എയർടെല്ലിന്റെ പുതിയ പ്രീപെയ്ഡ് പ്ലാനിനൊപ്പം ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷനും

ആമസോൺ പ്രൈം, നെറ്റ്ഫ്ലിക്സ്, ലോക്കൽ ആപ്ലിക്കേഷനുകളായ സീ 5, ആൾട്ട് ബാലാജി എന്നിവയ്ക്ക് കടുത്ത വെല്ലുവിളിയായി ഇന്ത്യയിൽ എത്തിയ ഡിസ്നി + ഹോട്ട്സ്റ്റാർ മികച്ച കണ്ടന്റുകളാണ് ഉപയോക്താക്കൾക്ക് വാഗ്ദാനം ചെയ്യുന്നത്. എയർടെല്ലുമായി സഹകരിച്ച് കൂടുതൽ ആളുകളിലേക്ക് തങ്ങലുടെ സേവനം എത്തിക്കാൻ സാധിക്കുമെന്നാണ് ഡിസ്നി + ഹോട്ട്സ്റ്റാർ കരുതുന്നത്. ഡിസ്നി + ഹോട്ട്സ്റ്റാർ സേവനം ഈ ലോക്ക്ഡൌൺ കാലത്ത് ഉപയോക്താക്കൾക്ക് ലഭ്യമാക്കാൻ എയർടെൽ മികച്ചൊരു പ്ലാനാണ് തയ്യാറാക്കിയിരിക്കുന്നത്.

എയർടെല്ലിന്റെ പുതിയ 401 രൂപ പ്ലാൻ പരിശോധിച്ചാൽ ഈ പ്ലാനിലലൂടെ ഉപയോക്താക്കൾക്ക് പുതിയ സ്ട്രീമിംഗ് അപ്ലിക്കേഷനായ ഡിസ്നി + ഹോട്ട്സ്റ്റാറിൽ സൌജന്യ സബ്സ്ക്രിപ്ഷൻ ലഭിക്കം. ഈ പ്ലാനിനുള്ള പോരായ്മ ഇതിലൂടെ ഉപഭോക്താക്കൾക്ക് കോളിംഗ് ആനുകൂല്യങ്ങളോ എസ്എംഎസ് ആനുകൂല്യങ്ങളോ ലഭിക്കില്ല എന്നതാണ്. 401 രൂപയുടെ പ്ലാൻ ഒരു ഡാറ്റാ പായ്ക്ക് മാത്രമാണ്.

വോയ്‌സ് കോളിംഗും എസ്എംഎസ് ആനുകൂല്യങ്ങളും നൽകാത്ത 401 രൂപ പ്ലാൻ മികച്ചൊരു ഡാറ്റ പ്ലാൻ ആണെന്നതിൽ സംശയമില്ല. 28 ദിവസത്തെ വാലിഡിറ്റിയുള്ള ഈ പ്ലാൻ ദിവസവും 3 ജിബി ഡാറ്റയാണ് ഉപയോക്താക്കൾക്ക് നൽകുന്നത്. പ്ലാനിന്റെ വാലിഡിറ്റി 28 ദിവസത്തേക്കാണ് എങ്കിലും ഡിസ്നി + ഹോട്ട്സ്റ്റാർ സബ്ക്രിപ്ഷൻ ഒരു വർഷത്തേക്കാണ് ലഭിക്കുന്നത്.

401 രൂപ പ്ലാൻ ലോക്ക്ഡൌൺ കാലത്ത് വീട്ടിലിരിക്കുകയും കൂടുതൽ ഡാറ്റ ഉപയോഗിക്കുകയം ചെയ്യുന്ന ഉപയോക്താക്കളെ ഉദ്ദേശിച്ചുള്ളതാണ്. ദിവസവും 3 ജിബി ഡാറ്റ എന്നത് മികച്ച ആനുകൂല്യമാണ്. ഡിസ്നി + ഹോട്ട്സ്റ്റാർ സബ്ക്രിപ്ഷൻ കൂടി ലഭിക്കുന്നതിനാൽ ഫോണിൽ വീഡിയോ സ്ട്രീം ചെയ്ത് കാണുന്ന ഉപയോക്താക്കൾക്ക് ഇത് ഗുണം ചെയ്യുമെന്ന് ഉറപ്പാണ്. നിലവിലെ സാഹചര്യത്തിൽ ധാരാളം ഉപയോക്താക്കൾക്ക് ഈ പ്ലാൻ ഉപകാരപ്പെടും.

