ഷവോമി റെഡ്മി 8 സ്മാർട്ട്ഫോണിന് വിലവർധിച്ചു; പുതിയ വില, സവിശേഷതകൾ

റെഡ്മി 8: പുതിയ വില

റെഡ്മി 8 എ 4 ജിബി റാം + 64 ജിബി സ്റ്റോറേജ് മോഡലിനാണ് ഷവോമി വില വർധിപ്പിച്ചിരിക്കുന്നത്. ഇനി മുതൽ ഈ ഡിവൈസ് 9,799 രൂപയ്ക്കാണ് ഇന്ത്യൻ വിപണിയിൽ ലഭ്യമാവുക. ഈ ഡിവൈസിന് 300 രൂപയാണ് വർധിച്ചത്. നേരത്തെ റെഡ്മി 8 സ്മാർട്ട്ഫോൺ 9,499 രൂപയ്ക്കാണ് വിൽപ്പന നടത്തിയിരുന്നത്. കഴിഞ്ഞ വർഷം ഈ ഡിവൈസ് വിപണിയിൽ എത്തുമ്പോൾ ഇതിന്റെ വില 8,999 രൂപയായിരുന്നു.

അറോറ മിറർ ഡിസൈനിൽ പുറത്തിറക്കിയിരിക്കുന്ന റെഡ്മി 8 സ്മാർട്ട്ഫോൺ സഫെയർ ബ്ലൂ, ഫീനിക്സ് ബ്ലാക്ക്, റൂബി റെഡ് കളർ ഓപ്ഷനുകളിൽ ലഭ്യമാണ്. പുതുക്കിയ വില പ്രകാരമാണ് കമ്പനിയുടെ ഓൺലൈൻ സ്റ്റോറിലും റീട്ടെയിൽ സ്റ്റോറുകളിലും ഈ ഡിവൈസ് വിൽപ്പന നടത്തുന്നത്. ഇന്ത്യയിൽ ഏറെ ജനപ്രീതിയാർജിച്ച ഷവോമി ബജറ്റ് സ്മാർട്ട്ഫോണുകളിലൊന്നാണ് റെഡ്മി 8.

റെഡ്മി 8: സവിശേഷതകൾ

റെഡ്മി 8 പുറത്തിറക്കിയത് ചില മികച്ച സവിശേഷതകളും ന്യായമായ വിലയുമായിട്ടാണ്. 10,000 രൂപയിൽ താഴെ വിലയുള്ള ഈ ഡിവൈസ് 6.22 ഇഞ്ച് ഐപിഎസ് എൽസിഡി ഡിസ്പ്ലേ പോലുള്ള ആകർഷകമായ സവിശേഷതകളോടെ പുറത്തിറങ്ങി. 19: 9 ആസ്പാക്ട് റേഷിയോവും 720 x 1520 പിക്‌സൽ എച്ച്ഡി + റെസല്യൂഷനും വാഗ്ദാനം ചെയ്യുന്ന ഡിസ്പ്ലെയാണ് ഇത്. അഡ്രിനോ 505 ജിപിയുവിനൊപ്പം ക്വാൽകോം സ്‌നാപ്ഡ്രാഗൺ 439 SoCയുടെ കരുത്തിലാണ് ഡിവൈസ് പ്രവർത്തിക്കുന്നത്.

4 ജിബി റാമും 64 ജിബി സ്റ്റോറേജുമായാണ് റെഡ്മി 8 പുറത്തിറക്കിയിരിക്കുന്നത്. ഡ്യുവൽ-റിയർ ക്യാമറ സെറ്റപ്പിൽ 12 എംപി പ്രൈമറി ലെൻസും ഡെപ്ത് ഷോട്ടുകൾക്കായി 2 എംപി സെക്കൻഡറി സെൻസറും നൽകിയിട്ടുണ്ട്. സെൽഫികൾ ക്ലിക്കുചെയ്യുന്നതിനും വീഡിയോ കോളുകൾക്കുമായി 8 എംപി സെൻസറാണ് ഉള്ളത്. വാട്ടർഡ്രോപ്പ് നോച്ചിലാണ് സെൽഫി ക്യാമറ നൽകിയിട്ടുള്ളത്. ആൻഡ്രോയിഡ് പൈ ഒ.എസ് ബേസ്ഡ് കസ്റ്റം MIUI സ്‌കിനിലാണ് ഈ ഡിവൈസ് പ്രവർത്തിക്കുന്നത്.5,000 എംഎഎച്ച് ബാറ്ററി യൂണിറ്റാണ് ഡിവൈസിലുള്ളത്.

ബജറ്റ് സെഗ്മെന്റിലെ മികച്ച ഡിവൈസ്

18W ഫാസ്റ്റ് ചാർജിംഗ് സപ്പോർട്ടും കമ്പനി നൽകിയിട്ടുണ്ട്. ദൈനംദിന ഉപയോഗത്തിന് വേണ്ട എല്ലാ സവിശേഷതകളുമുള്ള ഡിവൈസാണ് റെഡ്മി 8. വലിപ്പമുള്ള എച്ച്ഡി + ഡിസ്പ്ലേ ഒടിടി പ്ലാറ്റ്ഫോമുകളിലും യൂട്യൂബിലും 720p വീഡിയോകൾ കാണാൻ സഹായിക്കുന്നു. ഡെപ്ത് സെൻസറുള്ള ഇരട്ട ക്യാമറ സെറ്റപ്പ് ബോക്കെ ഇഫക്റ്റുകൾ അടക്കമുള്ള ആകർഷകമായ സവിശേഷതൾ അടങ്ങുന്നതാണ്. ഒരു ദിവസം മുഴുവൻ ബാറ്ററി ബാക്ക് അപ്പ് നൽകുന്ന ബാറ്ററിയാണ് ഡിവൈസിൽ നൽകിയിട്ടുള്ളത്. ഫാസ്റ്റ് ചാർജിംഗ് സപ്പോർട്ട് വേഗത്തിൽ ചാർജ് ചെയ്യാനും സഹായിക്കും. ഈ വില നിലവാരം വച്ച് നോക്കുമ്പോൾ ഇതൊരു മികച്ച ഡിവൈസ് തന്നെയാണ്.