5,000 mAh ബാറ്ററി കരുത്തുമായി റെഡ്മി 8 ഉടൻ ഇന്ത്യൻ വിപണിയിലെത്തും

റെഡ്മി 8 എ യുടെ ലോഞ്ചിനിടെ ഷവോമി ഇന്ത്യാ മേധാവിയും വൈസ് പ്രസിഡൻറുമായ മനു ജെയിൻ അടുത്ത ലോഞ്ചിങ് ഇവൻറിൽ വച്ച് റെഡ്മി 8 പുറത്തിറക്കുമെന്ന സൂചന നൽകിയിരുന്നു. എന്തായാലും, ലോഞ്ചിൻറെ കൃത്യമായ തീയതി കമ്പനി വെളിപ്പെടുത്തിയിട്ടില്ല. മറുവശത്ത്, സ്മാർട്ട്‌ഫോണിന്റെ സവിശേഷത ഇതിനകം തന്നെ മോഡൽ നമ്പർ M1908C3IC ൽ ടെനയിൽ ലിസ്റ്റുചെയ്തിട്ടുണ്ട്.

പുറത്തുവന്ന ലീക്ക് റിപ്പോർട്ടുകൾ പ്രകാരം റെഡ്മി 8 സ്മാർട്ട്‌ഫോണിൽ 1520 × 720 പിക്‌സൽ റെസല്യൂഷനുള്ള 6.26 ഇഞ്ച് എച്ച്ഡി + ഡിസ്‌പ്ലേ അവതരിപ്പിക്കാൻ സാധ്യതയുണ്ട്. 10W ചാർജറിനൊപ്പം 5,000 mAh ബാറ്ററിയും ഈ ഡിവൈസിൽ ഉണ്ടായിരിക്കുമെന്നാണ് റിപ്പോർട്ടുകൾ അങ്ങനെയെങ്കിൽ മികച്ച ബാറ്ററി ബാക്ക് അപ്പ് സ്മാർട്ട്ഫോൺ എന്ന നിലയിൽ കൂടിയായിരിക്കും ഷവോമി ഈ മോഡൽ വിപണിയിലിറക്കുന്നത്

സ്നാപ്ഡ്രാഗൺ 439 ചിപ്‌സെറ്റും അവയോട് ചേർന്ന് 2 ജിബി / 3 ജിബി / 4 ജിബി റാം, 16 ജിബി / 32 ജിബി / 64 ജിബി റോം എന്നിവയും റെഡ്മി 8 ൻറെ സവിശേഷതകളായിരിക്കും. മൈക്രോ എസ്ഡി കാർഡ് വഴി 512 ജിബി വരെ എക്സ്പാൻഡബിൾ മെമ്മറിയും ഡിവൈസിൽ ഉണ്ടാകും. കൂടാതെ റെഡ്മി 8 ൻറെ പിന്നിലായിരിക്കും ഫിംഗർപ്രിന്റ് സ്കാനർ ഉണ്ടായിരിക്കുകയെന്നും ലീക്ക് റിപ്പോർട്ടുകൾ വ്യക്തമാക്കുന്നു.

ക്യാമറയുടെ കാര്യം പരിശോധിക്കുകയാണെങ്കിൽ റെഡ്മി 8ൻറെ പിൻഭാഗത്ത് 12 എംപി, 8 എംപി സെൻസറും ഒപ്പം എൽഇഡി ഫ്ലാഷും ഉണ്ടായിരിക്കും. സെൽഫികൾക്കായി മുൻഭാഗത്ത് 8 എംപി സെൻസർ ഉണ്ടായിരിക്കുമെന്നാണ് കണക്ക് കൂട്ടുന്നത്. ആൻഡ്രോയിഡ് 9.0 പൈ ഓപ്പറേറ്റിങ് സിസ്റ്റത്തിലായിരിക്കും സ്മാർട്ട്‌ഫോൺ പ്രവർത്തിക്കുകയെന്നും റിപ്പോർട്ടുകളുണ്ട്. കണക്റ്റിവിറ്റി പരിശോധിച്ചാൽ റെഡ്മി 8ൽ ഡ്യൂവൽ സിം, VoLTE, ബ്ലൂടൂത്ത്, മൈക്രോ യുഎസ്ബി പോർട്ട് എന്നിവ ഉണ്ടാകുമെന്നും ലീക്ക് റിപ്പോർട്ടുകൾ സൂചിപ്പിക്കുന്നു.