നിങ്ങൾക്ക് ദിവസവും 2 ജിബി ഡാറ്റ മതിയോ?, ഈ എയർടെൽ പ്ലാനുകൾ തിരഞ്ഞെടുക്കാം

എയർടെല്ലിന്റെ ദിവസവും 2 ജിബി ഡാറ്റ നൽകുന്ന പ്ലാനുകളുടെ വിഭാഗത്തിൽ അഞ്ച് പ്ലാനുകളാണ് ഉള്ളത്. ഡാറ്റ ആനുകൂല്യത്തിന് പുറമേ അൺലിമിറ്റഡ് കോളിങ്, എസ്എംഎസുകൾ, വിവിധ ഒടിടി പ്ലാറ്റ്ഫോമുകളിലേക്കുള്ള ആക്സസ് എന്നിവയെല്ലാം ഈ പ്ലാനുകൾ നൽകുന്നുണ്ട്. 319 രൂപ മുതൽ വില ആരംഭിക്കുന്ന എയർടെല്ലിന്റെ ദിവസവും 2 ജിബി ഡാറ്റ നൽകുന്ന പ്ലാനുകൾ വിശദമായി നോക്കാം.

എയർടെൽ 319 രൂപ പ്രീപെയ്ഡ് പ്ലാൻ

എയർടെൽ നൽകുന്ന 319 രൂപ വിലയുള്ള പ്രീപെയ്ഡ് പ്ലാൻ ഒരു മാസം വാലിഡിറ്റി നൽകുന്നു. ഈ 30 ദിവസം വാലിഡിറ്റി കാലയളവിൽ ദിവസവും 2 ജിബി ഡാറ്റ വീതം പ്ലാനിലൂടെ 60 ജിബി ഡാറ്റ ലഭിക്കും. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങളും ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും.

319 രൂപ പ്ലാനിലൂടെ മികച്ച അധിക ആനുകൂല്യങ്ങളും എയർടെൽ നൽകുന്നുണ്ട്. ഫാസ്ടാഗിൽ 100 ​​രൂപ ക്യാഷ്ബാക്ക്, ഹലോ ട്യൂൺസ് ആക്സസ്, വിങ്ക് മ്യൂസിക് ആക്സസ്, ഷാ അക്കാദമിയിൽ നിന്നുള്ള സൗജന്യ ഓൺലൈൻ കോഴ്സ് എന്നിവ പ്ലാനിലൂടെ ലഭിക്കും. അപ്പോളോ 24 |7 സർക്കിളിന്റെ മൂന്ന് മാസത്തെ സബ്‌സ്‌ക്രിപ്‌ഷനും പ്ലാൻ നൽകുന്നു.

എയർടെൽ 359 രൂപപ്രീപെയ്ഡ് പ്ലാൻ

359 രൂപ വിലയുള്ള എയർടെല്ലിന്റെ പ്രീപെയ്ഡ് പ്ലാനിലൂടെ വരിക്കാർക്ക് 28 ദിവസത്തെ വാലിഡിറ്റിയാണ് ലഭിക്കുന്നത്. ദിവസവും 2 ജിബി ഡാറ്റ വീതവും ഈ പ്ലാനിലൂടെ ലഭിക്കുന്നു. മൊത്തം വാലിഡിറ്റി കാലയളവിലേക്കുമായി 56 ജിബി ഡാറ്റയാമ് ഈ പ്ലാൻ നൽകുന്നത്. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ്, ദിവസവും 100 എസ്എംഎസുകൾ എന്നിവയെല്ലാം 359 രൂപ പ്ലാൻ നൽകുന്നുണ്ട്.

359 രൂപ പ്ലാൻ റീചാർജ് ചെയ്യുന്ന ആളുകൾക്ക് ആമസോൺ പ്രൈം മൊബൈൽ എഡിഷൻ ആക്സസ് ലഭിക്കുന്നുണ്ട്. 28 ദിവസത്തെ ആക്സസാണ് ഈ പ്ലാനിലൂടെ ലഭിക്കുന്നത്. 100 രൂപ ഫാസ്‌ടാഗ് ക്യാഷ്ബാക്ക്, മൂന്ന് മാസത്തെ അപ്പോളോ 24 | 7 സർക്കിൾ മെമ്പർഷിപ്പ്, ഷാ അക്കാദമിയിൽ നിന്നുള്ള സൗജന്യ ഓൺലൈൻ കോഴ്‌സ് എന്നിവയെല്ലാം ഈ പ്ലാൻ നൽകുന്ന ആനുകൂല്യങ്ങളാണ്.

