എസികൾക്കും ഫ്രിഡ്ജുകൾക്കും പകുതി വില മാത്രം; ചൂട് കുറയ്ക്കാൻ ആമസോണിന്റെ ഹോട്ട് സമ്മർ സെയിൽ

ചുട്ടുപൊള്ളുന്ന വേനലിൽ വീട് തണുപ്പിക്കാൻ കിടിലം ഓഫറുകൾ പ്രഖ്യാപിച്ച് പ്രമുഖ ഇ കൊമേഴ്സ് വെബ്സൈറ്റായ ആമസോൺ. ആമസോൺ ഹോട്ട് സമ്മർ സെയിൽ എന്ന പേരിൽ പ്രത്യേകം ഓഫർ വിൽപന പ്രഖ്യാപിച്ചിരിക്കുകയാണ് പ്ലാറ്റ്ഫോം. എസികൾക്കും റഫ്രിജറേറ്ററുകൾക്കും വാഷിങ് മെഷിനുകക്കും എല്ലാം 55 ശതമാനം വരെ ‍ഡിസ്കൗണ്ടാണ് ആമസോൺ ഈ വിൽപനയിൽ പ്രഖ്യാപിച്ചിരിക്കുന്നത്.

ഏപ്രിൽ 9ന് ആരംഭിച്ച ഈ ഓഫർ വിൽപന ഏപ്രിൽ 9 വരെ നീണ്ട് നിൽക്കും എന്നാണ് ആമസോൺ അറിയിച്ചിരിക്കുന്നത്. 25,990 രൂപ മുതൽ തന്നെ ഈ വിൽപനയിൽ എസികൾ ലഭിക്കുന്നതാണ്. സാംസങ്, ഡെയ്‌കിൻ, വോൾട്ടാസ്, ലോയ്ഡ്, കാരിയർ എന്നീ കമ്പനികളുടെ എസികൾക്കാണ് ആമസോണിൽ ഇപ്പോൾ ഓഫർ ഉള്ളത്. ബാങ്ക് ഓഫറുകൾ കൂടി ഉൾപ്പെടുമ്പോൾ കൂടുതൽ മികച്ച ഡിസ്കൗണ്ടിൽ ഉപയോക്താക്കൾക്ക് ഉത്പന്നങ്ങൾ വാങ്ങാൻ സാധിക്കുന്നതാണ്.

MOST READ: ഇനി മുതൽ വൺപ്ലസ് ഫോണുകൾ കടയിൽ നിന്ന് വാങ്ങാൻ സാധിക്കില്ല; 4,500ഓളം കടകളിൽ നിന്ന് വൺപ്ലസ് ഫോണുകൾ ഒഴിവാക്കി

ഈ വിൽപനയിലെ എസികളുടെ ഓഫറുകൾ എന്തെല്ലാമാണെന്ന് പരിശോധിക്കാം. 72,999 രൂപ വില വരുന്ന സാംസങ്ങിന്റെ 1.5 ടൺ 5 സ്റ്റാർ എസിയ്ക്ക് ഇപ്പോൾ 44,999 രൂപയാണ് വില. സാംസങ്ങിന്റെ തന്നെ 1.5 ടൺ 3 സ്റ്റാർ എസിയ്ക്ക് ആകട്ടെ 36,499 രൂപയാണ് വില. ഇതിന്റെ യഥാർത്ഥ വില 69,000 രൂപയാണ്. 85,990 രൂപ വില വരുന്ന എൽജിയുടെ 1.5 ടൺ 5 സ്റ്റാർ എസിക്കും വമ്പൻ ഓഫറുണ്ട്.

ഈ എസി ഇപ്പോൾ 46,590 രൂപയ്ക്കാണ് ആമസോണിൽ ലിസ്റ്റ് ചെയ്തിരിക്കുന്നത്. 76,000 രൂപ വില വരുന്ന കാരിയറിന്റെ 1.5 ടൺ 5 സ്റ്റാർ എസി 41,990 രൂപയ്ക്കും ഈ വിൽപനയിൽ നിന്ന് സ്വന്തമാക്കാൻ സാധിക്കുന്നതാണ്. ഇതിന് പുറമെ മറ്റ് നിരവധി കമ്പനികളുടെ എസിയ്ക്കും മികച്ച ഓഫർ ഈ വിൽപനയിൽ നിന്ന് ഉപയോക്താക്കൾക്ക് സ്വന്തമാക്കാം. റഫ്രിജറേറ്ററുകൾക്ക് ആകട്ടെ 55 ശതമാനം വരെയാണ് ആമസോൺ പ്രഖ്യാപിച്ചിരിക്കുന്ന ഡിസ്കൗണ്ട്.

