ഡിസ്നി+ ഹോട്ട്സ്റ്റാർ ആക്സസ് സൌജന്യമായി നൽകുന്ന വിഐ, ജിയോ, എയർടെൽ പ്ലാനുകൾ

ഇന്ത്യൻ ടെലിക്കോം വിപണിയിലെ മുൻനിര കമ്പനികളായ ജിയോ, എയർടെൽ, വിഐ എന്നിവ ഡിസ്നി+ ഹോട്ട്സ്റ്റാർ ആക്സസ് അധിക ആനുകൂല്യമായി നൽകുന്ന നിരവധി പ്രീപെയ്ഡ് പ്ലാനുകൾ വരിക്കാർക്ക് നൽകുന്നുണ്ട്. ഡിസ്നി+ ഹോട്ട്സ്റ്റാറിന്റെ പുതിയ പ്ലാനുകളുടെ വില ആരംഭിക്കുന്നത് 499 രൂപ മുതലാണ്. ഈ മൊബൈൽ പ്ലാൻ തന്നെയാണ് ടെലിക്കോം കമ്പനികൾ സൌജന്യമായി നൽകുന്നത്. 720പി ക്വാളിറ്റിയിൽ ഒരു മൊബൈൽ സ്ക്രീനിൽ എല്ലാ കണ്ടന്റിലേക്കും ആക്സസ് നൽകുന്ന പ്ലാനാണ് 499 രൂപയുടേത്. ജിയോ, എയർടെൽ, വിഐ എന്നിവയുടെ ഡിസ്നി+ ഹോട്ട്സ്റ്റാർ ആക്സസ് നൽകുന്ന പ്ലാനുകൾ നോക്കാം.

ഡിസ്നി+ ഹോട്ട്സ്റ്റാർ ആക്സസ് നൽകുന്ന ജിയോ പ്ലാനുകൾ

റിലയൻസ് ജിയോ ഡിസ്നി+ ഹോട്ട്സ്റ്റാർ ആക്സസ് നൽകുന്ന അഞ്ച് പ്ലാനുകളാണ് കഴിഞ്ഞ ദിവസം അവതരിപ്പിച്ചത്. ഇതിൽ ആദ്യത്തെ പ്ലാനിന് 499 രൂപയാണ് വലി. ഈ പായ്ക്ക് ഒരു വർഷത്തേക്ക് ഡിസ്നി+ ഹോട്ട്സ്റ്റാർ ആപ്പിലേക്ക് മൊബൈൽ ആക്സസ് നൽകുന്നു. ഉപഭോക്താക്കൾ അവരുടെ മൊബൈൽ നമ്പർ ഉപയോഗിച്ച് ആപ്പിൽ ലോഗിൻ ചെയ്താൽ മാത്രമേ ഈ ഓഫർ ലഭിക്കുകയുള്ളു എന്ന കാര്യം പ്രത്യേകം ശ്രദ്ധിക്കുക. ഈ പ്ലാനിലൂടെ ഡാറ്റ കോളിങ്, ആനുകൂല്യങ്ങളും ജിയോ നൽകുന്നുണ്ട്.

ജിയോ അവതരിപ്പിച്ച ഡിസ്നി+ ഹോട്ട്സ്റ്റാർ ആക്സസ് നൽകുന്ന മറ്റ് പ്രീപെയ്ഡ് പ്ലാനുകൾക്ക് 666 രൂപ, 888 രൂപ, 2,599 രൂപ എന്നിങ്ങനെയാണ് വില. 549 രൂപയുടെ ഡാറ്റ ആഡ്-ഓൺ പായ്ക്കും ജിയോ അവതരിപ്പിച്ചിട്ടുണ്ട്. അഞ്ച് പ്ലാനുകളിൽ ഡിസ്നി+ ഹോട്ട്സ്റ്റാർ ആക്‌സസ് നൽകുന്ന ഒരേയൊരു ടെലിക്കോം കമ്പനി കൂടിയാണ് ജിയോ. ജിയോയുടെ 666 രൂപ പ്ലാൻ അൺലിമിറ്റഡ് കോളിങ്, ദിവസവും 2 ജിബി ഡാറ്റ, 56 ദിവസം വാലിഡിറ്റി, ദിവസവും 100 എസ്എംഎസുകൾ എന്നീ ആനുകൂല്യങ്ങളും നൽകുന്നുണ്ട്.

ജിയോ 888 രൂപ പ്ലാനിലൂടെ വരിക്കാർക്ക് 84 ദിവസത്തെ വാലിഡിറ്റിയാണ് ലഭിക്കുന്നത്. ഡാറ്റ കോളിങ് ആനുകൂല്യങ്ങളും ഈ പ്ലാനിലൂടെ ലഭിക്കുന്നു. 2,599 രൂപ വിലയുള്ള പ്ലാൻ വാർഷിക പ്ലാനാണ്. 365 ദിവസത്തേക്ക് 2 ജിബി ഡാറ്റ, അൺലിമിറ്റഡ് കോളിങ്, മെസേജ് ആനുകൂല്യങ്ങൾ എന്നിവ ഈ പ്ലാനിലൂടെ ലഭിക്കുന്നു. 549 രൂപ വിലയുള്ള ഡാറ്റ പായ്ക്കിലൂടെ കോളുകളും മെസേജ് ആനുകൂല്യങ്ങളും ലഭിക്കില്ല. ഇത് ഡാറ്റ മാത്രം നൽകുന്ന പ്ലാനാണ്.

