സ്വകാര്യ കമ്പനികളെ നേരിടാൻ 1,098 രൂപയുടെ പുതിയ 4ജി പ്രീപെയ്ഡ് പ്ലാനുമായി ബി‌എസ്‌എൻ‌എൽ

ബിഎസ്എൻഎൽ 4ജി എസ്ടിവി1098 പ്ലാൻ

ബി‌എസ്‌എൻ‌എൽ 4ജി എസ്‌ടി‌വി1098 പ്രീപെയ്ഡ് പ്ലാൻ‌ മുകളിൽ‌ അൺലിമിറ്റഡ് ഡാറ്റയുമായിട്ടാണ് വരുന്നത്. സാധാരണ നിലയിൽ അൺലിമിറ്റഡ് ഡാറ്റ എന്ന് പറഞ്ഞ് നിശ്ചിത ജിബി എഫ്യുപി ലിമിറ്റ് വച്ച് അത് കഴിഞ്ഞാൽ ഡാറ്റ വേഗത കുറയ്ക്കുന്ന രീതിയാണ് ടെലിക്കോം വിപണിയിൽ കാണാറുള്ളത്. എന്നാൽ ബിഎസ്എൻഎല്ലിനറെ പുതിയ പ്ലാൻ എഫ്യുപി ലിമിറ്റ് ഇല്ലാതെ തന്നെ അൺലിമിറ്റഡ് ഡാറ്റ നൽകുന്നു. ഈ പ്ലാനിന്റെ വാലിഡിറ്റി കാലയളവ് അവസാനിക്കുന്നത് വരെ ഡാറ്റ ആനുകൂല്യങ്ങളും ഉപയോക്താക്കൾക്ക് ലഭിക്കും.

ബിഎസ്എൻഎല്ലിന്റെ തിരഞ്ഞെടുത്ത സർക്കിളുകളിലെ 4ജി സബ്‌സ്‌ക്രൈബർമാർക്ക് മാത്രമാണ് പുതിയ പ്ലാൻ ലഭ്യമാകുന്നത്. ബി‌എസ്‌എൻ‌എൽ 4ജി എസ്ടിവി 1098 പ്രീപെയ്ഡ് പ്ലാൻ എല്ലാ നെറ്റ്വർക്കുകളിലേക്കും അൺലിമിറ്റഡ് വോയിസ് കോളിങ് ആനുകൂല്യങ്ങൾ നൽകുന്നു. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും. അൺലിമിറ്റഡ് സോങ് ചേഞ്ച് ഓപ്ഷനോട് സൌജന്യമായി ട്യൂണുകളും ഈ പ്ലാൻ നൽകുന്നുണ്ട്. ഈ പുതിയ പ്ലാനിന്റെ വില 1,098 രൂപയാണ്. 84 ദിവസത്തെ വാലിഡിറ്റിയാണ് ഉള്ളത്.

സ്വകാര്യ കമ്പനികളുടെ സമാന പ്ലാനുകൾ

ബിഎസ്എൻഎല്ലിന്റെ പുതിയ പ്ലാനിന് സമാനമായ പ്ലാനുകൾ സ്വകാര്യ ടെലിക്കോം കമ്പനികൾ നൽകുന്നുണ്ട്. റിലയൻസ് ജിയോ, എയർടെൽ, വിഐ എന്നിവയുടെ സമാന പ്ലാനുകളും മികച്ച ആനുകൂല്യങ്ങളാണ് നൽകുന്നത്. ഡാറ്റ ആനുകൂല്യങ്ങൾ, അൺലിമിറ്റഡ് വോയിസ് കോളിങ് മികച്ച വാലിഡിറ്റി എന്നിവ ഈ പ്ലാനുകൾ നൽകുന്നുണ്ട്. എന്നാൽ ബിഎസ്എൻഎല്ലിന്റെ പ്ലാനുകളുമായി താരതമ്യപ്പെടുത്തുമ്പോൾ സ്വകാര്യ കമ്പനികളുടെ പ്ലാനുകൾ അത്ര മികച്ചതല്ല.

ബിഎസ്എൻഎല്ലിന്റെ തന്നെ മറ്റൊരു മികച്ച പ്ലാനും കേരളത്തിൽ അടക്കമുള്ള സർക്കിളുകളിൽ ലഭ്യമാണ്. ഈജി പ്ലാനിന് 599 രൂപയാണ് വില. ഈ പ്ലാൻ 90 ദിവസത്തെ വാലിഡിറ്റിയാണ് ഉപയോക്താക്കൾക്ക് നൽകുന്നത്. ഈ വാലിഡിറ്റി കാലയളവിൽ ഉടനീളം ദിവസവും 5 ജിബി ഡാറ്റയാണ് പ്ലാനിലൂടെ ലഭിക്കുന്നത്. ഇതിനൊപ്പം അൺലിമിറ്റഡ് വോയ്‌സ് കോളിങ്, ദിവസവും 100 എസ്എംഎസ് എന്നിവ പോലുള്ള ആനുകൂല്യങ്ങളും പ്ലാനിലൂടെ ലഭിക്കും. ദിവസേനയുള്ള 5ജിബി ഡാറ്റ ലിമിറ്റ് അവസാനിച്ച് കഴിഞ്ഞാൽ 80 kbps വേഗതയിൽ ഡാറ്റ ലഭിക്കും. അൺലിമിറ്റഡ് ഡാറ്റ ആനുകൂല്യങ്ങളും ഈ പ്ലാൻ നൽകുന്നു.

ഇത്രയൊക്കെ മികച്ച ആനുകൂല്യങ്ങൾ നൽകുന്ന പ്ലാനുകൾ വിപണിയിൽ അവതരിപ്പിക്കുമ്പോഴും ബിഎസ്എൻഎൽ രാജ്യത്ത് എല്ലായിടത്തും 4ജി ലഭ്യമാക്കിയിട്ടില്ല എന്ന കാര്യം പ്രത്യേകം ഓർക്കേണ്ടതുണ്ട്. ഇത് ബിഎസ്എൻഎല്ലിന് വലിയ തിരിച്ചടി ഉണ്ടാക്കുന്ന കാര്യമാണ്. ഈ അവസരത്തിൽ 4ജി നെറ്റ്വർക്ക് ലഭ്യമായ ചുരുക്കം സർക്കിളുകളിൽ മികച്ച പ്ലാനുകൾ അവതരിപ്പിച്ച് കൂടുതൽ ഉപയോക്താക്കളെ നേടാനാണ് ബിഎസ്എൻഎല്ലിന്റെ ശ്രമം.