ജിയോ, എയർടെൽ, വിഐ എന്നിവയുടെ ദിവസവും 2.5 ജിബി ഡാറ്റ നൽകുന്ന പ്ലാനുകൾ

ദിവസവും 2.5 ജിബി ഡാറ്റ പ്രീപെയ്ഡ് പ്ലാനുകൾ ജിയോ, എയർടെൽ, വിഐ എന്നിവ നൽകുന്നുണ്ട്. ഈ പ്ലാനുകളിൽ തന്നെ വിഐ, എയർടെൽ എന്നിവ ദിവസവും 2.5 ജിബി ഡാറ്റ നൽകുന്ന പ്രീപെയ്ഡ് പ്ലാനുകൾക്ക് 28 ദിവസത്തെ വളരെ ചെറിയ വാലിഡിറ്റി മാത്രമാണ് നൽകുന്നത്. അതേസമയം റിലയൻസ് ജിയോ ദിവസവും 2.5 ജിബി ഡാറ്റ നൽകുന്ന പ്ലാനിലൂടെ 365 ദിവസത്തെ വാലിഡിറ്റിയാണ് നൽകുന്നത്. ജിയോയ്ക്ക് ഡാറ്റ ആനുകൂല്യം നൽകുന്ന കുറഞ്ഞ വാലിഡിറ്റിയുള്ള പ്ലാൻ ഇല്ല. അതുകൊണ്ട് തന്നെ വിഐ, എയർടെൽ എന്നിവ ദിവസവും 2.5 ജിബി ഡാറ്റ നൽകുന്ന വില കുറഞ്ഞ പ്ലാനുകൾ നൽകുമ്പോൾ ജിയോയുടെ പ്ലാനിന് വില കൂടുതലാണ്.

ജിയോയുടെ പ്ലാൻ

റിലയൻസ് ജിയോ അടുത്തിടെയാണ് ദിവസവും 2.5 ജിബി ഡാറ്റ നൽകുന്ന പ്ലാൻ അവതരിപ്പിച്ചത്. ഈ പ്ലാനിന് 2999 രൂപയാണ് വില. ഉപഭോക്താക്കൾക്ക് ദിവസവും 2.5 ജിബി അതിവേഗ ഡാറ്റയാണ് ഈ പ്ലാനിലൂടെ ലഭിക്കുന്നത്. ഈ എഫ്യുപി ലിമിറ്റ് അവസാനിച്ച് കഴിഞ്ഞാൽ ഡാറ്റയുടെ വേഗത 64 കെബിപിഎസ് ആയി കുറയും. ഇതോടൊപ്പം ഉപഭോക്താക്കൾക്ക് ദിവസവും 100 എസ്എംഎസുകളും അൺലിമിറ്റഡ് വോയിസ് കോളിങ് ആനുകൂല്യങ്ങളും ജിയോ നൽകുന്നുണ്ട്. ഈ പ്ലാൻ മൊത്തം ഡാറ്റ 912.5 ജിബി ആണ്. ഈ പ്ലാൻ തിരഞ്ഞെടുക്കുന്ന ഉപയോക്താക്കൾക്ക് ജിയോ ടിവി, ജിയോ സെക്യൂരിറ്റി, ജിയോ ക്ലൌഡ്, ജിയോ സിനിമ എന്നിവയുടെ അധിക ആനുകൂല്യങ്ങളും ലഭിക്കും.

എയർടെൽ പ്ലാൻ

ഭാരതി എയർടെല്ലിന്റെ ദിവസവും 2.5 ജിബി ഡാറ്റ നൽകുന്ന പ്ലാനിന് 449 രൂപയാണ് വില. ഈ പ്ലാൻ 28 ദിവസത്തെ വളരെ ചെറിയ വാലിഡിറ്റിയാണ് നൽകുന്നത്. ദിവസവുമുള്ള 2.5 ജിബി ഡാറ്റ ലിമിറ്റ് അവസാനിച്ച് കഴിഞ്ഞാൽ ഡാറ്റ വേഗത 64 കെബിപിഎസ് ആയി കുറയുന്നു. ഈ പ്ലാനിലൂടെ സൗജന്യ എയർടെൽ എക്‌സ്ട്രീം പ്രീമിയം, ഫാസ്‌ടാഗ് ക്യാഷ്ബാക്ക്, ഷാ അക്കാദമി, വിങ്ക് മ്യൂസിക്, ആമസോൺ പ്രൈം വീഡിയോ മൊബൈൽ എഡിഷൻ സൗജന്യ ട്രയൽ എന്നിവയടക്കമുള്ള അധിക ആനുകൂല്യങ്ങൾ നൽകുന്ന എയർടെൽ താങ്ക്സ് ആക്സസ് ലഭിക്കും. ഈ പ്ലാനിലൂടെ അൺലിമിറ്റഡ് വോയ്‌സ് കോളിങ് ആനുകൂല്യങ്ങളും ദിവസവും 100 എസ്എംഎസുകളും എയർടെൽ നൽകുന്നുണ്ട്.

