ദിവസവും 2 ജിബി ഡാറ്റ മതിയോ? എങ്കിൽ ഈ ജിയോ പ്ലാനുകൾ തിരഞ്ഞെടുക്കാം

ദിവസവും 2 ജിബി ഡാറ്റ വരെ ഉപയോഗിക്കുന്ന ധാരാളം ആളുകൾ രാജ്യത്തുണ്ട്. അതുകൊണ്ട് തന്നെ ഈ ഡാറ്റ ആനുകൂല്യം നൽകുന്ന കിടിലൻ പ്ലാനുകൾ ജിയോ നൽകുന്നു. 249 രൂപ മുതൽ വില ആരംഭിക്കുന്ന ഈ പ്ലാനുകൾക്ക് 2879 രൂപ വരെ വിലയുണ്ട്. വിവിധ വാലിഡിറ്റി കാലയളവിൽ വിവിധ അധിക ആനുകൂല്യങ്ങളോടെയാണ് ഈ പ്ലാനുകൾ വരുന്നത്. ജിയോ നൽകുന്ന ദിവസവും 2 ജിബി ഡാറ്റയുള്ള പ്ലാനുകൾ നോക്കാം.

249 രൂപയുടെ പ്ലാൻ

ജിയോയുടെ ദിവസവും 2 ജിബി ഡാറ്റ നൽകുന്ന പ്രീപെയ്ഡ് പ്ലാനുകളിൽ ഏറ്റവും വില കുറഞ്ഞതാണഅ 249 രൂപയുടേത്. ഈ പ്ലാനിന് 23 ദിവസത്തെ വാലിഡിറ്റിയാണ് ഉള്ളത്. മൊത്തം വാലിഡിറ്റി കാലയളവിലേക്കുമായി ജിയോ 46 ജിബി ഡാറ്റയാണ് വരിക്കാർക്ക് നൽകുന്നത്. ഈ പ്ലാൻ ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങളും നൽകുന്നുണ്ട്. ദിവസവുമുള്ള 2 ജിബി ഡാറ്റ അവസാനിച്ചാൽ കുറഞ്ഞ വേഗതയിൽ ഇന്റർനെറ്റ് ആക്സസ് ചെയ്യാം. ദിവസവും 100 എസ്എംഎസുകൾ നൽകുന്ന ഈ പ്ലാൻ എല്ലാ ജിയോ ആപ്പുകളിലേക്കും കോപ്ലിമെന്ററി സബ്ക്രിപ്ഷനും നൽകുന്നുണ്ട്.

299 രൂപയുടെ പ്ലാൻ

ഒരു മാസം വാലിഡിറ്റിയുള്ള പ്ലാനാണ് നിങ്ങൾക്ക് വേണ്ടത് എങ്കിൽ തിരഞ്ഞെടുക്കാവുന്ന മികച്ച പ്ലാനാണ് 299 രൂപയുടേത്. ദിവസവും 2 ജിബി ഡാറ്റ നൽകുന്ന ഈ പ്ലാനിന് 28 ദിവസത്തെ വാലിഡിറ്റിയുണ്ട്. മൊത്തം വാലിഡിറ്റി കാലയളവിലേക്കുമായി 56 ജിബി ഡാറ്റയാണ് 299 രൂപ പ്ലാൻ നൽകുന്നത്. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങളും ഈ പ്ലാൻ നൽകുന്നുണ്ട്. ദിവസേനയുള്ള 2 ജിബി ഡാറ്റ ആനുകൂല്യം അവസാനിച്ച് കഴിഞ്ഞാൽ ഇന്റർനെറ്റ് വേഗത കുറയും. ദിവസവും 100 എസ്എംഎസുകൾ നൽകുന്ന ഈ പ്ലാനിലൂടെ എല്ലാ ജിയോ ആപ്പുകളിലേക്കുമുള്ള കോപ്ലിമെന്ററി സബ്ക്രിപ്ഷനും ലഭിക്കും.

533 രൂപയുടെ പ്ലാൻ

കൂടുതൽ വാലിഡിറ്റി ആവശ്യമുള്ള ധാരാളം വരിക്കാർ ജിയോയ്ക്ക് ഉണ്ട്. അതുകൊണ്ട് തന്നെ 56 ദിവസം വാലിഡിറ്റി നൽകുന്ന നിരവധി പ്ലാനുകൾ ടെലിക്കോം കമ്പനി അവതരിപ്പിച്ചിട്ടുണ്ട്. ദിവസവും 2 ജിബി ഡാറ്റ നൽകുന്ന വിഭാഗത്തിലുള്ള ജിയോയുടെ രണ്ട് മാസം വാലിഡിറ്റിയുള്ള പ്ലാനാണ് 533 രൂപയുടേത്. ഈ പ്ലാനിലൂടെ മൊത്തം വാലിഡിറ്റി കാലയളവിലേക്കുമായി 112 ജിബി ഡാറ്റയാണ് ലഭിക്കുന്നത്. ദിവസവുമുള്ള 2 ജിബി ഡാറ്റ അവസാനിച്ചാൽ കുറഞ്ഞ വേഗതയിൽ ഇന്റർനെറ്റ് കണക്ഷൻ ലഭിക്കും. അൺലിമിറ്റഡ് വോയിസ് കോളിങ് ആനുകൂല്യങ്ങളും ദിവസവും 100 എസ്എംഎസുകളും ഈ പ്ലാൻ നൽകുന്നു. ജിയോ സേവനങ്ങളിലേക്കുള്ള ആക്സസും പ്ലാൻ അധിക ആനുകൂല്യമായി നൽകുന്നു.

