വിസ്കി രുചിച്ച് വ്യത്യാസവും വ്യാജനും കണ്ടുപിടിക്കാനൊരു കൃത്രിമ നാവ്

കൃത്രിമ നാവ്

മനുഷ്യരുടെ നാവിന് സമാനമായി കോഫിയുടെയും ആപ്പിൾ ജ്യൂസിൻറെയും രുചി മാറ്റുന്ന കെമിക്കലുകളെ തിരിച്ചറിയാൻ സാധിക്കില്ലെങ്കിലും അവയുടെ കോംപ്ലക്സ് കെമിക്കൽ മിക്സ്ച്ചറുകൾ തിരിച്ചറിയാൻ ഉപകരണത്തിന് സാധിക്കുന്നു. എന്നിരുന്നാലും മനുഷ്യരുടെ നാവിന് സമാനമായ രീതിയിൽ പ്രവർത്തിക്കുന്നതിനാലാണ് ഉപകരണത്തിന് കൃത്രിമ നാവ് എന്ന് പേര് നൽകിയതെന്ന് ഗ്ലാസ്കോ സർവ്വകലാശാല സ്ക്കൂൾ ഓഫ് എഞ്ചിനിയറിങ് വിഭാഗം വ്യക്തമാക്കി.

നാവിലെ ടേസ്റ്റ്ബഡ്സിന് സമാനം

ചെസ് ബോർഡിന് സമാനമായ രൂപത്തിൽ സ്വർണം, അലുമിനിയം എന്നിവ പിടിപ്പിച്ച പ്രതലത്തിലേക്ക് വിസ്കി ഒഴിക്കുന്നു. ആ പ്രതലമാണ് നാവിലെ ടേസ്റ്റ്ബഡ്സിന് സമാനമായി പ്രവർത്തിക്കുന്നത്. പിന്നീട് അവ പ്രകാശത്തെ എങ്ങനെ ആകർഷിക്കുന്നുഎന്ന് ഗവേഷകർ നിരീക്ഷിക്കും. സ്വർണത്തിലെയും അലുമിനിയത്തിലെയും ചെറിയ മാറ്റങ്ങൾ രേഖപ്പെടുത്തുകയും അവകൊണ്ട് ഒരു സ്റ്റാറ്റിസ്റ്റിക്കൽ പ്രോഫൈൽ ഓരോ സാമ്പിളിനും നൽകുന്നു.

 

വ്യാജ വിസ്കികളെ കണ്ടെത്താൻ

റെയർ വിസ്കികി 101 എന്ന വാല്യേഷൻ കൺസൾട്ടൻസി സർവ്വീസ് കഴിഞ്ഞ വർഷം നടത്തിയ ലാബ് ടെസ്റ്റിൽ സെക്കൻററി മാർക്കറ്റിലെത്തിയ 55 റെയർ സ്കോച്ച് വിസ്കികളിൽ 21 എണ്ണം വ്യാജമാണെന്ന് കണ്ടെത്തിയിരുന്നു. ഈ 21 വിസ്കികളുടെ ആകെ വില 775,000 ഡോളറോളം വരും. അതിനാൽ തന്നെ വ്യാജ വിസ്കികളെ എളുപ്പത്തിൽ കണ്ടെത്താൻ സഹായിക്കുന്ന കൃത്രിമ നാവ് എന്ന ആശയത്തെ സ്കോച്ച് വിസ്കി മേഖല സ്വീകരിക്കുമെന്ന് ഉറപ്പാണ്.