എയർടെൽ, ജിയോ, വിഐ എന്നിവയുടെ 3 ജിബി ഡെയ്‌ലി ഡാറ്റ നൽകുന്ന പ്രീപെയ്ഡ് പ്ലാനുകൾ

വീട്ടിലിരുന്ന് ജോലി ചെയ്യുന്നവർക്കും ഒടിടി സേവനങ്ങൾ ഉപയോഗിക്കുന്നവർക്കും കൂടുതൽ ഡാറ്റ ആവശ്യമായി വരും. ഇത്തരം അവസരങ്ങളിലാണ് ദിവസവും 3 ജിബി ഡാറ്റ നൽകുന്ന പ്ലാനുകൾക്ക് പ്രാധാന്യം വരുന്നത്. ജിയോ, വിഐ, എയർടെൽ എന്നിവ ദിവസവും 3 ജിബി ഡാറ്റ നൽകുന്ന പ്രീപെയ്ഡ് പ്ലാനുകൾ നൽകുന്നുണ്ട്. 300 രൂപയിൽ കൂടുതൽ വിലയുള്ള പ്ലാനുകളിലാണ് ദിവസവും 3ജിബി ഡാറ്റ നൽകുന്നത്.

ജിയോയുടെ ദിവസവും 3 ജിബി ഡാറ്റ പ്ലാനുകൾ

റിലയൻസ് ജിയോയ്ക്ക് മൂന്ന് 3 ജിബി ഡാറ്റ പ്ലാനുകളാണ് ഉള്ളത്. ഇതിൽ ആദ്യത്തെ പ്ലാനിന് 349 രൂപയാണ് വില, ദിവസവും 3 ജിബി ഡാറ്റ നൽകുന്ന പ്ലാൻ മൊത്തം വാലിഡിറ്റി കാലയളവിലേക്കുമായി 84 ജിബി ഡാറ്റ നൽകുന്നു. അൺലിമിറ്റഡ് ജിയോ ടു ജിയോ വോയ്‌സ് കോളിംഗ്, മറ്റ് നെറ്റ്വർക്കിലേക്ക് വിളിക്കാൻ 1,000 മിനുറ്റ് കോളിങ് 100 എസ്എംഎസുകൾ 28 ദിവസത്തെ വാലിഡിറ്റി എന്നിവയാണ് ഈ പ്ലാൻ നൽകുന്ന ആനുകൂല്യങ്ങൾ. ലിസ്റ്റിലെ രണ്ടാമത്തെ പ്ലാനിന്റെ വില 401 രൂപയാണ്. ഐപി‌എല്ലിന്റെ അവസരത്തിലാണ് ഇത് അവതരിപ്പിച്ചത്.

401 രൂപ പ്രീപെയ്ഡ് പ്ലാൻ ദിവസവും 3 ജിബി ഡാറ്റയാണ് നൽകുന്നത്. ഇതിനൊപ്പം മൊത്തം വാലിഡിറ്റി കാലയളവിലേക്കുമായി 6 ജിബി അധിക ഡാറ്റയും നൽകുന്നു. അൺലിമിറ്റഡ് ജിയോ ടു ജിയോ വോയ്‌സ് കോളുകളും , മറ്റ് നെറ്റ്വർക്കിലേക്ക് വിളിക്കാൻ 1,000 മിനുറ്റും, 100 എസ്എംഎസുകളും ഈ പ്ലാനിലൂടെ ലഭിക്കും. 28 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ഇതിനൊപ്പം 399 രൂപ വിലമതിക്കുന്ന ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷനും ലഭിക്കും.

ജിയോയുടെ ദിവസവും 3 ജിബി ഡാറ്റ നൽകുന്ന പ്ലാനുകളിൽ അവസാനത്തേത് 999 രൂപ വിലയുള്ള പ്ലാനാണ്. 84 ദിവസത്തെ വാലിഡിറ്റിയാണ് ഈ പ്ലാനിനുള്ളത്. മൊത്തം വാലിഡിറ്റി കാലയളവിലുമായി 252 ജിബി 4 ജി ഡാറ്റ നൽകുന്ന പ്ലാൻ ഡാറ്റ ലിമിറ്റ അവസാനിച്ച ശേഷം 64 കെബിപിഎസ് വേഗതയിലുള്ള ഇന്റർനെറ്റ് നൽകുന്നു. അൺലിമിറ്റഡ് ജിയോ ടു ജിയോ കോളുകൾ, മറ്റ് നെറ്റ്വർക്കിലേക്ക് വിളിക്കാൻ 3,000 മിനുറ്റ് കോളിങ് എന്നിവയാണ് ഈ പ്ലാൻ നൽകുന്ന ആനുകൂല്യങ്ങൾ. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും.

