എയർടെൽ ഉപയോക്താക്കൾക്കായി പുതിയ മൂന്ന് പ്രീപെയ്ഡ് പ്ലാനുകൾ അവതരിപ്പിച്ചു

99 രൂപ, 129 രൂപ, 199 രൂപ എന്നീ നിരക്കുകളിലാണ് എയർടെല്ലിന്റെ പുതിയ പ്ലാനുകൾ. ഈ പ്ലാനുകളെല്ലാം അൺലിമിറ്റഡ് കോളിംഗും സീ 5 സബ്സ്ക്രിപ്ഷനും വിങ്ക് മ്യൂസിക്, എയർടെൽ എക്സ്സ്ട്രീം എന്നിവയിലേക്കുള്ള ആക്സസും അധിക ആനുകൂല്യങ്ങളായി നൽകുന്നു. 99 രൂപ പ്ലാനും 129 രൂപ പ്ലാനും ഉപയോക്താക്കൾക്ക് മൊത്തം വാലിഡിറ്റി കാലയളവിലേക്കുമായി 1 ജിബി ഡാറ്റയാണ് നൽകുന്നത്. 199 രൂപ പ്ലാൻ മൊത്തം കാലയളവിലും ദിവസേന 1 ജിബി ഡാറ്റ വീതം നൽകുന്നു.

കൂടുതൽ വായിക്കുക: എയർടെൽ റീചാർജിനൊപ്പം ആമസോൺ പ്രൈം സബ്സ്ക്രിപ്ഷൻ സൌജന്യമായി നേടാം

എയർടെല്ലിന്റെ 199 രൂപ പ്ലാനിന് സമാനമായ പ്ലാൻ ചില സർക്കിളുകളിൽ വോഡഫോണും നൽകുന്നുണ്ട്. വോഡാഫോൺ 199 രൂപ പ്ലാനിലൂടെ ദിവസവും 1 ജിബി ഡാറ്റയും വോഡഫോൺ പ്ലേ, സീ 5 എന്നിവയുടെ സബ്സ്ക്രിപ്ഷനും ലഭിക്കും. അതേ സമയം റിലയൻസ് ജിയോയുടെ 149 രൂപയ്ക്ക് ജിയോ ആപ്ലിക്കേഷനുകൾക്ക് കോംപ്ലിമെന്ററി സബ്സ്ക്രിപ്ഷനും 24 ദിവസത്തെ വാലിഡിറ്റിയിൽ ദിവസേന 1 ജിബി ഡാറ്റയും നൽകുന്നുണ്ട്.

99 രൂപ പ്ലാൻ കേരളത്തിലില്ല

എയർടെല്ലിന്റെ 99 രൂപ പ്രീപെയ്ഡ് പ്ലാൻ മൊത്തം വാലിഡിറ്റി കാലയളവിലേക്കുമായി 1 ജിബി ഡാറ്റയാണ് നൽകുന്നത്. 100 എസ്എംഎസ് അൺലിമിറ്റഡ് കോളിംഗ് എന്നിവ നൽകുന്ന ഈ പ്ലാൻ 18 ദിവസത്തെ വാലിഡിറ്റിയാടെയാണ് വരുന്നത്. ഈ പ്ലാൻ കേരളത്തിൽ ലഭ്യമല്ല. ബീഹാർ ജാർഖണ്ഡ്, കൊൽക്കത്ത, എംപി, ഛത്തീസ്ഗഡ്, ഒറീസ, രാജസ്ഥാൻ, യുപി ഈസ്റ്റ്, പശ്ചിമ ബംഗാൾ സർക്കിളുകളിൽ 99 രൂപ പ്ലാൻ ലഭ്യമാണ്.

കൂടുതൽ വായിക്കുക: എയർടെൽ ഉപയോക്താക്കൾക്ക് സീ5 പ്രീമിയം കണ്ടന്റ് സൌജന്യമായി നേടാം

129 രൂപ പ്ലാൻ

129 രൂപയുടെ പ്ലാൻ 99 രൂപ പ്ലാനിന് സമാനമായ ആനുകൂല്യങ്ങൾ വാഗ്ദാനം ചെയ്യുന്ന പ്ലാനാണ് എങ്കിലും ഈ പ്ലാനിന് 24 ദിവസത്തെ വാലിഡിറ്റാണ് ലഭിക്കുന്നത്. ഈ പ്ലാനിലൂടെ ഉപയോക്താക്കൾക്ക് 300 എസ്എംഎസുകളും ലഭിക്കും. കേരളം ഉൾപ്പെടെ ചില സർക്കിളുകളിൽ മാത്രമേ ഈ പ്ലാൻ ലഭ്യമാവുകയുള്ളു. കേരളത്തോടൊപ്പം അസം, ബീഹാർ ആന്റ് ജാർഖണ്ഡ്, ഗുജറാത്ത്, ഹരിയാന, കൊൽക്കത്ത, എം‌പി, ഛത്തീസ്ഗഡ്, മഹാരാഷ്ട്ര, ഗോവ, നോർത്ത് ഈസ്റ്റ്, ഒറീസ, രാജസ്ഥാൻ, യുപി ഈസ്റ്റ്, യുപി വെസ്റ്റ്, ഉത്തരാഖണ്ഡ് പശ്ചിമ ബംഗാൾ എന്നിവിടങ്ങളിലാണ് ഈ പ്ലാൻ ലഭ്യമാവുക.

എയർടെൽ 199 രൂപ പ്ലാൻ

എയർടെല്ലിന്റെ 199 രൂപ പ്ലാനിലൂടെ ദിവസവും 1ജിബി ഡാറ്റയാണ് ഉപയോക്താവിന് ലഭിക്കുന്നത്. അൺലിമിറ്റഡ് കോളിംഗും 24 ദിവസത്തേക്ക് 100 എസ്എംഎസുകളും ഈ പ്ലാനിലൂടെ ലഭിക്കുന്നു. കേരളത്തോടൊപ്പം അസം, ബീഹാർ, ജാർഖണ്ഡ്, ഗുജറാത്ത്, ഹരിയാന, കൊൽക്കത്ത, എംപി, ഛത്തീസ്ഗഡ് എന്നീ 129 രൂപ പ്ലാൻ ലഭ്യമാകുന്ന സർക്കിളുകളിൽ ഈ 199 രൂപ പ്ലാൻ ലഭ്യമാണ്. ഇവ കൂടാതെ മഹാരാഷ്ട്ര, ഗോവ, നോർത്ത് ഈസ്റ്റ്, ഒറീസ, രാജസ്ഥാൻ, യുപി ഈസ്റ്റ്, യുപി വെസ്റ്റ്, ഉത്തരാഖണ്ഡ്, പശ്ചിമ ബംഗാൾ എന്നീ സർക്കിളുകളിലും ഈ പ്ലാൻ ലഭിക്കും.

കൂടുതൽ വായിക്കുക: ടെലിക്കോം കമ്പനികൾ ലോക്ക്ഡൌൺ കാലത്തുള്ള പ്രത്യേക ആനുകൂല്യങ്ങൾ നിർത്തലാക്കി