റെഡ്മി കെ20യിൽ ആൻഡ്രോയിഡ് 10 അടിസ്ഥാനമാക്കിയ MIUI അപ്ഡേറ്റ്

ആൻഡ്രോയിഡ് 10 അടിസ്ഥാനമാക്കിയ MIUI അപ്ഡേറ്റ്

റെഡ്മി കെ 20 നായി ഷവോമി ഒരു പുതിയ MIUI അപ്‌ഡേറ്റ് പുറത്തിറക്കി തുടങ്ങി. MIUI V11.0.2.0.QFJCNXM മോഡൽ നമ്പറിലാണ് അപ്‌ഡേറ്റ് പുറത്തിറക്കുന്നത്. ആൻഡ്രോയിഡ് 10 അടിസ്ഥാനമാക്കിയ MIUI അപ്ഡേറ്റ് ആണ് ഇത്. പുതിയ ഫീച്ചറുകളും സുരക്ഷാ സംവിധാനങ്ങളുമായാണ് സോഫ്റ്റ്വെയർ കെണ്ടുവരുന്നത്.

അപ്‌ഡേറ്റ് ഏതാണ്ട് 2.3 ജിബിയോളമുള്ള ഫയലിലാണ് വരുന്നത്. ഇത് നിലവിൽ ചൈനയിലെ ഉപയോക്താക്കൾക്കായി ഒടിഎയായി പുറത്തിറങ്ങിയിട്ടുണ്ട്. ഇന്ത്യയിലെയും മറ്റ് വിപണികളിലെയും ഉപയോക്താക്കൾക്കായി അപ്‌ഡേറ്റ് ഏപ്പോൾ പുറത്തിറക്കുമെന്നതിനെ കുറിച്ച് ഷവോമി ഇതുവരെ വെളിപ്പെടുത്തിയിട്ടില്ല. പക്ഷേ, വരും ദിവസങ്ങളിൽ എപ്പോൾ വേണമെങ്കിലും ഒഎസിന്റെ റോൾ ഔട്ട് പ്രതീക്ഷിക്കാം.

ചേഞ്ച്‌ലോഗിനെ സംബന്ധിച്ചിടത്തോളം, റെഡ്മി കെ 20 ആൻഡ്രോയിഡ് 10 അപ്‌ഡേറ്റ് റീഡിസൈൻഡ് യുഐ യാണ് നൽകുന്നത്. MIUI 11- ന് MIUI 10ൽ നിന്നും വ്യത്യസ്തമായ ചില ഡിസൈൻ ഘടകങ്ങളുണ്ട് . ആൻഡ്രോയിഡ് 10 ഫീച്ചറുകൾക്കൊപ്പം അപ്‌ഡേറ്റ് സ്വകാര്യത സവിശേഷതകളെ വർദ്ധിപ്പിക്കുകയും QR കോഡുകളും ആപ്ലിക്കേഷൻ ബബിളും ഉപയോഗിച്ച് Wi-Fi ഷെയറിങ് മെച്ചപ്പെടുത്തുകയും ചെയ്യുന്നു.

ഇത് മി വർക്ക് കിറ്റ്, മി ഗോ ട്രാവൽ കിറ്റ് പോലുള്ള ചില ഫീച്ചറുകൾ കൂടി ചേർക്കുന്നുണ്ട്. കൂടാതെ ഡൈനാമിക് ഫോണ്ട്, സൗണ്ട് സിസ്റ്റം പോലുള്ള സവിശേഷതകളും നൽകുന്നു. മികച്ച പെർഫോമൻസിനായി ലൊക്കേഷൻ കൺട്രോളും മൊത്തത്തിലുള്ള സിസ്റ്റം സ്ഥിരതയും അപ്‌ഡേറ്റ് ഒപ്റ്റിമൈസ് ചെയ്യുന്നു.

റെഡ്മി കെ 20 സവിശേഷതകൾ

109: 5: 9 ആസ്പാക്ട് റേഷിയോവും 1080 x 2340 പിക്സൽ എഫ്എച്ച്ഡി + റെസല്യൂഷനുമുള്ള 6.39 ഇഞ്ച് AMOLED ഡിസ്പ്ലേയാണ് റെഡ്മി കെ 20 ൽ നൽകിയിരിക്കുന്നത്. എഫ് / 1.8 അപ്പേർച്ചറുള്ള 48 എംപി പ്രൈമറി സെൻസർ അടങ്ങുന്ന മൂന്ന് ക്യാമറകൾ പിന്നിൽ നൽകിയിരിക്കുന്നു.

എഫ് / 2.4 അപ്പേർച്ചറുള്ള 8 എംപിയും എഫ് / 2.4 അപ്പേർച്ചറുള്ള 13 എംപി സെൻസറുമാണ് മറ്റ് രണ്ട് സെൻസറുകൾ. എഫ് / 2.0 അപ്പേർച്ചറും 20 എംപി സെൻസറുമുള്ള പോപ്പ്-അപ്പ് സെൽഫി ക്യാമറയും ഫോണിൽ നൽകിയിരിക്കുന്നു. 6 ജിബി റാമും 64 ജിബി എക്സ്പാൻഡബിൾ സ്റ്റോറേജുമടങ്ങുന്ന ഫോൺ സ്നാപ്ഡ്രാഗൺ 730 പ്രോസസറിലാണ് പ്രവർത്തിക്കുന്നത്. 4,000 mAh ബാറ്ററി ഫാസ്റ്റ് ചാർജിംഗ് സപ്പോർട്ടോടെ ഫോണിന് കരുത്ത് നൽകുന്നു.