എയർടെൽ 499 രൂപ പ്രീപെയ്ഡ് പ്ലാൻ

എയർടെല്ലിന്റെ 499 രൂപ വിലയുള്ള പ്രീപെയ്ഡ് പ്ലാനിലൂടെ വരിക്കാർക്ക് 28 ദിവസത്തെ വാലിഡിറ്റി തന്നെയാണ് ലഭിക്കുന്നത്. ഇതൊരു ഡിസ്നി+ ഹോട്ട്സ്റ്റാർ പ്ലാനാണ്. ഈ പ്ലാനിലൂടെ ഉപയോക്താക്കൾക്ക് ഒരു വർഷത്തേക്കുള്ള ഡിസ്നി+ ഹോട്ട്സ്റ്റാർ സബ്ക്രിപ്ഷൻ സൌജന്യമായി ലഭിക്കുന്നു. അതുകൊണ്ട് തന്നെയാണ് 28 ദിവസം വാലിഡിറ്റിയുള്ള പ്ലാനിന് ഇത്രയും വില കൂടുന്നത്. ദിവസവും 2 ജിബി ഡാറ്റ വീതം 56 ജിബി ഡാറ്റയും ഈ പ്ലാൻ നൽകുന്നുണ്ട്.

499 രൂപയുടെ പ്ലാൻ ഇന്ത്യയിലെ എല്ലാ നെറ്റ്വർക്കിലേക്കും സൌജന്യ കോളുകളും ദിവസവും 100 എസ്എംഎസുകളും നൽകുന്നുണ്ട്. ഡിസ്നി+ ഹോട്ട്സ്റ്റാർ സബ്ക്രിപ്ഷൻ കൂടാതെ അധിക ആനുകൂല്യങ്ങളായി 100 രൂപ ഫാസ്‌ടാഗ് ക്യാഷ്ബാക്ക്, അപ്പോളോ 24 | 7 സർക്കിൾ സബ്സ്ക്രിപ്ഷൻ എന്നിവയും ലഭിക്കും. ഡിസ്നി+ ഹോട്ട്സ്റ്റാർ സബ്ക്രിപ്ഷൻ വേണ്ടവർക്ക് തിരഞ്ഞെടുക്കാവുന്ന മികച്ച പ്ലാനാണ് ഇത്.

എയർടെൽ 839 രൂപ പ്രീപെയ്ഡ് പ്ലാൻ

ദിവസവും 2 ജിബി ഡാറ്റ നൽകുന്ന പ്ലാനുകളുടെ വിഭാഗത്തിൽ തന്നെ കൂടുതൽ വാലിഡിറ്റി ആവശ്യമുള്ളവർക്ക് തിരഞ്ഞെടുക്കാവുന്ന പ്ലാനാണ് 839 രൂപയുടേത്. ഈ പ്ലാനിലൂടെ വരിക്കാർക്ക് 84 ദിവസത്തെ വാലിഡിറ്റി ലഭിക്കുന്നു. മൊത്തം വാലിഡിറ്റി കാലയളവിലേക്കുമായി 168 ജിബി ഡാറ്റയാണ് പ്ലാൻ നൽകുന്നത്. അൺലിമിറ്റഡ് കോളുകളും ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും.

839 രൂപയുടെ പ്രീപെയ്ഡ് റീചാർജ് പായ്ക്ക് ഡിസ്നി+ ഹോട്ട്‌സ്റ്റാറിലേക്കുള്ള 3 മാസത്തെ സൗജന്യ മെമ്പർഷിപ്പുമായിട്ടാണ് വരുന്നത്. ഇത് തന്നെയാണ് ഈ പ്ലാനിന്റെ പ്രധാന ആകർഷണവും. കൂടാതെ അപ്പോളോ 24/7യുടെ മൂന്ന് മാസത്തെ അംഗത്വം, സൗജന്യ വിങ്ക് മ്യൂസിക്, ഫാസ്‌ടാഗിൽ 100 ​​ക്യാഷ്ബാക്ക് എന്നിങ്ങനെയുള്ള അധിക ആനുകൂല്യങ്ങളും നൽകുന്നുണ്ട്.

എയർടെൽ 2999 രൂപ പ്രീപെയ്ഡ് പ്ലാൻ

എയർടെല്ലിന്റെ ദിവസവും 2 ജിബി ഡാറ്റ നൽകുന്ന പ്ലാനുകളിൽ ഏറ്റവും വില കൂടിയ പ്ലാനാണ് 2999 രൂപയുടേത്. ഈ പ്ലാനിലൂടെ വരിക്കാർക്ക് 365 ദിവസത്തെ വാലിഡിറ്റിയാണ് ലഭിക്കുന്നത്. മൊത്തം വാലിഡിറ്റി കാലയളവിലേക്കുമായി ഈ പ്ലാൻ 730 ജിബി ഡാറ്റയാണ് നൽകുന്നത്. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളുകളും ദിവസവും 100 എസ്എംഎസുകളും ഈ പ്ലാനിലൂടെ ലഭിക്കുന്നു.

ദീർഘകാല വാലിഡിറ്റിയും ദിവസവും 2 ജിബി ഡാറ്റയും ആവശ്യമുള്ള ആളുകൾക്ക് തിരഞ്ഞെടുക്കാവുന്ന മികച്ച പ്ലാനാണ് 2999 രൂപയുടേത്. ഈ പ്ലാനിലൂടെ സൗജന്യ അപ്പോളോ 24/7 മെമ്പർഷിപ്പും സൗജന്യ വിങ്ക് മ്യൂസിക്ക് ആക്സസും ഫാസ്ടാഗിൽ 100 ​​രൂപ ക്യാഷ്ബാക്കും ലഭിക്കുന്നു.