ഷവോമി റെഡ്മി നോട്ട് 10 പ്രോ സ്മാർട്ട്ഫോണിന്റെ വില വർധിപ്പിച്ചു

റെഡ്മി നോട്ട് 10 പ്രോ: പുതിയ വില

ഷവോമി നേരത്തെ റെഡ്മി നോട്ട് 10 സ്മാർട്ട്ഫോണിനും ഇന്ത്യയിൽ വില വർധിപ്പിച്ചിരുന്നു. 500 രൂപയുടെ വർധനവാണ് സീരിസിലെ ഏറ്റവും ബേസ് മോഡലിന് ലഭിച്ചത്. ഈ വില വർധനവ് റെഡ്മി നോട്ട് 10ന്റെ എല്ലാ സ്റ്റോറേജ് വേരിയന്റിനും ബാധകമായിരുന്നു. ഇപ്പോഴിതാ പ്രോ മോഡലിലും 500 രൂപ തന്നെയാണ് വർധിപ്പിച്ചിരിക്കുന്നത്. എല്ലാ വേരിയന്റിനും ഈ വില വർധന ബാധകമല്ലെന്ന് കമ്പനി അറിയിച്ചിട്ടുണ്ട്.

റെഡ്മി നോട്ട് 10 പ്രോയുടെ 6 ജിബി + 128 ജിബി വേരിയന്റിന് മാത്രാമാണ് വില വർധിപ്പിച്ചിരിക്കുന്നത്. 6 ജിബി + 128 ജിബി വേരിയന്റിന് ലോഞ്ച് സമയത്ത് വില 16,999 രൂപയായിരുന്നു. എന്നാൽ വില വർധനവിന് ശേഷം ഈ ഡിവൈസിന്റെം വില 17,499 രൂപയായി ഉയർന്നു. ഈ സ്റ്റോറേജ് മോഡൽ ലഭ്യമാകുന്ന എല്ലാ നിറങ്ങളിലുള്ള ഡിവൈസുകൾക്കും വില വർധന ബാധകമാണ്.

നിലവിൽ റെഡ്മി നോട്ട് 10 പ്രോ ഇന്ത്യയിൽ മൂന്ന് വേരിയന്റുകളിൽ ലഭ്യമാണ്. ബേസ് മോഡലിൽ 6 ജിബി റാമും 64 ജിബി സ്റ്റോറേജുമാണ് ഉള്ളത്. ഈ മോഡലിന് 15,999 രൂപ വിലയുണ്ട്. 6 ജിബി റാമും 128 ജിബി സ്റ്റോറേജുമുള്ള മോഡലിന് 16,999 രൂപയായിരുന്നു വില. ഇപ്പോഴാണ് ഈ മോഡലിന് വില വർധിപ്പിച്ചിരിക്കുന്നത്. 8 ജിബി റാമും 128 ജിബി സ്റ്റോറേജുമുള്ള ഹൈ എൻഡ് മോഡലിന് 18,999 രൂപയാണ് വില. റെഡ്മി നോട്ട് 10 പ്രോ മാക്സിന് വില വർധിപ്പിച്ചിട്ടില്ല. ലോഞ്ച് ചെയ്ത വിലയ്ക്ക് തന്നെയാണ് ഈ ഡിവൈസ് വിൽപ്പന നടത്തുന്നത്.

റെഡ്മി നോട്ട് 10 പ്രോ: സവിശേഷതകൾ

റെഡ്മി നോട്ട് 10 പ്രോ സ്മാർട്ട്ഫോണിന്റെ സവിശേഷതകൾ ഏറെ ആകർഷകമാണ്. 6.6 ഇഞ്ച് സൂപ്പർ അമോലെഡ് ഡിസ്പ്ലേയാണ് ഈ ഡിവൈസിൽ ഉള്ളത്. ഈ ഡിസ്പ്ലെയ്ക്ക് 120 ഹെർട്സ് റിഫ്രഷ് റേറ്റും 1200 നിറ്റ്സ് പീക്ക് ബ്രൈറ്റ്നസ് ലെവലും ഉണ്ട്. ക്വാൽകോം സ്‌നാപ്ഡ്രാഗൺ 732ജി പ്രോസസറിന്റെ കരുത്തിലാണ് ഈ ഡിവൈസ് പ്രവർത്തിക്കുന്നത്. 8 ജിബി വരെ റാമും 128 ജിബി ഇന്റേണൽ സ്റ്റോറേജുമാണ് ഡിവൈസിൽ ഉള്ളത്.

റെഡ്മി സ്മാർട്ട്ഫോണുകളുടെ ആകർഷകമായ സവിശേഷത അവയുടെ ക്യാമറ സെറ്റപ്പാണ്. റെഡ്മി നോട്ട് 10 പ്രോ സ്മാർട്ട്ഫോണിൽ 64 എംപി പ്രൈമറി ക്യാമറയാണ് ഉള്ളത്. ഇതിനൊപ്പം 5 എംപി മാക്രോ സെൻസർ, 8 എംപി അൾട്രാ-വൈഡ് ആംഗിൾ സെൻസർ, 2 എംപി ഡെപ്ത് സെൻസർ എന്നിവയും നൽകിയിട്ടുണ്ട്. ഇത് ആകർഷകമായ ക്വാഡ് ക്യാമറ സെറ്റപ്പാണ് ഇത്. 33W ഫാസ്റ്റ് ചാർജിങ് സപ്പോർട്ടുള്ള 5,020mAh ബാറ്ററിയാണ് ഈ ഡിവൈസിൽ ഉള്ളത്.