ജിയോ, വോഡാഫോൺ, എയർടെൽ എന്നിവയുടെ 100 രൂപയിൽ താഴെ വിലയുള്ള പ്ലാനുകൾ

ഉപയോക്താക്കളുടെ എണ്ണം വർദ്ധിപ്പിക്കാനും അതിനൊപ്പം ഒരോ ഉപയോക്താവിൽ നിന്നുമുള്ള വരുമാന നിരക്ക് വർദ്ധിപ്പിക്കാനുമുള്ള ശ്രമത്തിലാണ് ടെലിക്കോം കമ്പനികളെല്ലാം. പരസ്പരം മത്സരിച്ചുകൊണ്ട് തന്നെ എല്ലാ വില നിലവാരത്തിലുമുള്ള പ്ലാനുകൾ ടെലിക്കോം ഓപ്പറേറ്റർമാർ പുറത്തിറക്കുന്നുണ്ട്. എല്ലാ സാമ്പത്തിക നിലവാരത്തിലുമുള്ള, എല്ലാ ആവശ്യങ്ങളെയും നിറവേറ്റുന്ന വിധത്തിലുള്ള പ്ലാനുകളുടെ വർഗീകരണമാണ് കമ്പനികൾ നടത്തുന്നത്.

ജിയോയുടെ 100 രൂപയിൽ താഴെ വിലയുള്ള പ്രീപെയ്ഡ് പ്ലാനുകൾ

ജിയോ, എയർടെൽ, വോഡാഫോൺ എന്നീ കമ്പനികളിൽ വച്ച് റിലയൻസ് ജിയോയാണ് ഏറ്റവും കുറഞ്ഞ നിരക്കിലുള്ള പ്രീപെയ്ഡ് പ്ലാനുകൾ നൽകുന്ന കമ്പനി. കഴിഞ്ഞ ദിവസം ജിയോ 100 രൂപയ്ക്ക് താഴെ നിരക്കിൽ രണ്ട് പ്ലാനുകൾ അവതരിപ്പിച്ചു. 49 രൂപ, 69 രൂപ നിരക്കിലുള്ള പ്ലാനുകളാണ് കമ്പനി അവതരിപ്പിച്ചത്. ഈ രണ്ട് പ്ലാനുകളും ജിയോഫോൺ ഉപയോക്താക്കൾക്ക് മാത്രമായി ഉള്ള പ്ലാനുകളാണ്.

69 രൂപ പ്ലാൻ പ്രതിദിനം 0.5 ജിബി ഡാറ്റ, അൺലിമിറ്റഡ് ജിയോ-ടു-ജിയോ വോയ്‌സ് കോളുകൾ, മറ്റ് നെറ്റ്‌വർക്കുകളിലേക്ക് 250 മിനിറ്റ് കോളിങ് എന്നിവ വാഗ്ദാനം ചെയ്യുന്നു. പ്ലാൻ 25 എസ്എംഎസും നൽകുന്നുണ്ട്. 14 ദിവസത്തെ വാലിഡിറ്റി മാത്രമേ ഈ പ്ലാനിന് ഉള്ളു. 49 രൂപ പ്ലാൻ മൊത്തം 2 ജിബി ഡാറ്റ, മറ്റ് നെറ്റ്വർക്കിലേക്ക് 250 മിനിറ്റ് കോളിങ് എന്നി 14 ദിവസത്തേക്ക് നൽകുന്നു. മറ്റൊരു പ്ലാൻ 75 രൂപയുടേതാണ്. 28 ദിവസത്തേക്ക് 3 ജിബി ഡാറ്റ വാഗ്ദാനം ചെയ്യുന്ന പ്ലാനാണ് ഇത്.

