Airtel: ജിയോയെ നേരിടാൻ രണ്ട് പുതിയ പ്രീപെയ്ഡ് പ്ലാനുകളുമായി എയർടെൽ

|

രാജ്യത്തെ രണ്ടാമത്തെ വലിയ ടെലിക്കോം ഓപ്പോറേറ്ററാണ് ഭാരതി എയർടെൽ (Airtel). ജിയോയുമായി കടുത്ത മത്സരത്തിലേർപ്പെടുന്ന എയർടെൽ പുതിയ രണ്ട് പ്രീപെയ്ഡ് പ്ലാനുകൾ അവതരിപ്പിച്ചു. ജിയോ തങ്ങളുടെ പ്രീപെയ്ഡ്, പോസ്റ്റ്‌പെയ്ഡ്, ബ്രോഡ്ബാന്റ് വിഭാഗങ്ങളിൽ സ്വാതന്ത്ര്യദിന ഓഫറുകൾ പ്രഖ്യാപിച്ചതിന് പിന്നാലെയാണ് എയർടെൽ രണ്ട് പ്ലാനുകൾ അവതരിപ്പിച്ചിരിക്കുന്നത്. 519 രൂപയുടെയും 779 രൂപയുടെയും പ്ലാനുകളാണ് എയർടെൽ അവതരിപ്പിച്ചിരിക്കുന്നത്.

 

എയർടെൽ

എയർടെൽ അവതരിപ്പിച്ച രണ്ട് പ്രീപെയ്ഡ് പ്ലാനുകളും അൺലിമിറ്റഡ് വോയ്‌സ് കോളിങ്, ദിവസവും 1.5 ജിബി ഹൈ-സ്പീഡ് ഡാറ്റ, ഓരോ ദിവസവും 100 എസ്എംഎസുകൾ എന്നിവ നൽകുന്ന പ്ലാനുകളാണ്. ഈ രണ്ട് പ്ലാനുകളും ഇതിനകം തന്നെ എയർടെല്ലിന്റെ വെബ്‌സൈറ്റിലും എയർടെൽ താങ്ക്സ് ആപ്പിലും ലിസ്റ്റ് ചെയ്തിട്ടുണ്ട്. ഇന്ത്യയിൽ 5ജി അവതരിപ്പിക്കാനുള്ള തയ്യാറെടുപ്പുകൾ പൂർത്തിയാക്കുന്ന എയർടെൽ തങ്ങളുടെ 4ജി ഉപയോക്താക്കളുടെ എണ്ണം കുറയാതിരിക്കാനുള്ള പരിശ്രമങ്ങളും നടത്തുന്നുണ്ട്. എയർടെൽ പുതുതായി അവതരിപ്പിച്ച രണ്ട് പ്ലാനുകളുടെയും ആനുകൂല്യങ്ങൾ വിശദമായി നോക്കാം.

ജിയോയെ മറികടക്കാൻ എയർടെൽ, 5ജി ലോഞ്ച് ഓഗസ്റ്റിൽജിയോയെ മറികടക്കാൻ എയർടെൽ, 5ജി ലോഞ്ച് ഓഗസ്റ്റിൽ

എയർടെൽ 519 രൂപ പ്ലാൻ

എയർടെൽ 519 രൂപ പ്ലാൻ

എയർടെല്ലിന്റെ പുതിയ 519 രൂപ പ്ലാനിലൂടെ ഉപയോക്താക്കൾക്ക് രാജ്യത്തെ എല്ലാ നെറ്റ്വർക്കിലേക്കും അൺലിമിറ്റഡ് വോയ്‌സ് കോളിങ് ആനുകൂല്യങ്ങൾ ലഭിക്കും. 60 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ദിവസവും 1.5 ജിബി ഡാറ്റ വീതം മൊത്തം വാലിഡിറ്റി കാലയളവിലേക്കുമായി 90 ജിബി ഡാറ്റയും ഈ പ്ലാൻ നൽകുന്നുണ്ട്. ഇതോടൊപ്പം തങ്ങളുടെ ഉപയോക്താക്കൾക്ക് എയർടെൽ താങ്ക്സ് ആനുകൂല്യങ്ങളും നൽകുന്നുണ്ട്. സൗജന്യ അപ്പോളോ 24|7 സർക്കിൾ, ഹെലോട്യൂൺസ്, വിങ്ക് മ്യൂസിക്, ഫാസ്ടാഗിൽ 100 ​​രൂപ ക്യാഷ്ബാക്ക് എന്നിവയാണ് ഈ ആനുകൂല്യങ്ങൾ.

