ദിവസവും 2 ജിബി ഡാറ്റ നൽകുന്ന പുതിയ വാർഷിക പ്ലാനുമായി എയർടെൽ

പുതിയ വാർഷിക പ്ലാനിലൂടെ എർടെൽ ദിവസവും 2 ജിബി ഡാറ്റയാണ് നൽകുന്നത്. ഈ പ്ലാനിന് 2,498 രൂപയാണ് വില വരുന്നത്. പുതിയ 2,498 രൂപ പ്ലാനിലൂടെ ദിവസവും 2 ജിബി ഡാറ്റയ്ക്കൊപ്പം അൺലിമിറ്റഡ് കോളിംഗ് ആനുകൂല്യങ്ങളും 100 എസ്എംഎസും കമ്പനി നൽകുന്നുണ്ട്. ZEE5 പ്രീമിയം, എയർടെൽ എക്സ്സ്ട്രീം, വിങ്ക് മ്യൂസിക് എന്നിവയിലേക്കുള്ള സൌജന്യ സബ്സ്ക്രിപ്ഷനും ഈ പ്ലാനിനൊപ്പം ലഭിക്കും.

പുതിയ പ്ലാനിലൂടെ അധിക ആനുകൂല്യമായി ഉപയോക്താക്കളുടെ ഡിവൈസിന് സൌജന്യ ആന്റി വൈറസും സൌജന്യ ഹെലോട്യൂൺസും ഷാ അക്കാദമിയിൽ നിന്ന് 28 ദിവസത്തെ സൌജന്യ ക്ലാസുകളും നൽകുന്നുണ്ട്. ഇത് കൂടാതെ ഫാസ്റ്റ് ടാഗ് റീചാർജിൽ 150 രൂപ ക്യാഷ് ബാക്കും ഈ പ്ലാനിലൂടെ ലഭിക്കും. ഇത്തരം അധിക ആനുകൂല്യങ്ങൾ നൽകുന്നതിൽ മറ്റുള്ള ടെലിക്കോം കമ്പനികളെക്കാൾ മുന്നിലാണ് എയർടെൽ.

എയർടെൽ ആഡ് ഓൺ പായ്ക്കിൽ ഇപ്പോൾ ഇരട്ടി ഡാറ്റ

എയർടെൽ തങ്ങളുടെ ജനപ്രിയ ഡാറ്റാ ആഡ്-ഓൺ പായ്ക്കായ 98 രൂപ പായ്ക്കിൽ ഇരട്ടി ഡാറ്റ നൽകുന്നു. നേരത്തെ 6ജിബി ഡാറ്റ നൽകിയിരുന്ന പായ്ക്കിലാണ് ഇപ്പോൾ ഇരട്ടി ഡാറ്റ നൽകുന്നത്. ഈ ആഡ് ഓൺ പായ്ക്കിലൂടെ ഉപയോക്താക്കൾക്ക് ഇനി 12ജിബി ഡാറ്റ ലഭിക്കും. ഈ പായ്ക്കിന്റെ വാലിഡിറ്റിയിൽ കമ്പനി മാറ്റങ്ങളൊന്നും വരുത്തിയിട്ടില്ല. 28 ദിവസമാണ് ഇതിന്റെ വാലിഡിറ്റി.

ടെലിക്കോം വിപണിയിലെ മത്സരം ശക്തമായതോടെയാണ് എയർടെൽ തങ്ങളുടെ ആഡ്ഓൺ പായ്ക്കിന്റെ ആനുകൂല്യത്തിൽ മാറ്റം വരുത്തിയത്. ഇതോടൊപ്പം 48 രൂപ വിലയുള്ള മറ്റൊരു ഡാറ്റ ആഡ്ഓൺ പായ്ക്കും എയർടെൽ നൽകുന്നുണ്ട്. ഈ പായ്ക്കിൽ കമ്പനി മാറ്റങ്ങളൊന്നും വരുത്തിയിട്ടില്ല. ഈ പായ്ക്കിലൂടെ 3ജിബി ഡാറ്റയാണ് ഉപയോക്താക്കൾക്ക് ലഭിക്കുന്നത്. ഇതിന്റെയും വാലിഡിറ്റി 28 ദിവസം തന്നെയാണ്.

എയർടെൽ പോസ്റ്റ് പെയ്ഡ് ആഡ് ഓൺ പായ്ക്ക്

എയർടെൽ തങ്ങളുടെ പോസ്റ്റ്പെയ്ഡ് ഉപയോക്താക്കൾക്കായി 100 രൂപയുടെ ഡാറ്റ ആഡ്ഓൺ പായ്ക്ക് നൽകുന്നുണ്ട്. 15 ജിബി ഡാറ്റയാണ് ഈ പായ്ക്കിലൂടെ ഉപയോക്താക്കൾക്ക് ലഭിക്കുന്നത്.ഈ പ്ലാൻ ജനുവരിയിൽ ആരംഭിച്ചതാണെങ്കിലും ഏപ്രിലിൽ കമ്പനി "വർക്ക് ഫ്രം ഹോം" ഓഫറുകളടെ വിഭാഗത്തിൽ ഉൾപ്പെടുത്തി ഈ പ്ലാനിനെ പ്രമോട്ട് ചെയ്ത് തുടങ്ങു. പോസ്റ്റ് പെയ്ഡ് ഉപയോക്താക്കൾക്കായി 35 ജിബി അധിക ഡാറ്റ നൽകുന്ന 200 രൂപ ഡാറ്റാ ആഡ്-ഓൺ പായ്ക്കും കമ്പനി നൽകുന്നുണ്ട്.

എയർടെല്ലിന്റെ പുതിയ മൂന്ന് പ്രീപെയ്ഡ് പ്ലാനുകൾ

എയർടെൽ കുറച്ച് ദിവങ്ങൾക്ക് മുമ്പ് ഉപയോക്താക്കൾക്കായി പുതിയ മൂന്ന് പ്രീപെയ്ഡ് പ്ലാനുകൾ അവതരിപ്പിച്ചിരുന്നു. 99 രൂപ, 129 രൂപ, 199 രൂപ എന്നീ നിരക്കുകളിലാണ് എയർടെല്ലിന്റെ പുതിയ പ്ലാനുകൾ. ഈ പ്ലാനുകളെല്ലാം അൺലിമിറ്റഡ് കോളിംഗും സീ 5 സബ്സ്ക്രിപ്ഷനും വിങ്ക് മ്യൂസിക്, എയർടെൽ എക്സ്സ്ട്രീം എന്നിവയിലേക്കുള്ള ആക്സസും അധിക ആനുകൂല്യങ്ങളായി നൽകുന്നു. 99 രൂപ പ്ലാനും 129 രൂപ പ്ലാനും ഉപയോക്താക്കൾക്ക് മൊത്തം വാലിഡിറ്റി കാലയളവിലേക്കുമായി 1 ജിബി ഡാറ്റയാണ് നൽകുന്നത്. 199 രൂപ പ്ലാൻ മൊത്തം കാലയളവിലും ദിവസേന 1 ജിബി ഡാറ്റ വീതം നൽകുന്നു.