വോഡഫോണിന്റെ 100 രൂപയിൽ താഴെ വിലയുള്ള പ്ലാനുകൾ

100 ​​രൂപയിൽ താഴെ വിലയുള്ള രണ്ട് ഓൾ‌റൌണ്ടർ പായ്ക്കുകൾ മാത്രമേ വോഡഫോൺ നിലവിൽ നൽകുന്നുണ്ട്. 39 രൂപ, 79 രൂപ നിരക്കുകളിലാണ് ഈ പ്രീപെയ്ഡ് പ്ലാനുകൾ ലഭിക്കുക. 39 രൂപയുടെ പ്ലാൻ 14 ദിവസത്തെ വാലിഡിറ്റിയുള്ള പ്ലാനാണ്. മൊത്തം വാലിഡിറ്റി കാലയളവിലേക്കുമായി 100 എംബി ഡാറ്റയാണ് പ്ലാൻ വാഗ്ദാനം ചെയ്യുന്നത്. 30 രൂപ ടോക്ക് ടൈമും ഈ പ്ലാനിലൂടെ ലഭിക്കുന്നു.

79 രൂപ പ്ലാനിലൂടെ മൊത്തം 200 എംബി ഡാറ്റയാണ് ഉപയോക്താവിന് ലഭിക്കുന്നത്. ഇത് 28 ദിവസത്തെ വാലിഡിറ്റിയോടെ വരുന്നു. ഉപയോക്താവിന് 64 രൂപ വില മതിക്കുന്ന ടോക്ക് ടൈമും ഈ പ്ലാനിലൂടെ ലഭിക്കുന്നു. വോഡാഫോണിന്റെ 100 രൂപയിൽ താഴെ വിലയുളള രണ്ട് പ്ലാനുകളും കുറഞ്ഞ ഡാറ്റ നൽകുകയും റീചാർജ് ചെയ്ത തുകയോളം തന്നെ ടോക്ടൈം നൽകുകയും ചെയ്യുന്ന പ്ലാനുകളാണ്.

എയർടെല്ലിന്റെ 100 രൂപയിൽ താഴെ വിലയുള്ള പ്ലാനുകൾ

എയർടെലിന് 100 രൂപയിൽ താഴെ വിലയുള്ള നാല് പ്ലാനുകളാണ് നിലവിലുള്ളത്. 48 രൂപ, 49 രൂപ, 79 രൂപ, 98 രൂപ എന്നീ നിരക്കുകളിലാണ് ഈ പ്ലാനുകൾ വരുന്നത്. 48 രൂപയുടെ പ്ലാൻ പ്ലാൻ മൊത്തം 3 ജിബി ഡാറ്റ വാഗ്ദാനം ചെയ്യുന്നു. 28 ദിവസമാണ് ഈ പ്ലാനിന്റെ വാലിഡിറ്റി. അതേസമയം 49 രൂപയുടെ പ്ലാൻ ഡാറ്റാ ആനുകൂല്യങ്ങൾക്കൊപ്പം 38.52 രൂപ ടോക്ക് ടൈം വാഗ്ദാനം ചെയ്യുന്നു.

79 രൂപ പ്ലാനിൽ മൊത്തം 200 എം‌ബി ഡാറ്റയാണ് ഉപയോക്താവിന് ലഭ്യമാവുക. ഇത് 28 ദിവസത്തെ വാലിഡിറ്റിയോടെ വരുന്ന പ്ലാനാണ്. 98 രൂപയുടെ പ്ലാൻ മൊത്തം 6 ജിബി ഡാറ്റ വാഗ്ദാനം ചെയ്യുന്ന പ്ലാനാണ്. 28 ദിവസത്തെ വാലിഡിറ്റിയാണ് ഈ പ്ലാനിന് ഉള്ളത്. മേൽപ്പറഞ്ഞ പ്ലാനുകളെല്ലാം ഇന്റർനെറ്റ് ഉപയോഗിക്കുന്നവർക്ക് മാത്രം ഉപകാരപ്പെടുന്ന പ്ലാനുകളാണ്.