വിഐ പ്ലാൻ

വോഡഫോൺ ഐഡിയയുടെ ദിവസവും 2.5 ജിബി ഡാറ്റ നൽകുന്ന പ്ലാനിന് 409 രൂപയാണ് വില. എയർടെൽ പ്ലാനിനെക്കാൾ വില കുറഞ്ഞ പ്ലാനാണ് ഇത്. എന്നാൽ ഈ പ്ലാൻ എയർടെൽ പ്ലാൻ നൽകുന്നതിന് സമാനമായ 28 ദിവസത്തെ വാലിഡിറ്റി നൽകുന്നുണ്ട്. ഈ പ്ലാനിലൂടെ ഉപയോക്താക്കൾക്ക് അൺലിമിറ്റഡ് വോയിസ് കോളിങ് ആനുകൂല്യങ്ങളും ദിവസവും 100 എസ്എംഎസുകളും ലഭിക്കുന്നു. വിഐ ഹീറോ അൺലിമിറ്റഡ് ആനുകൂല്യങ്ങളും ഉപഭോക്താക്കൾക്കായി ലഭിക്കും. വിഐ മൂവീസ് & ടിവി ഓവർ-ദി-ടോപ്പ് (ഒടിടി) ആനുകൂല്യവും ഈ പ്ലാനിനൊപ്പം സൗജന്യമായി നൽകുന്നുണ്ട്. വിഐ ഹീറോ അൺലിമിറ്റഡ് ആനുകൂല്യങ്ങളിൽ ബിഞ്ചെ ഓൾനൈറ്റ്, വീക്കെൻഡ് ഡാറ്റ റോൾ ഓവർ, ഡാറ്റ ഡിലൈറ്റ്സ് എന്നിവയാണ് ഉൾപ്പെടുന്നത്.

3 ജിബി ഡാറ്റ നൽകന്ന ജിയോ, വിഐ, എയർടെൽ പ്ലാനുകൾ

ജിയോയുടെ ദിവസവും 3 ജിബി ഡാറ്റ നൽകുന്ന പ്ലാനുകളിൽ ആദ്യത്തേത് 499 രൂപ വിലയുള്ള പ്ലാനാണ്. ഈ പ്ലാൻ 28 ദിവസത്തേക്ക് 3 ജിബി ഡാറ്റ നൽകുന്നു. ഇതിനൊപ്പം മൊത്തം വാലിഡിറ്റി കാലയളവിക്കുമായി 6 ജിബി ഡാറ്റ അധികമായും നൽകുന്നുണ്ട്. എല്ലാ നെറ്റ്‌വർക്കിലേക്കും അൺലിമിറ്റഡ് കോളുകളും ഈ പ്ലാനിലൂടെ ലഭിക്കും. ഈ പ്ലാൻ ജിയോ ആപ്പുകളിലേക്ക് ഒരു കോംപ്ലിമെന്ററി സബ്സ്ക്രിപ്ഷനും ഡിസ്നി+ ഹോട്ട്സ്റ്റാർ മൊബൈൽ സബ്സ്ക്രിപ്ഷനും നൽകുന്നു.

499 രൂപ വിലയുള്ള എയർടെല്ലിന്റെ പ്രീപെയ്ഡ് പ്ലാൻ ഉപയോക്താക്കൾക്കൾക്ക് ദിവസവും 3ജിബി ഡാറ്റയും 100 എസ്എംഎസുകളും അൺലിമിറ്റഡ് കോളിങ് ആനുകൂല്യങ്ങളും നൽകുന്നു. ഈ പ്ലാനിന് 28 ദിവസത്തെ വാലിഡിറ്റിയാണ് ഉള്ളത്. ഈ പ്ലാൻ ഡിസ്നി+ ഹോട്ട്സ്റ്റാർ മൊബൈൽ ആനുകൂല്യവും ആമസോൺ പ്രൈം മൊബൈൽ ആക്സസും നൽകുന്നു. എയർടെൽ പ്ലാനിലൂടെ അപ്പോളോ 24 /7, സൗജന്യ ഹെലോട്യൂൺസ്, വിങ്ക് മ്യൂസിക്, സൗജന്യ ഓൺലൈൻ കോഴ്സുകൾ, ഫാസ്റ്റാഗിൽ 100 ​​രൂപ ക്യാഷ്ബാക്ക് എന്നിവയും ലഭിക്കും.

വോഡാഫോൺ ഐഡിയയുടെ ദിവസവും 3ജിബി ഡാറ്റ ആനുകൂല്യം നൽകുന്ന പ്ലാനിന് 501 രൂപ വിലയുണ്ട്. ഈ പ്രീപെയ്ഡ് പ്ലാൻ 28 ദിവസത്തേക്ക് 3ജിബി ഡാറ്റ ആനുകൂല്യവും ദിവസവും 100 എസ്എംഎസുകളും നൽകുന്നു. ഈ പ്ലാൻ ഡിസ്നി+ ഹോട്ട്സ്റ്റാർ സൌജന്യ സബ്ക്രിപ്ഷനും നൽകുന്നുണ്ട്. മൊത്തം വാലിഡിറ്റി കാലയളവിലേക്കായി 16 ജിബി അധിക ഡാറ്റയാണ് ഈ പ്ലാൻ നൽകുന്നത്. 1 വർഷത്തെ വിഐപി സബ്സ്ക്രിപ്ഷനും ഈ പ്ലാൻ നൽകുന്നു. ഹൈ-സ്പീഡ് നൈറ്റ് ടൈം ഇന്റർനെറ്റ്, വീക്കെൻഡ് റോൾഓവർ ഡാറ്റ ആനുകൂല്യം, വിഐ മൂവീസ്, ടിവി തുടങ്ങിയവയിലേക്ക് ആക്സസ് എന്നിവയും ഈ പ്ലാനിലൂടെ ലഭിക്കുന്നു.