എയർടെല്ലിന്റെ ദിവസവും 3 ജിബി ഡാറ്റ പ്ലാനുകൾ

എയർടെല്ലിന് 3 ജിബി ഡാറ്റ നൽകുന്ന രണ്ട് പ്രീപെയ്ഡ് പ്ലാനുകളാണ് ഉള്ളത്. ഇതിൽ ആദ്യത്തെ പ്ലാനിന്റെ വില 398 രൂപയാണ്. ഈ പ്ലാനിന് 28 ദിവസം വാലിഡിറ്റിയാണ് ഉള്ളത്. ഇന്ത്യയിലെ എല്ലാ നെറ്റ്‌വർക്കിലേക്കും അൺലിമിറ്റഡ് വോയ്‌സ് കോളിങ് ആനുകൂല്യം, ദിവസവും 100 എസ്എംഎസ് എന്നിവയാണ് ഈ പ്ലാൻ നൽകുന്ന മറ്റ് ആനുകൂല്യങ്ങൾ. ഇതിനൊപ്പം എയർടെൽ എക്‌സ്ട്രീം പ്രീമിയം സബ്‌സ്‌ക്രിപ്‌ഷൻ, സൌജന്യ വിങ്ക് മ്യൂസിക് സബ്‌സ്‌ക്രിപ്‌ഷൻ, സൌജന്യ ഹെലോട്യൂൺസ്, സൌജന്യമായി ഷാ അക്കാദമി കോഴ്‌സുകൾ, ഫാസ്റ്റ് ടാഗിൽ 100 ​​രൂപ ക്യാഷ്ബാക്ക് എന്നിവയാണ് ഇതിനൊപ്പം ലഭിക്കുന്ന അധിക ആനുകൂല്യങ്ങൾ.

എയർടെല്ലിന്റെ 558 രൂപ വിലയുള്ള പ്രീപെയ്ഡ് പ്ലാൻ 3 ജിബി ഡാറ്റയാണ് നൽകുന്നത്. ഈ പ്ലാൻ 56 ദിവസത്തെ വാലിഡിറ്റിയോടെയാണ് വരുന്നത്. മൊത്തം വാലിഡിറ്റി കാലയളവിലേക്കുമായി 168 ജിബി ഡാറ്റയാണ് ഈ പ്ലാൻ നൽകുന്നത്. 349 രൂപ റീചാർജ് പ്ലാനിൽ അധിക ആനുകൂല്യങ്ങൾക്കൊപ്പം അൺലിമിറ്റഡ് വോയ്‌സ് കോളിങും ദിവസവും 100 എസ്എംഎസുകളും 558 രൂപ പ്ലാൻ നൽകുന്നു.

വിഐയുടെ 3 ജിബി ഡെയ്‌ലി ഡാറ്റ പ്ലാൻ

ഭാരതി എയർടെല്ലിന് സമാനമായി 398 രൂപയുടെയും 558 രൂപയുടെയും പ്രീപെയ്ഡ് പ്ലാനുകളാണ് വിഐയ്ക്ക് ഉള്ളത്. ഈ പ്ലാനുകൾ യഥാക്രമം 28 ദിവസം, 56 ദിവസം വാലിഡിറ്റിയോടെയാണ് വരുന്നത്. ദിവസവും 3 ജിബി ഡാറ്റ, എല്ലാ നെറ്റ്വർക്കിലേക്കും അൺലിമിറ്റഡ് കോളുകൾ എന്നിവയാണ് ഈ പ്ലാനിലൂടെ ലഭിക്കുന്ന ആനുകൂല്യങ്ങൾ. എയർടെൽ വിഐ പ്ലാനുകൾ നൽകുന്ന ആനുകൂല്യങ്ങൾ സമാനമാണ് എങ്കിലും എയർടെൽ നൽകുന്ന അധിക ആനുകൂല്യങ്ങളൊന്നും വിഐ പ്ലാൻ നൽകുന്നില്ല.