500 രൂപയിൽ താഴെ വിലയുള്ള ബിഎസ്എൻഎൽ, എയർടെൽ, ജിയോ, വിഐ പ്ലാനുകൾ

ഇന്ത്യയിലെ വലിയൊരു വിഭാഗം ഉപയോക്താക്കൾ തിരഞ്ഞെടുക്കുന്ന പ്രീപെയ്ഡ് പ്ലാനുകളുടെ വിഭാഗമാണ് 500 രൂപയിൽ താഴെ വിലയുള്ള പ്ലാനുകൾ. എയർടെൽ, ജിയോ, വിഐ, ബി‌എസ്‌എൻ‌എൽ എന്നിവ ഈ വിലവിഭാഗത്തിൽ മികച്ച പ്ലാനുകൾ അവതരിപ്പിച്ചിട്ടുമുണ്ട്. ആകർഷകമായ ആനുകൂല്യങ്ങൾ നൽകുന്ന ഈ പ്ലാനുകൾ തൃപ്തികരമായ വാലിഡിറ്റി കാലയളവും ഉപയോക്താക്കൾക്ക് ലഭ്യമാക്കുന്നുണ്ട്. 500 രൂപയിൽ താഴെ വിലയുള്ള എയർടെൽ, ബിഎസ്എൻഎൽ, ജിയോ, വിഐ എന്നിവയുടെ പ്ലാനുകൾ പരിശോധിക്കാം.

ബി‌എസ്‌എൻ‌എൽ പ്ലാനുകൾ

500 രൂപയ്ക്ക് താഴെയുള്ള വിലയിൽ ബി‌എസ്‌എൻ‌എൽ നൽകുന്ന മികച്ച പ്ലാനുകളിലൊന്ന് STV_247 എന്ന പ്ലാനാണ്. ഈ പ്ലാൻ ദിവസവും 3 ജിബി ഡാറ്റയും ദിവസവും 250 മിനുറ്റ് എഫ്യുപി ലിമിറ്റോടെ അൺലിമിറ്റഡ് കോളിങും നൽകുന്നു. ദിവസവും 100 എസ്എംഎസുകളും ഈ പ്ലാൻ നൽകുന്നുണ്ട്. ദിവസവുമുള്ള 3 ജിബി ഡാറ്റ അവസാനിച്ച് കഴിഞ്ഞാൽ വേഗത 80 കെബിപിഎസ് ആയി കുറയും. ഈ പ്ലാനിലൂടെ ഉപയോക്താക്കൾക്ക് ഇറോസ് നൌ, ബി‌എസ്‌എൻ‌എൽ ട്യൂൺസ് എന്നിവയുടെ സൌജന്യ സബ്സ്ക്രിപ്ഷനും ലഭിക്കും. 40 ദിവസത്തെ വാലിഡറ്റിയാണ് ഈ പ്ലാനിനുള്ളത്.

എയർടെൽ പ്ലാനുകൾ

എയർടെല്ലിന്റെ 500 രൂപയിൽ താഴെ വിലയുള്ള അൺലിമിറ്റഡ് പ്രീപെയ്ഡ് പ്ലാനിന് 449 രൂപയാണ് വില. ഈ പ്ലാൻ ദിവസവും 2 ജിബി ഡാറ്റയാണ് നൽകുന്നത്. ദിവസവും 100 എസ്എംഎസും ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളുകളും ഈ പ്ലാൻ നൽകുന്നു. 56 ദിവസത്തെ വാലിഡിറ്റിയാണ് ഈ പ്ലാനിനുള്ളത്. എയർടെൽ എക്സ്സ്ട്രീം പ്രീമിയം, ഷാ അക്കാദമിയിൽ നിന്നുള്ള 1 വർഷത്തെ സൌജന്യ കോഴ്സ്, വിങ്ക് മ്യൂസിക് സബ്ക്രിപ്ഷൻ മറ്റ് ഒടിടി ആനുകൂല്യങ്ങൾ എന്നിവയും ഈ പ്ലാനിലൂടെ ഉപയോക്താക്കൾക്ക് ലഭിക്കും.

ജിയോ പ്ലാനുകൾ

റിലയൻസ് ജിയോയുടെ 500 രൂപയിൽ താഴെ വിലയുള്ള മികച്ച പ്ലാനിന് 444 രൂപയാണ് വില. ഈ പ്ലാൻ 56 ദിവസത്തെ വാലിഡിറ്റിയോടെയാണ് വരുന്നത്. ഉപയോക്താക്കൾക്ക് ദിവസവും 2 ജിബി ഡാറ്റ നൽകുന്ന ഈ പ്ലാൻ ദിവസവും 100 എസ്എംഎസുുകളും നൽകുന്നു. ജിയോ നമ്പരുകളിലേക്ക് അൺലിമിറ്റഡ് കോളിങും മറ്റ് നെറ്റ്വർക്കിലേക്ക് വിളിക്കാൻ 2,000 മിനുറ്റ് സൌജന്യ കോളുകളും ഈ പ്ലാനിലൂടെ ലഭിക്കും. എല്ലാ ജിയോ അപ്ലിക്കേഷനുകളിലേക്കും കോംപ്ലിമെന്ററി സബ്‌സ്‌ക്രിപ്‌ഷനും ഈ പ്ലാനിലൂടെ ലഭിക്കും.

വിഐ പ്ലാനുകൾ

വിഐയുടെ 500 രൂപയിൽ താഴെ വിലയുള്ള വിഐയുടെ മികച്ച പ്രീപെയ്ഡ് പ്ലാനിന് 449 രൂപയാണ് വില. ഡബിൾ ഡാറ്റ ഓഫറിന് കീഴിലുള്ള പ്ലാനായതിനാൽ ഈ പ്ലാനിലൂടെ ഇപ്പോൾ ദിവസവും 4 ജിബി ഡാറ്റയാണ് ലഭിക്കുന്നത്. ഈ 449 രൂപ പ്ലാൻ അൺലിമിറ്റഡ് കോളിങും ദിവസവും 100 എസ്എംഎസുകളും നൽകുന്നുണ്ട്. ഈ പ്ലാൻ ‘വീക്കെൻഡ് ഡാറ്റ റോൾഓവർ' ഓഫറും നൽകുന്നുണ്ട്യ വിഐ മൂവീസ്, ടിവി എന്നീ ഒടിടി ആനുകൂല്യവും വിഐയുടെ പ്ലാൻ നൽകുന്നു.