കഴിഞ്ഞ വർഷം അവതരിപ്പിച്ച് ചില മോഡലുകൾക്ക് 65 ശതമാനം വരെ ഡിസ്കൗണ്ടും ആമസോൺ പ്രഖ്യാപിച്ചിട്ടുണ്ട്. ഈ വിൽപനയിൽ ഏറ്റവും വിലക്കുറവിൽ വാങ്ങാൻ സാധിക്കുന്ന ഫ്രിഡ്ജ് ​ഗോദ്രേജിന്റെ 244 എൽ 3 സ്റ്റാറാണ്. 23,990 രൂപയ്ക്കാണ് ഈ ഫ്രിഡ്ജ് ആമസോണിൽ ഇപ്പോൾ ലിസ്റ്റ് ചെയ്തിരിക്കുന്നത്. ഇതിന്റെ യഥാർത്ഥ വില 31,500 രൂപയാണ്. സാംസങ്ങിന്റെ 653 എൽ സൈഡ് ബൈ സൈഡ് ഫ്രിഡ്ജിനും മികച്ച ഓഫറാണ് ഉള്ളത്.

1,13,000 രൂപ വില വരുന്ന ഈ റഫ്രിജറേറ്റർ ഇപ്പോൾ 79,990 രൂപയ്ക്കാണ് ആമസോണിൽ വിൽക്കുന്നത്. 1,01,990 രൂപ വില വരുന്ന ഹയറിന്റെ 596 എൽ സൈഡ് ബൈ സൈഡ് റഫ്രിജറേറ്റർ‌ ആകട്ടെ 59,990 രൂപയ്ക്കും ഈ വിൽപനയിൽ ആമസോൺ വാ​ഗ്ദാനം ചെയ്യുന്നു. ഇതിന് പുറമെ മറ്റ് നിരവധി റഫ്രിജറേറ്ററുകൾക്കും വിവധ ഓഫറുകൾ ലഭ്യമാണ്. വാഷിങ് മെഷിനുകളുടെ ഓഫർ പരിശോധിക്കുമ്പോൾ 6,990 രൂപ മുതൽ തന്നെ ഇവ സ്വന്തമാക്കൻ സാധിക്കുന്നതാണ്.

55,900 രൂപയ്ക്ക് സാംസങ് അവതരിപ്പിച്ച വാഷിങ് മെഷിൻ ആയിരുന്നു 8 കിലോയുടെ 5 സ്റ്റാർ ഫുള്ളി ഓട്ടോമാറ്റിക്ക് ഫ്രണ്ട് ലോഡ് വാഷിങ് മെഷിൻ. ഇത് ഇപ്പോൾ 36,990 രൂപയ്ക്കാണ് ആമസോണിൽ ലിസ്റ്റ് ചെയ്തിരിക്കുന്നത്. ഇതിന്റെ 7 കിലോ വേർഷന്റെ യഥാർത്ഥ വില 47,990 രൂപയാണ്. എന്നാൽ 28,990 രൂപയ്ക്കാണ് ഇപ്പോൾ ഇത് ആമസോണിൽ വിൽക്കുന്നത്. എൽജിയുടെ 9 കിലോ ഫുള്ളി ഓട്ടോമാറ്റിക്ക് മെഷിനും മികച്ച ഓഫറാണ് ഉള്ളത്.

56,990 രൂപ വില വരുന്ന ഈ മെഷിൻ 39,990 രൂപയ്ക്കാണ് ഇപ്പോൾ ആമസോൺ വിൽക്കുന്നത്. ഇതിന് പുറമെ മറ്റ് നിരവധി വാഷിങ് മെഷിനുകൾക്കും ഇവിടെ ഓഫറുണ്ട്. കൂടുതൽ ഡിസ്കൗണ്ട് ആസ്വദിക്കാനായി ഉപയോക്താക്കൾക്ക് എസ്ബിഐ, എച്ച്ഡിഎഫ്സി എന്നീ ബാങ്കുകളുടെ കാർഡുകളും ഉപയോ​ഗിക്കാവുന്നതാണ്. ഈ ഓഫറുകളെക്കുറിച്ച് കൂടുതലായി അറിയാൻ ഇവിടെ ക്ലിക്ക് ചെയ്യുക.