480 ജിബി വരെ ഡാറ്റ നൽകുന്ന ബിഎസ്എൻഎൽ പ്രീപെയ്ഡ് ഡാറ്റ വൌച്ചറുകൾ

98 രൂപ വൌച്ചർ

ബിഎസ്എൻഎല്ലിന്റ ഡാറ്റ വൌച്ചറുകൾ 98 രൂപ മുതലാണ് ആരംഭിക്കുന്നത്. ഈ പായ്ക്കിന് ‘ഡാറ്റാ സുനാമി_98' എന്നാണ് പേര്. ഈ സ്പെഷ്യൽ വൗച്ചർ 22 ദിവസത്തെ വാലിഡിറ്റിയാണ് നൽകുന്നത്. ഈ കാലയളവിൽ ദിവസവും 2 ജിബി അതിവേഗ ഡാറ്റയാണ് പായ്ക്കിലൂടെ ലഭിക്കുന്നത്. ദിവസവും ലഭിക്കുന്ന 2 ജിബി ഉപയോഗിച്ചതിന് ശേഷം, ഡാറ്റ സ്പീഡ് 40 കെബിപിഎസായി കുറയുന്നു. ഇതിനൊപ്പം ഇറോസ്നൌ ആനുകൂല്യവും ലഭിക്കും.

151 രൂപ വൌച്ചർ

ബിഎസ്എൻഎൽ ഡാറ്റ വൌച്ചറുകളിലെ രണ്ടാമത്തെ പ്ലാനിന് 151 രൂപയാണ് വില. ഈ ഡാറ്റ വൌച്ചർ ‘ഡാറ്റാ_ഡബ്ല്യുഎഫ്_151' എന്നും അറിയപ്പെടുന്ന. 30 ദിവസത്തെ വാലിഡിറ്റിയാണ് ഈ വൌച്ചറിനുള്ളത്. മൊത്തം വാലിഡിറ്റി കാലയളവിലേക്കുമായി 40 ജിബി അതിവേഗ ഡാറ്റയാണ് പ്ലാൻ നൽകുന്നത്. ഈ പ്ലാൻ വീട്ടിലിരുന്ന് ജോലി ചെയ്യുന്ന ഉപയോക്താക്കൾക്ക് ഏറെ പ്രയോജനപ്പെടുന്ന പ്ലാനാണ്.

197 രൂപ വൌച്ചർ

ബി‌എസ്‌എൻ‌എല്ലിന്റെ മൂന്നാമത്തെ പ്രീപെയ്ഡ് ഡാറ്റ വൗച്ചറിന് 197 രൂപയാണ് വില ‘ഡാറ്റ എസ്ടിവി_197' എന്നാണ് ഈ പ്ലാനിന്റെ പേര്. 54 ദിവസത്തെ വാലിഡിറ്റിയുള്ള ഈ വൗച്ചർ ഉപയോക്താക്കൾക്ക് ദിവസവും 2 ജിബി ഡാറ്റയാണ് നൽകുന്നത്. കോളർ ടൂണുകൾ അൺലിമിറ്റഡ് ആയി മാറ്റാനുള്ള ഓഫറും ഈ പ്ലാനിനൊപ്പം ബിഎസ്എൻഎൽ നൽകുന്നുണ്ട്. ദിവസേനയുള്ള ഡാറ്റയും കൂടുതൽ വാലിഡിറ്റിയും വേണ്ട ആളുകൾക്ക് തിരഞ്ഞെടുക്കാവുന്ന മികച്ച ഡാറ്റ വൌച്ചറാണ് ഇത്.

251 രൂപ വൌച്ചർ

ബിഎസ്എൻഎല്ലിന്റെ നാലാമത്തെ ഡാറ്റാ വൗച്ചറിന് 251 രൂപയാണ് വില. ഈ വൌച്ചറിനെ ‘ഡാറ്റാ_ഡബ്ല്യുഎഫ്_251' എന്നാണ് വിളിക്കുന്നത്. ഈ വൗച്ചറിന് 30 ദിവസത്തെ വാലിഡിറ്റിയാണ് ഉള്ളത്. മൊത്തം വാലിഡിറ്റി കാലയളവിലേക്കുമായി 70 ജിബി ഡാറ്റയാണ് പ്ലാൻ നൽകുന്നത്. മറ്റ് ആനുകൂല്യങ്ങളൊന്നും പ്ലാൻ നൽകുന്നില്ല. കണക്ക് പ്രകാരം ദിവസവും രണ്ട് ജിബിയിൽ കൂടുതൽ ഡാറ്റ ഈ പ്ലാൻ നൽകുന്നുണ്ട്. അതുകൊണ്ട് തന്നെ കൂടുതൽ ഡാറ്റ ആവശ്യമുള്ള ആളുകൾക്ക് തിരഞ്ഞെടുക്കാവുന്ന പ്ലാനാണ് ഇത്.

‘എസ്ടിവി_998' എന്ന പേരിൽ അറിയപ്പെടുന്ന ബിഎസ്എൻഎല്ലിന്റെ അഞ്ചാമത്തെ വൗച്ചർ ഉപയോക്താക്കൾക്ക് 480ജിബി ഡാറ്റയാണ് നൽകുന്നത്. 240 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ഉപയോക്താക്കൾക്ക് 2 ജിബി പ്രതിദിന ഡാറ്റയും ഈ പ്ലാനിലൂടെ ലഭിക്കും. 2 ജിബി ഡാറ്റ ഉപയോഗിച്ച് കഴിഞ്ഞതിന് ശേഷം ലഭിക്കുന്ന ഡാറ്റ സ്പീഡ് 80 കെബിപിഎസ് ആയി കുറയും. ഇതിനൊപ്പം ഉപയോക്താക്കൾക്ക് ആദ്യ രണ്ട് മാസത്തേക്ക് പേഴ്സണലൈസ്ഡ് കോളർ ട്യൂണും സൌജന്യമായി ലഭിക്കും. ലോക്ദൂൺ കണ്ടന്റും ഈ പ്ലാൻ നൽകുന്നുണ്ട്.

ബിഎസ്എൻഎല്ലിന്റെ വില കൂടിയ ഡാറ്റ വൌച്ചറാണ് 1,098 രൂപയുടെ ‘ഡാറ്റ_1098'. ഈ വൗച്ചർ അൺലിമിറ്റഡ് ഡാറ്റ നൽകുന്ന വൌച്ചറാണ്. എഫ്‌യുപി ലിമിറ്റില്ലാതെ ഡാറ്റ നൽകുന്ന ഈ വൌച്ചറിന് 84 ദിവസത്തെ വാലിഡിറ്റിയാണ് ഉള്ളത്. ഇതിനൊപ്പം ഉപയോക്താക്കൾക്ക് അൺലിമിറ്റഡ് കോളിംഗും സൌജന്യമായി പേഴ്സണലൈസ്ഡ് കോളർ ട്യൂണും ലഭിക്കും. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും.