എയർടെൽ, ജിയോ, വിഐ, ബി‌എസ്‌എൻ‌എൽ എന്നിവയുടെ ഒടിടി ആനുകൂല്യങ്ങൾ നൽകുന്ന പ്ലാനുകൾ

എയർടെൽ, ജിയോ, വിഐ, ബി‌എസ്‌എൻ‌എൽ എന്നിവയെല്ലാം അവരുടെ ഉപയോക്താക്കൾക്ക് പ്രീപെയ്ഡ് പ്ലാനുകൾക്കൊപ്പം ഒടിടി ആനുകൂല്യങ്ങൾ നൽകുന്നുണ്ട്. ആമസോൺ പ്രൈം, നെറ്റ്ഫ്ലിക്സ്, ഡിസ്നി പ്ലസ് ഹോട്ട്സ്റ്റാർ, സീ5 തുടങ്ങിയ ഇന്ത്യയിലെ ജനപ്രീയ സ്ട്രീമിങ് പ്ലാറ്റ്ഫോമുകളിലേക്ക് ഈ പ്ലാനുകൾ ആക്സസ് നൽകുന്നു. ഇവയിൽ ചില ആകർഷകമായ പ്ലാനുകളാണ് നമ്മളിന്ന് പരിശോധിക്കുന്നത്.

ജിയോ പ്രീപെയ്ഡ് പ്ലാനുകൾ

ജിയോയുടെ 598 രൂപ പ്രീപെയ്ഡ് പ്ലാൻ 56 ദിവസത്തെ വാലിഡിറ്റിയോടെയാണ് വരുന്നത്. ദിവസവും 2 ജിബിഡാറ്റയും ഡിസ്നി + ഹോട്ട്സ്റ്റാർ വിഐപി സബ്ക്രിപ്ഷനും ഈ പ്ലാൻ നൽകുന്നു. ജിയോ നമ്പരുകളിലേക്ക് അൺലിമിറ്റഡ് കോളിങും മറ്റ് നമ്പരുകളിലേക്ക് വിളിക്കാൻ 2,000 മിനുറ്റ് സൌജന്യ കോളുകളുമാണ് ഈ പ്ലാനിലൂടെ ലഭിക്കുന്നത്. എല്ലാ ജിയോ ആപ്പുകളിലേക്കും കോപ്ലിമെന്ററി സബ്ക്രിപ്ഷനും ഈ പ്ലാനിലൂടെ ലഭിക്കും.

ഒടിടി ആനുകൂല്യം നൽകുന്ന ജിയോയുടെ മറ്റൊരു പ്ലാനിന് 777 രൂപയാണ് വില. ഈ പ്ലാൻ 84 ദിവസത്തെ വാലിഡിറ്റിയോടെ വരുന്നു. ഉപയോക്താക്കൾക്ക് 1.5 ജിബി ഡാറ്റയും സൌജന്യമായി ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷനും ഈ പ്ലാൻ നൽകുന്നു. ജിയോ നമ്പരുകളിലേക്ക് അൺലിമിറ്റഡ് കോളിങും മറ്റ് നെറ്റ്വർക്കിലേക്ക് വിളിക്കാൻ 3,000 എഫ്യുപി മിനിറ്റുകളുമാണ് ഈ പ്ലാൻ നൽകുന്നത്. 5 ജിബി ഡാറ്റ ബോണസും ഉപയോക്താക്കൾക്ക് ലഭിക്കും.

എയർടെൽ പ്രീപെയ്ഡ് പ്ലാനുകൾ

എയർടെല്ലിന്റെ ഒടിടി ആനുകൂല്യം നൽകുന്ന എയർടെൽ പ്രീപെയ്ഡ് പ്ലാനുകളിൽ ആദ്യത്തേത് 599 രൂപയുടെ പ്ലാനാണ്. ഈ പ്ലാനിലൂടെ എയർടെൽ ഉപയോക്താക്കൾക്ക് ഡിസ്നി + ഹോട്ട്സ്റ്റാർ വിഐപി സബ്ക്രിപ്ഷൻ ലഭിക്കും. 56 ദിവസത്തെ വാലിഡിറ്റിയാണ് ഈ പ്ലാനിന് ലഭിക്കുന്നത്. ദിവസവും 2 ജിബി ഡാറ്റയാണ് ഈ പ്ലാനിലൂടെ ലഭിക്കുന്നത്. അൺലിമിറ്റഡ് കോളിങ്, എയർടെൽ താങ്ക്സ് ആനുകൂല്യങ്ങൾ, ദിവസവും 100 എസ്എംഎസ് എന്നീ ആനുകൂല്യങ്ങളും ഈ പ്ലാനിലൂടെ ലഭിക്കും.

എയർടെല്ലിന്റെ 289 രൂപ വിലയുള്ള പ്രീപെയ്ഡ് പ്ലാൻ ഉപയോക്താക്കൾക്ക് ZEE5 പ്രീമിയം സൌജന്യ സബ്ക്രിപ്ഷൻ നൽകുന്നു. 28 ദിവസത്തെ വാലിഡിറ്റിയുള്ള ഈ പ്ലാൻ ദിവസവും 1.5 ജിബി ഡാറ്റയാണ് നൽകുന്നത്. അൺലിമിറ്റഡ് കോളിങ്, ദിവസവും 100 എസ്എംഎസുകൾ, എയർടെൽ താങ്ക്സ് ആപ്പ് ആനുകൂല്യങ്ങൾ എന്നിവയും ഈ പ്ലാനിലൂടെ ലഭിക്കും.

വിഐ പ്രീപെയ്ഡ് പ്ലാനുകൾ

വിഐയുടെ 795 രൂപ പ്രീപെയ്ഡ് പ്ലാൻ ഉപയോക്താക്കൾക്ക് വിഐ മൂവീസ്, ടിവി ആപ്പിലേക്ക് ആക്സസ് നൽകുന്നതിനൊപ്പം സീ5 പ്രീമിയം സബ്ക്രിപ്ഷനും സൌജന്യമായ നൽകുന്നു. ദിവസവും 2 ജിബി ഡാറ്റയാണ് ഈ പ്ലാനിലൂടെ ലഭിക്കുന്നത്. ദിവസം 100 എസ്എംഎസുകളും അൺലിമിറ്റഡ് വോയ്‌സ് കോളിങും ഈ പ്ലാനിലൂടെ ലഭിക്കും. 84 ദിവസത്തെ വാലിഡിറ്റിയുള്ള പ്ലാൻ വീക്കെൻഡ് ഡാറ്റ റോൾഓവർ ഓഫറും നൽകുന്നു.

ബി‌എസ്‌എൻ‌എൽ പ്രീപെയ്ഡ് പ്ലാനുകൾ

ബി‌എസ്‌എൻ‌എല്ലിന്റെ ‘എസ്ടിവി_429' പ്ലാൻ ഇറോസ് നൌ സൌജന്യ സബ്ക്രിപ്ഷൻ നൽകുന്നു. 81 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ഉപയോക്താക്കൾക്ക് ഈ പ്ലാനിനൊപ്പം 1 ജിബി ഡാറ്റയും ദിവസവും 250 മിനുറ്റ് എഫ്യുപി ലിമിറ്റോടെ അൺലിമിറ്റഡ് കോളിങ് ആനുകൂല്യങ്ങളും ലഭിക്കും. ദിവസവും 100 എസ്എംഎസുകളും ഈ പ്ലാൻ നൽകുന്നു.