ദിവസവും 2 ജിബി ഡാറ്റ നൽകുന്ന എയർടെൽ, ജിയോ എന്നിവയുടെ പ്രീപെയ്ഡ് പ്ലാനുകൾ

വീഡിയോ കണ്ടന്റുകൾ സ്ട്രീം ചെയ്യാനും ഓൺലൈൻ ഗെയിമുകൾ കളിക്കാനുമായി ധാരാളം ഡാറ്റ ചിലവഴിക്കുന്ന ഉപയോക്താക്കൾക്കായാണ് പ്രതിദിനം 2 ജിബി ഡാറ്റ നൽകുന്ന പ്ലാനുകൾ എല്ലാ ടെലിക്കോം കമ്പനികളും അവതരിപ്പിച്ചിട്ടുള്ളത്. കുറഞ്ഞ നിരക്കിൽ കൂടുതൽ വാലിഡിറ്റിയോടെ ദിവസവും 2ജിബി ഡാറ്റ നൽകുന്ന രണ്ട് കമ്പനികളായ ജിയോ, എയർടെൽ എന്നിവയുടെ ഈ വിഭാഗത്തിലെ പ്ലാനുകളാണ് നമ്മളിന്ന് പരിശോധിക്കുന്നത്.

എയർടെല്ലിന്റെ ദിവസവും 2 ജിബി ഡാറ്റ നൽകുന്ന പ്ലാനുകൾ

ദിവസവും 2ജിബി ഡാറ്റ നൽകുന്ന അഞ്ച് പ്ലാനുകളാണ് എയർടെൽ നൽകുന്നത്. ഈ വിഭാഗത്തിലെ ആദ്യത്തെ പ്ലാൻ 298 രൂപയുടെ പ്ലാനാണ്. ഈ പ്ലാനിന് 28 ദിവസത്തെ വാലിഡിറ്റിയാണ് ഉള്ളത്. 100 എസ്എംഎസുകളും അൺലിമിറ്റഡ് കോളിംഗും പ്ലാനിലൂടെ ലഭിക്കുന്നു. ഈ വിഭാഗത്തിലെ മറ്റൊരു പ്ലാൻ 349 രൂപയുടേതാണ്. സൌജന്യ ആമസോൺ പ്രൈം സബ്ക്രിപ്ഷൻ നൽകുന്ന ഈ പ്ലാൻ 28 ദിവസത്തെ വാലിഡിറ്റിയോടെയാണ് വരുന്നത്. ദിവസവും 2 ജിബി ഡാറ്റ, 100 മെസേജുകൾ, അൺലിമിറ്റഡ് കോളിംഗ് എന്നീ ആനുകൂല്യങ്ങളും ഈ പ്ലാൻ നൽകുന്നു.

ദിവസവും 2 ജിബി ഡാറ്റ നൽകുന്ന മറ്റൊ പ്ലാൻ 449 രൂപയ്ക്ക് ലഭ്യമാണ്. 56 ദിവസത്തെ വാലിഡിറ്റിയാണ് ഈ പ്ലാനിന് ഉള്ളത്. മൊത്തം വാലിഡിറ്റി കാലയളവിലേക്കുമായി 112 ജിബി ഡാറ്റയാണ് നൽകുന്നത്. 100 എസ്എംഎസുകളും അൺലിമിറ്റഡ് കോളിംഗും ഈ പ്ലാൻ വാഗ്ദാനം ചെയ്യുന്നു. മറ്റൊരു പ്ലാൻ 698 രൂപ വിലയുള്ള പ്ലാനാണ്. ഈ പ്ലാനിലൂടെ മൊത്തം 84 ദിവസത്തെ വാലിഡിറ്റി, അൺലിമിറ്റഡ് കോളിംഗ്, 100 എസ്എംഎസ് എന്നിവ ലഭിക്കുന്നു. 2,498 രൂപയുടെ മറ്റൊരു പ്ലാനും എയർടെൽ നൽകുന്നുണ്ട്. ഇത് ഒരു വർഷത്തെ വാലിഡിറ്റിയിൽ ദിവസവും 2 ജിബി ഡാറ്റ, അൺലിമിറ്റഡ് കോളിംഗ്, ദിവസവും 100 എസ്എംഎസുകൾ എന്നീ ആനുകൂല്യങ്ങളാണ് ലഭിക്കുക.

ജിയോയുടെ ദിവസവും 2 ജിബി ഡാറ്റ ലഭിക്കുന്ന പ്രീപെയ്ഡ് പ്ലാനുകൾ

പ്രതിദിനം 2 ജിബി ഡാറ്റ വാഗ്ദാനം ചെയ്യുന്ന നാല് പ്രീപെയ്ഡ് പ്ലാനുകളാണ് റിലയൻസ് ജിയോ ഉപയോക്താക്കൾക്കായി നൽകുന്നത്. ഈ പ്ലാനുകളുടെ വില 249 രൂപ, 444 രൂപ, 599 രൂപ, 2,599 രൂപ എന്നിങ്ങനെയാണ്. ഇതിൽ 249 രൂപ പ്ലാൻ ദിവസവും 2 ജിബി ഡാറ്റ, ജിയോ നമ്പരുകളിലേക്ക് അൺലിമിറ്റഡ് കോളിങ്, 100 എസ്എംഎസുകൾ, 28 ദിവസത്തേക്ക് മറ്റ് നെറ്റ്വർക്കിലേക്ക് വിളിക്കാൻ വിളിക്കാൻ 1000 മിനിറ്റ് എന്നീ ആനുകൂല്യങ്ങളാണ് നൽകുന്നത്. ജിയോയുടെ 444 രൂപ പ്ലാൻ 56 ദിവസത്തേക്ക് 2 ജിബി ഡാറ്റ നൽകുന്ന പ്ലാനാണ്. മറ്റ് നെറ്റ്വർക്കുകളിലേക്ക് വിളിക്കാൻ 2,000 മിനിറ്റ് കോളിങും ദിവസവും 100 എസ്എംഎസുകളും ഈ പ്ലാൻ നൽകുന്നു.

599 രൂപയുടെ പ്ലാൻ ദിവസവും 2ജിബി ഡാറ്റ, 100 എസ്എംഎസ്, മറ്റ് നെറ്റ്വർക്കിലേക്ക് വിളിക്കാൻ 3,000 മിനുറ്റ് കോളിങ്, 84 ദിവസത്തെ വാലിഡിറ്റി എന്നീ ആനുകൂല്യങ്ങളാണ് നൽകുന്നത്. ജിയോയുടെ ഈ വിഭാഗത്തിലെ അവസാനത്തെ പ്ലാൻ 2,599 രൂപയുടെ പ്ലാനാണ്. ഇതൊരു വാർഷിക പ്ലാനാണ്. 365 ദിവസം വാലിഡിറ്റിയുള്ള ഈ പ്ലാനിലൂടെ മൊത്തം ലഭിക്കുന്ന 730 ജിബി ഡാറ്റ കൂടാതെ 10 ജിബി ഡാറ്റ അധികവും ലഭിക്കുന്നു. ഡിസ്നി പ്ലസ് ഹോട്ട്സ്റ്റാർ സബ്ക്രിപ്ഷനും ഈ പ്ലാൻ ഉപയോക്താക്കൾക്ക് നൽകുന്നു.