളൊന്നും ഇല്ല.

ഷവോമി എംഐ നോട്ട് 10 ലൈറ്റ്: പ്രതീക്ഷിക്കുന്ന സവിശേഷതകൾ

നിലവിലുള്ള എംഐ നോട്ട് 10 സീരീസിലേക്കാണ് ഷവോമി മി നോട്ട് 10 ലൈറ്റ് കൂടി എത്തുന്നത്. ഇതുവരെയുള്ള ലീക്ക് റിപ്പോർട്ടുകൾ അനുസരിച്ച് എംഐ നോട്ട് 10 സീരിസ് എന്ന പ്രീമിയം സെഗ്മെന്റ് സ്മാർട്ട്ഫോണുകളിലുള്ള ധാരാളം സവിശേഷതകൾ ലൈറ്റ് സ്മാർട്ട്ഫോണിലും ഉൾപ്പെടുത്താൻ സാധ്യതയുണ്ട്. നോട്ട് 10 സ്മാർട്ട്ഫോണിന്റെ വില കുറഞ്ഞ വേരിയന്റ് എന്ന നിലയിലായിരിക്കും ഇത് പുറത്തിറങ്ങുക

6 ജിബി റാമും 128 ജിബി ഇന്റേണൽ സ്റ്റോറേജുമായിട്ടായിരിക്കും എംഐ നോട്ട് 10 ലൈറ്റ് സ്മാർട്ട്‌ഫോൺ പുറത്തിറങ്ങുക. 6.47 ഇഞ്ച് ഫുൾ എച്ച്ഡി + ഒഎൽഇഡി ഡിസ്‌പ്ലേയായിരിക്കും ഫോണിൽ ഉണ്ടായിരിക്കുക. സ്‌നാപ്ഡ്രാഗൺ 730 ജി മൊബൈൽ പ്ലാറ്റ്‌ഫോമിന്റെ കരുത്തോടെ പുറത്തിറങ്ങുന്ന എംഐ നോട്ട് 10 ലൈറ്റിൽ 5,260 എംഎഎച്ച് ബാറ്ററിയും 30 ഡബ്ല്യു ഫാസ്റ്റ് ചാർജിംഗ് സപ്പോർട്ടും ഉണ്ടായിരിക്കും.

എംഐ നോട്ട് 10 ൽ കാണുന്ന 108 മെഗാപിക്സൽ ക്യാമറ യൂണിറ്റിന് പകരം എംഐ നോട്ട് 10 ലൈറ്റിന് 64 മെഗാപിക്സൽ പ്രധാന ക്യാമറയായിരിക്കും ഉണ്ടാവുക. ഇതിനൊപ്പം 8 മെഗാപിക്സൽ ക്യാമറ, 5 മെഗാപിക്സൽ ക്യാമറ എന്നിവയും 2 മെഗാപിക്സൽ ഷൂട്ടറും ഉണ്ടായിരിക്കും. സ്മാർട്ട്‌ഫോണിന്റെ വില എത്രയായിരിക്കുമെന്ന കാര്യത്തിൽ ഇതുവരെ ഒരു വ്യക്തതയില്ല. എന്തായാലും ഇതൊരു ഒരു മിഡ് റേഞ്ച് സ്മാർട്ട്ഫോണായിരിക്കുമെന്നാണ് പ്രതീക്ഷിക്കുന്നത്. അതേ സമയം ഷവോമി എംഐ 10 യൂത്ത് എഡിഷൻ എംഐ 10 ലൈറ്റ് സൂം എന്നി പേരിൽ ആഗോള വിപണിയിൽ അവതരിപ്പിക്കാനം കമ്പനിക്ക് പദ്ധതിയുണ്ട്.