ഈ പ്രീപെയ്ഡ് പ്ലാനുകൾ റീചാർജ് ചെയ്താൽ സൌജന്യമായി ഐപിഎൽ കാണാം

ഐപിഎൽ സൌജന്യമായി കാണാനുള്ള ജിയോ പ്ലാനുകൾ

ജിയോയ്ക്ക് ഡിസ്നി+ ഹോട്ട്സ്റ്റാർ വിഐപി സബ്ക്രിപ്ഷൻ നൽകുന്ന മികച്ച ചില പ്ലാനുകളുണ്ട്. ഈ പ്ലാനുകൾ റീചാർജ് ചെയ്താൽ ഉപയോക്താക്കൾക്ക് ഐ‌പി‌എൽ സ്ട്രീമിംഗിന് സൌജന്യമായി ആസ്വദിക്കാം. കഴിഞ്ഞ ദിവസവും ജിയോ ക്രിക്കറ്റ് പായ്ക്കുകളുടെ വിഭാഗത്തിലേക്ക് പുതിയ പ്രീപെയ്ഡ് പ്ലാൻ അവതരിപ്പിച്ചിരുന്നു. 56 ദിവസത്തെ വാലിഡിറ്റിയുള്ള 499 രൂപയുടെ പായ്ക്കാണ് ജിയോ അവതരിപ്പിച്ചത്. ഈ പ്ലാനിലൂടെ കോളിങ് ആനുകൂല്യങ്ങളോ എസ്എംഎസ് ആനുകൂല്യങ്ങലോ ലഭിക്കില്ല. ദിവസവും 1.5ജിബി ഡാറ്റയാണ് ഈ പ്ലാനിലൂടെ ലഭിക്കുന്നത്. ഒരു വർഷത്തെ ഡിസ്നി+ ഹോട്ട്സ്റ്റാർ വിഐപി സബ്ക്രിപ്ഷനും ഇതിനൊപ്പം ലഭിക്കും.

ഐപിഎൽ കാണുന്നതിന് ജിയോ ഉപയോക്താക്കൾക്ക് തിരഞ്ഞെടുക്കാവുന്ന മറ്റൊരു പ്ലാൻ 777 രൂപയുടെ പ്ലാനാണ്. 84 ദിവസത്തെ വാലിഡിറ്റിയാണ് ഈ പ്ലാനിനുള്ളത്. 5 ജിബി ബോണസ് ഡാറ്റയ്‌ക്കൊപ്പം 1.5 ജിബി പ്രതിദിന ഡാറ്റയാണ് ഈ പ്ലാനിലൂടെ ലഭിക്കുന്നത്. മറ്റ് നെറ്റ്വർക്കിലേക്ക് വിളിക്കാൻ 3,000 മിനുറ്റ് കോളുകളും ജിയോ നമ്പരുകളിലേക്ക്അൺലിമിറ്റഡ് കോളിങും ഈ പ്ലാൻ നൽകുന്നു. ദിവസവും 100 എസ്എംഎസ് നൽകുന്ന ഈ പ്ലാൻ എല്ലാ ജിയോ ആപ്ലിക്കേഷനുകളിലേക്കും കോംപ്ലിമെന്ററി സബ്സ്ക്രിപ്ഷനും ഡിസ്നി + ഹോട്ട്സ്റ്റാറിന്റെ ഒരു വർഷത്തെ വിഐപി സബ്സ്ക്രിപ്ഷനും നൽകുന്നു.

ഐപിഎൽ സൌജന്യമായി കാണാനുള്ള എയർടെൽ പ്ലാനുകൾ

ഐ‌പി‌എൽ 2020 സൌജന്യമായി കാണാൻ സഹായിക്കുന്ന എയർടെല്ലിന്റെ പ്ലാനുകളിൽ ആദ്യത്തേത് 599 രൂപയുടെ പ്ലാനാണ്. 56 ദിവസത്തെ വാലിഡിറ്റിയുള്ള ഈ പ്ലാൻ ദിവസവും 2 ജിബി ഡാറ്റയാണ് നൽകുന്നത്. ഇതോടൊപ്പം ഉപഭോക്താവിന് അൺലിമിറ്റഡ് വോയ്‌സ് കോളിംഗും ദിവസവും 100 എസ്എംഎസുകളും ലഭിക്കും. ഒരു വർഷത്തേക്കുള്ള ഡിസ്നി+ ഹോട്ട്സ്റ്റാർ വിഐപിയുടെ സബ്ക്രിപ്ഷനും ഈ പ്ലാനിലൂടെ ലഭിക്കും.

ഐ‌പി‌എൽ 2020 സൌജന്യമായി കാണുന്നതിന് ഉപയോക്താക്കൾക്ക് തിരഞ്ഞെടുക്കാവുന്ന എയർടെല്ലിന്റെ അടുത്ത പ്ലാൻ 2,698 രൂപയുടെ പ്ലാനാണ്. ഈ പ്ലാൻ ദിവസവും 2 ജിബി ഡാറ്റയാണ് നൽകുന്നത്. ഇതിനൊപ്പം 365 ദിവസത്തെ വാലിഡിറ്റിയും ഈ പ്ലാൻ നൽകുന്നുണ്ട്. ദീർഘകാല വാലിഡിറ്റിയുള്ള പ്ലാൻ റീചാർജ് ചെയ്യുന്ന ഉപയോക്താക്കൾക്ക് തിരഞ്ഞെടുക്കാവുന്ന മികച്ച പ്ലാൻ തന്നെയാണ്. ദിവസവും 100 എസ്എംഎസുകളും അൺലിമിറ്റഡ് വോയിസ് കോളിംഗും ഒരു വർഷത്തേക്ക് ഡിസ്നി + ഹോട്ട്സ്റ്റാർ വിഐപി സൌജന്യ സബ്സ്ക്രിപ്ഷനും ഈ പ്ലാൻ നൽകുന്നു.