ഗൂഗിൾ പിക്സൽ 4എ സ്മാർട്ട്ഫോൺ ഇപ്പോൾ 5,000 രൂപ വിലക്കിഴിവിൽ സ്വന്തമാക്കാം

ഗൂഗിൾ പിക്സൽ 4എ: വില

ഗൂഗിൾ പിക്സൽ 4എ സ്മാർട്ട്ഫോണിന്റെ 6 ജിബി റാം, 128 ജിബി റോം മോഡലിന് 31,999 രൂപയായിരുന്നു ഇന്ത്യയിൽ വില. ഇപ്പോൾ ഈ ഡിവൈസ് നിങ്ങൾക്ക് 26,999 രൂപയ്ക്ക് സ്വന്തമാക്കാം. ഈ ഓഫർ ജൂൺ 16 വരെ മാത്രമേ ലഭ്യമാകുകയുള്ളു. ഇത് കൂടാതെ ഫ്ലിപ്പ്കാർട്ട് ബിഗ് സേവിങ്സ് ഡേയ്സ് സെയിലിലൂടെ ഡിവൈസ് വാങ്ങുമ്പോൾ എസ്‌ബി‌ഐ ബാങ്ക് ക്രെഡിറ്റ് കാർഡിൽ 10 ശതമാനം കിഴിവും ഫ്ലിപ്പ്കാർട്ട് ആക്സിസ് ബാങ്ക് ക്രെഡിറ്റ് കാർഡ് ഇടപാടുകളിൽ അഞ്ച് ശതമാനം അൺലിമിറ്റഡ് ക്യാഷ് ബാക്കും ലഭിക്കും.

ഗൂഗിൾ പിക്സൽ 4എ: സവിശേഷതകൾ

ഗൂഗിൾ പിക്സൽ 4എ കഴിഞ്ഞ വർഷമാണ് ഇന്ത്യൻ വിപണിയിൽ അവതരിപ്പിച്ചത്. 5.8 ഇഞ്ച് അമോലെഡ് ഡിസ്പ്ലെയാണ് ഈ ഡിവൈസിൽ ഉള്ളത്. ഈ ഡിസ്പ്ലെ എഫ്എച്ച്ഡി റെസല്യൂഷനും കോർണിംഗ് ഗോറില്ല ഗ്ലാസ് 3 പ്രോട്ടക്ഷനുമായിട്ടാണ് വരുന്നത്. 6 ജിബി റാമും 128 ജിബി ഓൺബോർഡ് സ്റ്റോറേജുമുള്ള ഡിവൈസിന് കരുത്ത് നൽകുന്നത് സ്‌നാപ്ഡ്രാഗൺ 730ജി പ്രോസസറാണ്. സ്റ്റോറേജ് തികയാത്തവർത്ത് അത് എക്സ്പാൻഡ് ചെയ്യാനായി മൈക്രോ എസ്ഡി സ്ലോട്ട് ഈ ഡിവൈസിൽ ഇല്ല.

18W ചാർജിങ് സപ്പോർട്ട് ചെയ്യുന്ന 3,140 mAh ബാറ്ററിയാണ് ഈ ഡിവൈസിൽ നൽകിയിട്ടുള്ളത്. പിൻ വശത്ത് ഒരു ക്യാമറയാണ് ഉള്ളത്. 12.2 എംപിയാണ് ഈ ക്യാമറ. ഒഐ‌എസും 4കെ വീഡിയോ റെക്കോർഡിങും സപ്പോർട്ട് ചെയ്യുന്ന ക്യാമറയാണ് ഇത്. മുൻഭാഗത്ത് സെൽഫികൾക്കും വീഡിയോ കോളുകൾക്കുമായി ഈ സ്മാർട്ട്ഫോണിൽ 8 എംപി ഫ്രണ്ട് ഫേസിംഗ് ക്യാമറയാണ് ഉള്ളത്. ഈ ക്യാമറ 1080p വീഡിയോ റെക്കോർഡിങ് സപ്പോർട്ട് ചെയ്യുന്നു. സ്റ്റോക്ക് ആൻഡ്രോയിഡ് യുഐയിൽ പ്രവർത്തിക്കുന്ന ഡിവൈസിൽ 3.5 എംഎം ഹെഡ്‌ഫോൺ ജാക്കും ഉണ്ട്.

ഗൂഗിൾ പിക്‌സൽ 4എയുടെ പ്രധാന ആകർഷണം അതിന്റെ സ്റ്റോക്ക് ആൻഡ്രോയിഡ് ആണ്. അത് കൂടാതെ ക്യാമറ പെർഫോമൻസ് മറ്റ് ഡിവൈസുകളെ പിന്നിലാക്കുന്നു. പ്രത്യേകം അൾട്രാ-വൈഡ് സെൻസർ ഇല്ലാതെ തന്നെ, ഗൂഗിൾ പിക്‌സൽ 4എയിലെ പ്രൈമറി സെൻസറിന് ഏത് ലൈറ്റുള്ള അവസ്ഥയിലും മികച്ച നിലവാരമുള്ള ചിത്രങ്ങൾ പകർത്താൻ കഴിയും. പിക്സൽ സ്മാർട്ട്ഫോണുകളുടെ ഏറ്റവും വലിയ ആകർഷണവും ഈ ക്യാമറ സെറ്റപ്പ് തന്നെയാണ്.

ഉയർന്ന റിഫ്രഷ് റേറ്റ്, 5ജി കണക്റ്റിവിറ്റി, ചെറിയ ബാറ്ററി എന്നിവ ഗൂഗിൾ പിക്സൽ 4എ സ്മാർട്ട്ഫോണിന്റെ പോരായ്മകളാണ്. വൺപ്ലസ് നോർഡ് സിഇ 5 ജി, ഐക്യുഒഒ ഇസഡ്3 5ജി തുടങ്ങിയ സ്മാർട്ട്‌ഫോണുകൾ ഇതേ വില നിലവാരത്തിൽ പുറത്തിറങ്ങിയ ഏറ്റവും പുതിയ സ്മാർട്ട്ഫോണുകളാണ്. എന്തായാലും പിക്സൽ സ്മാർട്ട്ഫോൺ സ്വന്തമാക്കാൻ ആഗ്രഹിക്കുന്നവർക്ക് മികച്ച അവസരമാണ് ഫ്ലിപ്പ്കാർട്ട് സെയിൽ.