2 ജിബി ഡാറ്റയും സൌജന്യ കോളിങുമായി ബിഎസ്എൻഎല്ലിന്റെ പുതിയ 49 രൂപ പ്ലാൻ

49 രൂപ വിലയുള്ള പ്ലാനാണ് ബിഎസ്എൻഎൽ അവതരിപ്പിച്ചിരിക്കുന്നത്. ഈ പ്ലാനിലൂടെ ഉപയോക്താക്കൾക്ക് 2ജിബി ഡാറ്റയാണ് ലഭിക്കുന്നത്. സൌജന്യകോളിങും ഈ പ്ലാനിലൂടെ ലഭിക്കും. 28 ദിവസത്തെ വാലിഡിറ്റിയാണ് ഈ പ്ലാനിന് ഉള്ളത്. പ്ലാൻ നൽകുന്ന സൌജന്യ കോളുകൾക്ക് 100 മിനിറ്റ് എന്ന ലിമിറ്റ് ഉണ്ട്. ഈ ലിമിറ്റ് അവസാനിച്ചാൽ ഉപയോക്താക്കൾ മിനിറ്റിന് 45 പൈസ നൽകേണ്ടി വരും. ഈ പ്ലൻ എസ്ടിവി കോംബോ 49 എന്ന പേരിലാണ് അവതരിപ്പിച്ചിരിക്കുന്നത്. ഒരു മാസം മുഴുവൻ വാലിഡിറ്റിയും കുറഞ്ഞ ആനുകൂല്യങ്ങളും മാത്രം.ആവശ്യമുള്ളവർക്ക് ഈ പ്ലാൻ പ്രയോജനപ്പെടും.

ബി‌എസ്‌എൻ‌എല്ലിന്റെ 94 രൂപ, 95 രൂപ പ്ലാനുകൾ

49 രൂപയുടെ പ്ലാനിന് പുറമേ ബിഎസ്എൻഎൽ മറ്റ് രണ്ട് പ്ലാനുകൾ കൂടി ഉപയോക്താക്കൾക്കായി അവതരിപ്പിച്ചിട്ടുണ്ട്. 94 രൂപ, 95 രൂപ നിരക്കുകളിലാണ് ഈ പ്ലാനുകൾ കമ്പനി പുറത്തിറക്കിയിരിക്കുന്നത്. 94 രൂപയുടെ ആദ്യ പ്ലാനിന് 90 ദിവസത്തെ വാലിഡിറ്റിയാണ് ഉള്ളത്. ഈ പ്ലാൻ മൊത്തം വാലിഡിറ്റി കാലയളവിലേക്കുമായി 3 ജിബി ഡാറ്റ നൽകുന്നു. 100 മിനുറ്റ് ലിമിറ്റിൽ വോയ്‌സ് കോളിങ് ആനുകൂല്യങ്ങളും ഈ പ്ലാനിലൂടെ ലഭിക്കും.

94 രൂപ പ്ലാനിലൂടെ ലോക്കൽ, റോമിംഗ് കോളുകൾ വിളിക്കാൻ കമ്പനി ഉപയോക്താക്കളെ അനുവദിക്കും. ദില്ലി, മുംബൈ എന്നിവിടങ്ങളിലെ എംടിഎൻഎൽ നെറ്റ്വർക്കിലേക്കും സൈജന്യ കോളുകൾ വിളിക്കാൻ സാധിക്കും. ഈ പ്ലാനിലൂടെ കമ്പനി റോൾഓവർ സൌകര്യം നൽകുന്നില്ല. നിശ്ചിത കാലയളവിൽ കോളുകളും ഡാറ്റയും ഉപയോഗിക്കാത്ത ആളുകളുടെ സൌജന്യ കോളുകളോ ഡാറ്റയോ നീട്ടി നൽകില്ല. ഈ പ്ലാനുകൾ റീചാർജ് ചെയ്താൽ അതത് സമയത്ത് കോളുകളും ഡാറ്റയും തീർക്കുന്നതായിരിക്കും നല്ലത്.

95 രൂപയുടെ പ്ലാനിലൂടെയും ബിഎസ്എൻഎൽ 94 രൂപ പ്ലാനിന് സമാനമായ ആനുകൂല്യങ്ങൾ തന്നെയാണ് നൽകുന്നത്. 95 രൂപ പ്ലാനിലെത്തുമ്പോൾ ഒരു മാറ്റമേ ഉള്ളു. ഈ പ്ലാനിലൂടെ ഉപയോക്താക്കൾക്ക് എംടിഎൻഎൽ നെറ്റ്വർക്കിലേക്ക് അൺലിമിറ്റഡ് കോളിങ് ആനുകൂല്യങ്ങൾ കമ്പനി നൽകുന്നുണ്ട്. ദില്ലിസ മുംബൈ സർക്കിളുകളിലെ എംടിഎൻഎൽ ഉപയോക്താക്കളെ അധികമായി വിളിക്കേണ്ടി വരുന്ന ഉപയോക്താക്കൾക്ക് ഒരു രൂപ അധികം നൽകി ഈ പ്ലാൻ തിരഞ്ഞെടുക്കാവുന്നതാണ്.

ദിവസവും 1.8 ജിബി ഡാറ്റ നൽകുന്ന കോംബോ പായ്ക്ക്

ബിഎസ്എൻഎൽ പുതിയൊരു കോംബോ പായ്ക്ക് കൂടിഅവതരിപ്പിച്ചിട്ടുണ്ട്. 18 രൂപ മാത്രം വിലയുള്ള ഈ കോംബോ പായ്ക്ക് രണ്ട് ദിവസത്തെ വാലിഡിറ്റിയാണ് നൽകുന്നത്. ഈ പ്ലാനിലൂടെ ഉപയോക്താക്കൾക്ക് ദിവസവും 1.8 ജിബി ഡാറ്റയാണ് ലഭിക്കുന്നത്. ഇതോടൊപ്പം ബിഎസ്എൻഎൽ 429 രൂപ പ്ലാനിലൂടെ ഇപ്പോൾ 81 ദിവസത്തേക്ക് സൌജന്യ കോളിംഗ്, 100 മെസേജുകൾ, 1 ജിബി ഡാറ്റ എന്നീ ആനുകൂല്യങ്ങൾ നൽകുന്നുണ്ട്. ഈ പ്ലാനുകളെല്ലാം ഉപയോക്താക്കൾക്ക് ബി‌എസ്‌എൻ‌എൽ വെബ്‌സൈറ്റിൽ നിന്നും സി-ടോപ്പ്അപ്പ് സ്റ്റോറുകളിൽ നിന്നും റീചാർജ് ചെയ്യാൻ സാധിക്കും.