എയർടെൽ 779 രൂപയുടെ പ്ലാൻ
 

എയർടെൽ 779 രൂപയുടെ പ്ലാൻ

പുതുതായി ലോഞ്ച് ചെയ്ത എയർടെല്ലിന്റെ 779 രൂപ പ്രീപെയ്ഡ് പ്ലാൻ ദിവസവും 1.5 ജിബി ഡാറ്റ ആനുകൂല്യം നൽകുന്നു. ഈ പ്ലാൻ 90 ദിവസത്തെ വാലിഡിറ്റിയാണ് നൽകുന്നത്. മൊത്തം വാലിഡിറ്റി കാലയളവിലേക്കുമായി പ്ലാനിലൂടെ 135 ജിബി ഡാറ്റയാണ് വരിക്കാർക്ക് ലഭിക്കുന്നത്. പ്ലാനിലൂടെ ലഭിക്കുന്ന മറ്റ് ആനുകൂല്യങ്ങളെല്ലാം 519 രൂപയുടെ പ്ലാനിന് സമാനമാണ്. അൺലിമിറ്റഡ് കോളിങ്, ദിവസവും 100 എസ്എംഎസുകൾ എയർടെൽ താങ്ക്സ് ആനുകൂല്യങ്ങൾ എന്നിവയും ഈ പ്ലാനിലൂടെ ലഭിക്കും.

അധികം പണം മുടക്കേണ്ട, എയർടെൽ വരിക്കാർ അറിഞ്ഞിരിക്കേണ്ട വില കുറഞ്ഞ പ്ലാനുകൾഅധികം പണം മുടക്കേണ്ട, എയർടെൽ വരിക്കാർ അറിഞ്ഞിരിക്കേണ്ട വില കുറഞ്ഞ പ്ലാനുകൾ

ദിവസവും 1.5 ജിബി ഡാറ്റ നൽകുന്ന മറ്റ് എയർടെൽ പ്ലാനുകൾ

ദിവസവും 1.5 ജിബി ഡാറ്റ നൽകുന്ന മറ്റ് എയർടെൽ പ്ലാനുകൾ

കുറഞ്ഞ നിരക്കിൽ ദിവസവും 1.5 ജിബി ഡാറ്റ നൽകുന്ന മികച്ച പ്ലാനുകൾ വേറെയും എയർടെല്ലിനുണ്ട്. ഇതിൽ ആദ്യത്തേത് 299 രൂപ പ്ലാനാണ്. ഈ പ്ലാനിലൂടെ ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങൾ ലഭിക്കും. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും. 28 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ദിവസവും 1.5 ജിബി ഡാറ്റ വീതം പ്ലാനിലൂടെ മൊത്തം 42 ജിബി ഡാറ്റയാണ് ഉപയോക്താക്കൾക്ക് ലഭിക്കുന്നത്. അപ്പോളോ 24|7 സർക്കിൾ സബ്‌സ്‌ക്രിപ്‌ഷൻ, ഫാസ്ടാഗിൽ 100 ​​രൂപ ക്യാഷ്ബാക്ക് എന്നിവയും ഈ പ്ലാനിലൂടെ ലഭിക്കുന്നു.

479 രൂപയുടെ പ്ലാൻ

ദിവസവും 1.5 ജിബി ഡാറ്റ നൽകുന്ന എയർടെല്ലിന്റെ മറ്റൊരു ശ്രദ്ധേയമായ പ്ലാനിന് 479 രൂപയാണ് വില വരുന്നത്. ഈ പ്ലാനിലൂടെ 56 ദിവസത്തെ വാലിഡിറ്റിയാണ് ലഭിക്കുന്നത്. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങളും പ്ലാനിലൂടെ ലഭിക്കുന്നു. ദിവസവും 100 എസ്എംഎസുകളാണ് ഈ പ്ലാൻ നൽകുന്നത്. അപ്പോളോ 24|7 സർക്കിളിലേക്കുള്ള സബ്‌സ്‌ക്രിപ്‌ഷനും പ്ലാനിലൂടെ ലഭിക്കും. 3 മാസത്തെ വാലിഡിറ്റിയാണ് ഈ ആനുകൂല്യത്തിനുള്ളത്. സൌജന്യ ഹലോട്യൂൺസ്, സൗജന്യ വിങ്ക് മ്യൂസിക് തുടങ്ങിയ ആനുകൂല്യങ്ങൾ ഈ പ്ലാൻ നൽകുന്നു.

Airtel 5G: എന്നെത്തും ഇന്ത്യ മുഴുവൻ എയർടെൽ 5ജി? കാത്തിരിക്കേണ്ടി വരുമെന്ന് കമ്പനിAirtel 5G: എന്നെത്തും ഇന്ത്യ മുഴുവൻ എയർടെൽ 5ജി? കാത്തിരിക്കേണ്ടി വരുമെന്ന് കമ്പനി

Most Read Articles
Best Mobiles in India

English summary
Airtel has introduced two new prepaid plans. Airtel has introduced Rs 519 and Rs 779 plans. These are plans that provide 1.5 GB data per day.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X