ഡിസ്നി+ ഹോട്ട്സ്റ്റാർ ആക്സസ് നൽകുന്ന എയർടെൽ പ്ലാനുകൾ

എയർടെൽ മൂന്ന് പ്ലാനുകൾക്കൊപ്പം ഡിസ്നി+ ഹോട്ട്സ്റ്റാർ ആക്സസ് നൽകുന്നുണ്ട്. 499 രൂപ, 699 രൂപ, 2,798 രൂപ എന്നിങ്ങനെയാണ് ഈ പ്ലാനുകളുടെ വില. 499 രൂപയുടെ പ്ലാൻ ദിവസവും 3 ജിബി ഡാറ്റ നൽകുന്നു. സൌജന്യ മെസേജുകൾ, വോയിസ് കോളിങ് എന്നിവയും ഈ പ്ലാനിലൂടെ ലഭിക്കും. 28 ദിവസത്തേക്ക് മാത്രമാണ് ഈ പ്ലാനിന്റെ വാലിഡിറ്റി. ഉപയോക്താക്കൾക്ക് ഒരു വർഷത്തേക്ക് ഡിസ്നി+ ഹോട്ട്സ്റ്റാർ ആക്സസ് ലഭിക്കും. ഈ പായ്ക്ക് 30 ദിവസത്തേക്ക് ആമസോൺ പ്രൈം ആക്‌സസും നൽകുന്നു.

എയർടെല്ലിന്റെ രണ്ടാമത്തെ പ്ലാൻ 699 രൂപയ്ക്ക് ദിവസവും 2 ജിബി ഡാറ്റയും മറ്റ് ആനുകൂല്യങ്ങളും നൽകുന്നു. 56 ദിവസത്തെ വാലിഡിറ്റിയാണ് ഈ പ്ലാനിനുള്ളത്. അവസാന പ്ലാൻ വാർഷിക പ്ലാനാണ്. 2,798 രൂപയ്ക്ക് ഈ പ്ലാൻ 365 ദിവസത്തെ വാലിഡിറ്റി കാലയളവിൽ ദിവസവും 2 ജിബി ഡാറ്റയാണ് നൽകുന്നത്. മൊത്തം 830ജിബി ഡാറ്റ ഈ പ്ലാനിലൂടെ വരിക്കാർക്ക് ലഭിക്കും. എസ്എംഎസ്, വോയിസ് കോളിങ് ആനുകൂല്യവും ഈ പ്ലാൻ നൽകുന്നുണ്ട്.

ഡിസ്നി+ ഹോട്ട്സ്റ്റാർ ആക്സസ് നൽകുന്ന വോഡഫോൺ-ഐഡിയ പ്ലാനുകൾ

മൂന്ന് പ്രീപെയ്ഡ് പ്ലാനുകൾക്കൊപ്പമാണ് വോഡാഫോൺ ഐഡിയ ഡിസ്നി+ ഹോട്ട്സ്റ്റാർ ആക്സസ് നൽകുന്നത്. ഈ പ്ലാനുകൾക്ക് 501 രൂപ, 601 രൂപ, 2,595 രൂപ എന്നിങ്ങനെയാണ് വില വരുന്നത്. വിഐയുടെ 501 രൂപ പ്ലാൻ ജിയോ, എയർടെൽ എന്നിവയുടെ ഈ വിഭാഗം പ്ലാനുകളെക്കാൾ 2 രൂപ കൂടുതലുള്ള പ്ലാനാണ്. ഈ പ്ലാനിലൂടെ ദിവസവും 3 ജിബി ഡാറ്റയാണ് ലഭിക്കുന്നത്. സൗജന്യ കോളുകൾ, മെസേജുകൾ, മറ്റ് ആനുകൂല്യങ്ങൾ എന്നിവയും ഈ പ്ലാനിലൂടെ ലഭിക്കുന്നു. വീക്കെൻഡ് ഡാറ്റ റോൾഓവർ സൗകര്യവും പ്ലാൻ നൽകുന്നുണ്ട്. തിങ്കൾ മുതൽ വെള്ളി വരെ ഉപയോഗിക്കാത്ത ഡാറ്റ ശനി, ഞായർ ദിവസങ്ങളിൽ ഉപയോഗിക്കാൻ സഹായിക്കുന്നതാണ് ഈ പ്ലാൻ.

2,595 രൂപ വിലയുള്ള പ്ലാൻ ദിവസവും 1.5 ജിബി ഡാറ്റയാണ് നൽകുന്നത്. ഇതൊരു വാർഷിക പ്ലാനാണ്. 365 ദിവസത്തെ വാലിഡിറ്റിയുള്ള ഈ പ്ലാനിലൂടെ കോളിങ്, എസ്എംഎസ് ആനുകൂല്യങ്ങളും ലഭിക്കും. 601 രൂപയുടെ ആഡ്-ഓൺ പായ്ക്ക് 56 ദിവസത്തേക്ക് 75 ജിബി ഡാറ്റയും ഡിസ്നി+ ഹോട്ട്സ്റ്റാർ ആക്സസും നൽകുന്നു. മൂന്ന് ടെലിക്കം കമ്പനികളുടെയും ഡിസ്നി+ ഹോട്ട്സ്റ്റാർ ആക്സസ് നൽകുന്ന പ്ലാനുകൾ താരതമ്യം ചെയ്താൽ ജിയോ കൂടുതൽ പ്ലാനുകളിൽ ഡിസ്നി+ ഹോട്ട്സ്റ്റാർ ആക്സസ് നൽകുന്നു എങ്കിലും എയർടെൽ ഡിസ്നി+ ഹോട്ട്സ്റ്റാർ പാക്കുകൾ ഉപയോക്താക്കൾക്ക് ഒരു മാസത്തേക്ക് ആമസോൺ പ്രൈം വീഡിയോ ആക്സസ് കൂടി നൽകുന്നുവെന്നത് ശ്രദ്ധേയമാണ്.