719 രൂപയുടെ പ്ലാൻ

ജിയോയുടെ 719 രൂപ പ്രീപെയ്ഡ് പ്ലാൻ ഉപയോക്താക്കൾക്ക് 84 ദിവസത്തെ വാലിഡിറ്റിയാണ് നൽകുന്നത്. ഈ പ്ലാനിലൂടെ ദിവസവും 2 ജിബി ഡാറ്റ വീതം മൊത്തം വാലിഡിറ്റി കാലയളവിലേക്കുമായി 168 ജിബി ഡാറ്റ ലഭിക്കുന്നു. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങളും ഈ പ്ലാനിലൂടെ ലഭിക്കും. ദിവസവും 100 എസ്എംഎസുകളാണ് 719 രൂപ പ്ലാൻ നൽകുന്നത്. ജിയോ സേവനങ്ങളിലേക്കുള്ള കോപ്ലിമെന്ററി സബ്ക്രിപ്ഷനും ഈ പ്ലാനിലൂടെ ലഭിക്കുന്നു. ദിവസവുമുള്ള 2 ജിബി എഫ്യുപി അവസാനിച്ച് കഴിഞ്ഞാൽ കുറഞ്ഞ വേഗതയിൽ ഇന്റർനെറ്റ് ആക്സസ് ചെയ്യാം.

799 രൂപയുടെ പ്ലാൻ

ജിയോ നൽകുന്ന 799 രൂപയുടെ പ്രീപെയ്ഡ് പ്ലാൻ 719 രൂപ പ്ലാനിനെക്കാൾ കുറഞ്ഞ വാലിഡിറ്റിയാണ് നൽകുന്നത്. എന്നാൽ ഈ പ്ലാനിലൂടെ ഡിസ്നി+ ഹോട്ട്സ്റ്റാർ ആക്സസ് സൌജന്യമായി നൽകുന്നുണ്ട്. ഈ പ്ലാൻ 56 ദിവസം വാലിഡിറ്റിയാണ് നൽകുന്നത്. ദിവസവും 2 ജിബി ഡാറ്റ വീതം മൊത്തം വാലിഡിറ്റി കാലയളവിലേക്കുമായി 112 ജിബി ഡാറ്റയും പ്ലാൻ നൽകുന്നുണ്ട്. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങൾ, ദിവസവും 100 എസ്എംഎസ്, ജിയോ സേവനങ്ങളിലേക്കുള്ള കോപ്ലിമെന്ററി സബ്ക്രിപ്ഷൻ എന്നീ ആനുകൂല്യങ്ങലും ഈ പ്ലാനിലൂട ലഭിക്കും.

1066 രൂപയുടെ പ്ലാൻ

ജിയോ നൽകുന്ന 1066 രൂപ വിലയുള്ള പ്ലാനിലൂടെ വരിക്കാർക്ക് ദിവസവും 2 ജിബി ഡാറ്റ 84 ദിവസത്തേക്ക് ലഭിക്കുന്നു. 719 രൂപ പ്ലാനിന്റെ അതേ വാലിഡിറ്റിയും ആനുകൂല്യങ്ങളുമാണ് ഈ പ്ലാനിനും ഉള്ളത്. എന്നാൽ ഈ പ്ലാൻ ഉപയോക്താക്കൾക്ക് ഡിസ്നി+ ഹോട്ട്സ്റ്റാർ ആക്സസ് സൌജന്യമായി നൽകുന്നു. മൊത്തം വാലിഡിറ്റി കാലയളവിലേക്കുമായി 173 ജിബി ഡാറ്റയാണ് ഈ പ്ലാൻ നൽകുന്നത്. ദിവസവും നൽകുന്ന 2 ജിബി ഡാറ്റയ്ക്ക് പുറമേ മൊത്തത്തിൽ 5 ജിബി സൌജന്യ ഡാറ്റയും ലഭിക്കും. 1066 രൂപ പ്ലാൻ തിരഞ്ഞെടുത്താൽ ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങളും ദിവസവും 100 എസ്എംഎസുകളും ലഭിക്കും.

2879 രൂപയുടെ പ്ലാൻ

ദിവസവും 2 ജിബി ഡാറ്റ നൽകുന്ന ജിയോയുടെ വില കൂടിയ പ്ലാനാണ് 2879 രൂപയുടേത്. ഈ പ്ലാനിലൂടെ 365 ദിവസത്തെ വാലിഡിറ്റിയാണ് ലഭിക്കുന്നത്. മൊത്തം വാലിഡിറ്റി കാലയളവിലേക്കുമായി 730 ജിബി ഡാറ്റയും പ്ലാൻ നൽകുന്നു. ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങൾ നൽകുന്ന ഈ പ്ലാൻ ഉപയോക്താക്കൾക്ക് ദിവസവും 100 എസ്എംഎസ് വീതവും നൽകുന്നു. ജിയോ ആപ്പുകളിലേക്കുള്ള കോപ്ലിമെന്ററി സബ്ക്രിപ്ഷനുമായിട്ടാണ് ഈ പ്ലാൻ വരുന്നത്.