401 രൂപയുടെ പ്ലാൻ റീചാർജ് ചെയ്യുന്ന ഉപയോക്താക്കൾക്ക് വർഷത്തിൽ ഒരിക്കൽ മാത്രമേ ഈ പ്ലാൻ ലഭ്യമാകൂ എന്ന് പ്രത്യേകം ശ്രദ്ധിക്കേണ്ടതുണ്ട്. ആളുകൾ ഒന്നിൽ കൂടുതൽ ഡിസ്നി + ഹോട്ട്സ്റ്റാർ സബ്ക്രിപ്ഷൻ സ്വന്തമാക്കുന്നത് തടയനായിട്ടായിരിക്കാം കമ്പനി ഇത്തരമൊരു ഉപാധി വച്ചത്. ഒരിക്കൽ ഈ റീചാർജ് ചെയ്താൽ പിന്നീട് ഈ റീചാർജ് ചെയ്യുന്നതിന് 360 ദിവസം കഴിയണം.

ഡിസ്നി + ഹോട്ട്സ്റ്റാർ വിഐപിയുടെ വില പ്രതിവർഷം 399 രൂപയാണ്. ഡിസ്നി + ഹോട്ട്സ്റ്റാർ സബ്ക്രിപ്ഷൻ ചാർജ്ജിനെക്കാൾ രണ്ട് രൂപ അധികം നൽകിയാൽ എയർടെൽ വരിക്കാർക്ക് മികച്ചൊരു ഡാറ്റ പ്ലാനും സ്വന്തമാക്കാം. പ്രതിദിനം 3 ജിബി വരെ ഡാറ്റാ ആനുകൂല്യങ്ങൾ നൽകുന്ന പ്ലാനാണ് വരിക്കാരൻ അധികം നൽകുന്ന രണ്ട് രൂപയ്ക്ക് കമ്പനി നൽകുന്നത്. പ്രീപെയ്ഡ് പ്ലാൻ‌ വാലിഡിറ്റി കഴിഞ്ഞാളം സ്‌ട്രീമിംഗ് അപ്ലിക്കേഷനിലേക്കുള്ള സബ്‌സ്‌ക്രിപ്‌ഷൻ ഒരു വർഷത്തേക്ക് ലഭിക്കും.

398 രൂപ പ്രീപെയ്ഡ് പ്ലാനിലൂടെ എയർടെൽ ഉപയോക്താക്കൾക്ക് സൌജന്യ ആമസോൺ പ്രൈം സബ്സ്ക്രിപ്ഷൻ നൽകുന്നുണ്ട്. 401 രൂപ പ്രീപെയ്ഡ് പ്ലാനിൽ നിന്ന് വ്യത്യസ്തമായി സൌജന്യ വോയിസ് കോളിംഗ്, എസ്എംഎസ് ആനുകൂല്യങ്ങളും ദിവസവും 3 ജിബി ഡാറ്റയും ഈ പ്ലാൻ വാഗ്ദാനം ചെയ്യുന്നു. പ്ലാനിന് 28 ദിവസത്തെ വാലിഡിറ്റിയാണ് ഉള്ളത്. ആമസോൺ പ്രൈം സബ്‌സ്‌ക്രിപ്ഷന് സാധാരണ നിലയിൽ ഒരു വർഷത്തേക്ക് 999 രൂപയാണ് വില. എന്നാൽ ഈ പ്ലാനിലൂടെ ഉപഭോക്താക്കൾക്ക് 398 രൂപയ്ക്ക് അധിക ആനുകൂല്യങ്ങളോടെ ആമസോൺ പ്രൈം സബ്ക്രിപ്ഷൻ ലഭിക്കും.