Best Drones: ഈ വർഷത്തെ ഏറ്റവും മികച്ച 10 ഡ്രോണുകൾ

| Published: Wednesday, April 22, 2020, 17:06 [IST]

ധാരാളം ഡ്രോണുകൾ ഇപ്പോൾ വിപണിയിൽ ഇറങ്ങുന്നതുകൊണ്ട് തന്നെ ഉപഭോക്താവ് നൽകുന്ന പണത്തിന്റെ മൂല്യത്തിന് അനുസരിച്ച് പെർഫോമൻസ് നൽകുന്ന ഡ്രോണുകളെ കണ്ടെത്താൻ എളുപ്പമല്ല. ഡ്രോൺ ഉപയോഗിച്ച് തുടങ്ങുന്ന ആളുകൾക്കും പ്രൊഫഷണൽസിനും ഒരുപോലെ ഗുണകരമാവുന്ന മികച്ച പത്ത് ഡ്രോണുകളെയാണ് നമ്മളിന്ന് പരിചയപ്പെടുന്നത്.

ഈ വർഷം ഡ്രോൺ വിപണി കീഴടക്കിയ ഏറ്റവും മികച്ച മോഡലുകളിൽ ഡിജെഐ മാവിക് 2 പ്രോ, ഡിജെഐ മാവിക് മിനി, ഡിജെഐ മാവിക് 2 സൂം, ഡിജെഐ മാവിക് എയർ, ഡിജെഐ ഫാന്റം 4, പാരറ്റ് ബെബോപ് 2, പാരറ്റ് അനഫി, ഡിജെഐ മാവിക് പ്രോ, ഡി‌ജെ‌ഐ ഇൻസ്പയർ 2, ഡി‌ജെ‌ഐ ഇൻസ്പെയർ 1 എന്നിവ ഉൾപ്പെടുന്നു.

ഡിജെഐ മാവിക് 2 പ്രോ

മടക്കിവയ്ക്കാവുന്ന ഈ ഡ്രണിന്റെ ഭാരം 907 ഗ്രാമാണ്. കൺട്രോളറോട് കൂടിയ ഡ്രോണിന്റെ ക്യാമറ 20MPയും 3,950 mAh ബാറ്ററിയുമാണ് ഡിവൈസിൽ നൽകിയിരിക്കുന്നത്. 8 കിലോമീറ്റവർ വരെ റേഞ്ചും ഈ ഡ്രോണിനുണ്ട്. എളുപ്പത്തിൽ ഉപയോഗിക്കാവുന്ന ഈ ഡ്രോണിൽ നോയിസ് പ്രശ്നം ഉണ്ട്. പോട്രെയിറ്റ് മോഡ് ഇല്ല.

ഡിജെഐ മാവിക് മിനിഡിജെഐ മാവിക് മിനി

ഡി‌ജെ‌ഐയുടെ ഏറ്റവും ചെറുതും ഭാരം കുറഞ്ഞതും വിലകുറഞ്ഞതുമായ ഡ്രോണാണ് ഇത്. 249 ഗ്രാം ഭാരമുള്ള ഈ ഡ്രോണിൽ 14 എംപി ക്യാമറയാണ് ഉള്ളത്. 2,600 mAh ബാറ്ററി, 5.8 GHz: 4000 മീ (FCC); 2500 മീ (SRRC) റേഞ്ച് എന്നിവയാണ് ഇതിന്റെ സവിശേഷതകൾ.

ഡിജെഐ മാവിക് 2 സൂം

ഒപ്റ്റിക്കൽ സൂം സവിശേഷതയുള്ള ഡിജെഐ മാവിക് 2 സൂം ഡ്രോണിന്റ ഭാരം 905 ഗ്രാം ആണ്. 12MP ക്യാമറയാണ് ഇതിൽ നൽകിയിട്ടുള്ളത്. 3,950 mAh ബാറ്ററിയും 8 കിലോമീറ്റർ വരെ റേഞ്ചും ഈ ഡ്രോണിനുണ്ട്. ഐഎസ്ഒ 100ന് മുകളിൽ ആയാൽ നോയിസ് പ്രശ്നം ഉണ്ടാകുന്നുണ്ട്. 24-48 ഒപ്റ്റിക്കൽ സൂം ലെൻസാണ് ഈ ഡ്രോണിൽ നൽയിട്ടുള്ളത്.

ഡിജെഐ മാവിക് എയർ

മടക്കി വയ്ക്കാൻ സാധിക്കുന്ന ഡിസൈനിലുള്ള ഈ 4 കെ ഡ്രോണിന്റെ ഭാരം 430 ഗ്രാം ആണ്. 12MP ക്യാമറ, 2,375mAh ബാറ്ററി, 6.2 മൈൽ റേഞ്ച് എന്നിവയാണ് ഈ ഡ്രോണിന്റെ സവിശേഷതകൾ. 2018 ന്റെ തുടക്കത്തിൽ പുറത്തിറങ്ങിയതാണെങ്കിലും തുടക്കക്കാർക്കും യാത്ര ചെയ്യുന്നവർക്കും ഡിജെഐ മാവിക് എയർ മികച്ച ചോയിസ് തന്നെയാണ്.

