സ്വകാര്യ കമ്പനികളെ നേരിടാൻ ബി‌എസ്‌എൻ‌എല്ലിന്റെ പുതിയ ഡാറ്റ വൌച്ചറുകൾ

ബി‌എസ്‌എൻ‌എൽ അടക്കമുള്ള കമ്പനികൾ തങ്ങളുടെ ഉപയോക്താക്കൾക്കായി ഡാറ്റാ വൗച്ചറുകളും കൂപ്പണുകളും അവതരിപ്പിച്ചിട്ടുണ്ട്. 100 രൂപയിൽ താഴെ മാത്രം വിലയുള്ള ഡാറ്റ വൌച്ചറുകളാണ് ഈ കമ്പനികൾ അവതരിപ്പിച്ചവയിൽ മിക്കതും ഇത് ഒരു മാസം അല്ലെങ്കിൽ 21 ദിവസം വരെ വാലിഡിറ്റി നൽകുന്നവയാണ്. ആകർഷകമായ ആനുകൂല്യങ്ങൾ നൽകുന്നവയാണ്. ഈ വൌച്ചറുകൾ ഇതിൽ തന്നെ ബിഎസ്എൻഎല്ലിന്റെ വൌച്ചർ ഉപയോക്താക്കൾക്ക് അൺലിമിറ്റഡ് കോളിങ് ആനുകൂല്യവും നൽകുന്നുണ്ട്. ഈ പ്ലാനുകൾ വിശദമായി പരിശോധിക്കാം.

ബി‌എസ്‌എൻ‌എൽ ഡാറ്റാ വൗച്ചറുകൾ‌

ബിഎസ്എൻഎൽ 100 രൂപയിൽ താഴെ വിലയുള്ള പ്ലാനുകളുടെ വിഭാഗത്തിൽ മൂന്ന് വൌച്ചറുകളാണ് നൽകുന്നത്. 97 രൂപ, 98 രൂപ, 99 രൂപ എന്നിങ്ങനെയാണ് ഈ പ്ലാനുകളുടെ വില. 98 രൂപ പ്ലാൻ ദിവസവും 2 ജിബി ഡാറ്റയും 22 ദിവസം വാലിഡിറ്റിയും നൽകുന്നുണ്ട്. ഈ പ്ലാൻ അൺലിമിറ്റഡ് കോളിങും നൽകും. 97 രൂപ പായ്ക്ക് 80 കെബിപിഎസ് വേഗതയിൽ ദിവസവും 2 ജിബി ഡാറ്റയും 22 ദിവസത്തേക്ക് അൺലിമിറ്റഡ് കോളിങും നൽകുന്നു. ലോക്ധൻ ആപ്പ് ആക്സസ്, 100 മെസേജുകൾ എന്നിവയും ഈ പ്ലാൻ നൽകും.

ബിഎസ്എൻഎൽ പുതുതായി അവതരിപ്പിച്ച പ്ലാനിന് 99 രൂപയാണ് വില. ഈ പായ്ക്ക് ഉപയോക്താവിന് 22 ദിവസത്തേക്ക് അൺലിമിറ്റഡ് കോളുകൾ നൽകുന്നു. ഈ പാക്കേജുകൾ ഡാറ്റയ്ക്കും കോളിങ് ആവശ്യങ്ങൾക്കുമായി ഡിസൈൻ ചെയ്തിരിക്കുന്നതാണ്. ചെറിയ തുകയ്ക്ക് ഡാറ്റ, കോളിങ് ആനുകൂല്യം നൽകുന്നു എന്നതാണ് ഈ പ്ലാനുകളുടെ സവിശേഷത.

എയർടെൽ ഡാറ്റാ വൗച്ചറുകൾ

100 രൂപയിൽ താഴെ വിലയുള്ള അഞ്ച് വൌച്ചറുകൾ എയർടെല്ലിനുണ്ട്. ഈ ഡാറ്റാ വൗച്ചറുകൾക്ക് 19 രൂപ, 45 രൂപ, 48 രൂപ, 49 രൂപ, 79 രൂപ എന്നിങ്ങനെയാണ് വില. ഈ പായ്ക്കുകൾ 200എംബി ഡാറ്റ, 100 എംബി ഡാറ്റ, 3 ജിബി ഡാറ്റ എന്നീ ഡാറ്റ ആനുകൂല്യങ്ങൾക്കൊപ്പം അൺലിമിറ്റഡ് കോളിങ് ആനുകൂല്യങ്ങളും നൽകുന്നുണ്ട്. എയർടെല്ലിന്റെ ഈ പായ്ക്കുകൾക്ക് 2 ദിവസം മുതൽ 28 ദിവസം വരെ വ്യത്യസ്ത വാലിഡിറ്റികളും ലഭിക്കും.

ജിയോ ഡാറ്റ വൗച്ചറുകൾ

റിലയൻസ് ജിയോ മൂന്ന് പായ്ക്കുകളാണ് 100 രൂപയിൽ താഴെയുള്ള വിഭാഗത്തിൽ നൽകുന്നത്. ഈ പായ്ക്കുകൾക്ക് 11 രൂപ, 21 രൂപ, 51 രൂപ എന്നിങ്ങനെയാണ് വില. ഈ ഡാറ്റ വൗച്ചറുകൾ നിലവിലുള്ള പായ്ക്കുകൾക്കൊപ്പം യഥാക്രമം 1 ജിബി ഡാറ്റ, 2 ജിബി ഡാറ്റ, 6 ജിബി ഡാറ്റ എന്നിവ നൽകുന്നു. അതായത് നിലവിലുള്ള പ്ലാനുകൾക്കൊപ്പം കൂടുതൽ ഡാറ്റയ്ക്ക് മാത്രമായി ആശ്രയിക്കാവുന്ന പായ്ക്കുകളാണ് ഇവ. ഈ പായ്ക്കിന് മാത്രമായി വാലിഡിറ്റിയില്ല. ഈ പായ്ക്കുകൾ ഡാറ്റ ആവശ്യങ്ങൾ മാത്രം നിറവേറ്റുന്നവയാണ്.

വിഐ ഡാറ്റ വൌച്ചറുകൾ

വിഐ മൂന്ന് പായ്ക്കുകളാണ് 100 രൂപയിൽ താഴെ വിലയിൽ നൽകുന്നത്. ഈ പായ്ക്കുകൾക്ക് 16 രൂപ, 48 രൂപ, 98 രൂപ എന്നിങ്ങനെയാണ് വില. ഈ പായ്ക്കുകൾ യഥാക്രമം 1 ജിബി ഡാറ്റ, 3 ജിബി ഡാറ്റ, 12 ജിബി ഡാറ്റ എന്നിവ നൽകുന്നു. ഈ വിഐ ഡാറ്റ വൗച്ചറുകൾ 24 മണിക്കൂർ, 28 ദിവസം എന്നിങ്ങനെയുള്ള വാലിഡിറ്റിയാണ് നൽകുന്നത്.