ഡിജെഐ ഫാന്റം 4

മികച്ചതും സ്റ്റെബിലിറ്റി ഉള്ളതുമായ 4 കെ ഫൂട്ടേജ് ഷൂട്ട് ചെയ്യാൻ സാധിക്കുന്ന ഫിഷ് ഐ ലെൻസോട് കൂടിയാണ് ഈ ഡ്രോൺ അവതരിപ്പിച്ചിരിക്കുന്നത്. 1380 ഗ്രാം ഭാരമുള്ള ഈ ഡ്രോണിൽ 12.4MP ക്യാമറയാണ് നൽകിയിട്ടുള്ളത്. 5,350mAh ബാറ്ററിയാണ് ഈ ഡ്രോണിന്റെ മറ്റൊരു സവിശേഷത. 3.1 മൈൽ റേഞ്ചാണ് ഈ ഡ്രോണിന് ഉള്ളത്.

പാരറ്റ് ബെബോപ് 2

സ്റ്റെബിലിറ്റിലുള്ള വിഷ്വലുകൾ ഉറപ്പ് നൽകുന്ന ഈ ഡ്രോണിന് 500 ഗ്രാം ഭാരമാണ് ഉള്ളത്. 14MP ക്യാമറ, 2,700mAh ബാറ്ററി എന്നീ സവിശേഷചകളുള്ള ഈ ഡ്രോണിന് 300 മീറ്റർ റേഞ്ച് മാത്രമേ ഉള്ളു.ഫിഷ് ഐ ലെൻസുള്ള ക്യാമറയാണ് ഇതിൽ നൽകിയിരിക്കുന്നത്.

പാരറ്റ് അനഫി

ഒരു ചെറിയ ഡ്രോണാണെങ്കിലും 3202 ഗ്രാം ഭാരമാണ് പാരറ്റ് അനഫിക്ക് ഉള്ളത്. 21MP ക്യാമറ, 2700mAh ബാറ്ററി എന്നീ സവിശേഷതകളുള്ള ഈ ഡ്രോണണിൽ 60fps 180-ഡിഗ്രി ക്യാമറയിൽ 4K UHD വീഡിയോ റെക്കോഡ് ചെയ്യാൻ സാധിക്കും. മികച്ച വിഷ്വൽ തരുന്നുവെന്നതാണ് ഈ ഡ്രോണിന്റെ സവിശേഷത.

ഡിജെഐ മാവിക് പ്രോ

ഡിജിഐ പുറത്തിറക്കിയ മികച്ച ഡ്രോണുകളിൽ ഒന്നാണ് ഇത്. 734 ഗ്രാം ഭാരമുള്ള ഡ്രോണിൽ 12.35MP ക്യാമറയാണ് നൽകിയിട്ടുള്ളത്. 3830mAh ബാറ്ററിയും ഇതിൽ നൽകിയിട്ടുണ്ട്. 4.3 മൈൽ ആണ് ഈ ഡ്രോണിന്റെ റേഞ്ച്. ഹൈ പോർട്ടബിൾ ഡെഡിക്കേറ്റഡ് റിമോട്ട് കൺട്രോളുളള ഈ ഡ്രോണിന്റ പോരായ്മ കുറഞ്ഞ വെളിച്ചത്തിൽ മികച്ച വിഷ്വൽ തരുന്നില്ല എന്നതാണ്

ഡി‌ജെ‌ഐ ഇൻസ്പെയർ 2

ഏറ്റവും മികച്ച മുൻനിര ഡ്രോണുകളിലൊന്നാണ് ഡിജെഐയുടെ ഇൻസ്പെയർ. 3440 ഗ്രാം ഭാരമുള്ള ഈ ഡ്രോണിൽ 30 എംപി ക്യാമറയാണ് നൽകിയിട്ടുള്ളത്. 4280mAh ബാറ്ററിയുള്ള ഡ്രോണിന് 7 കിലോമീറ്റർ റേഞ്ചും ഉണ്ട്. മികച്ച ബിൽഡ് ക്വാളിറ്റി, ബാറ്ററി ലൈഫ് എന്നിവയാണ് ഈ ഡ്രണിന്റെ സവിശേഷതകൾ.

ഡി‌ജെ‌ഐ ഇൻസ്പെയർ 1

പ്രൊഫഷണൽ പ്രൈസ് ടാഗുള്ള ഒരു പ്രൊഫഷണൽ ഡ്രോണാണ് ഇൻസ്പെയർ 1. 2935 ഗ്രാം ഭാരമുള്ള ഈ ഡ്രോണിന്റെ ക്യാമറ 12.76 എംപിയാണ്. 5700mAh ബാറ്ററിയും 2 കിലോമീറ്റർ റേഞ്ചുമാണ് ഈ ഡ്രോണിനുള്ളത്.