ബി‌എസ്‌എൻ‌എൽ അടുത്തിടെ അവതരിപ്പിച്ച പ്രീപെയ്ഡ് പ്ലാനുകൾ

‘എസ്‌ടി‌വി -298', ‘എഫ്‌ആർ‌സി -249' എന്നീ പ്രീപെയ്ഡ് പ്ലാനുകളാണ് കമ്പനി റഗുലറൈസ് ചെയ്തിരിക്കുന്നത്. കൂടാതെ പുതുതായി അവതരിപ്പിച്ച മൂന്ന് പ്രമോഷണൽ ഓഫറുകളിൽ ‘പിവി -699', ഫുൾ ടോക്ക്ടൈം നൽകുന്ന 100 രൂപ റീചാർജ്, ‘പിവി -2399' എന്നിവയാണ് ഉള്ളത്. ഇപ്പോൾ പുതുക്കിയ പ്ലാൻ ‘എഫ്ആർസി-108' ആണ്. ഈ പ്ലാനുകളെല്ലാം തന്നെ ആകർഷകമായ ആനുകൂല്യങ്ങൾ ഉപയോക്താക്കൾക്ക് നൽകുന്നവയാണ്.

മുകളിൽ സൂചിപ്പിച്ചതുപോലെ, ബി‌എസ്‌എൻ‌എൽ മൂന്ന് പ്രൊമോഷണൽ ഓഫറുകളാണ് പുതുതായി പ്രഖ്യാപിച്ചിരിക്കുന്നത്. ആദ്യത്തേത് ‘പിവി -699', ആണ്. ഈ പ്ലാൻ അടുത്ത 90 ദിവസത്തേക്ക് മാത്രമേ ലഭ്യമാകൂ. ഇന്ന് മുതൽ ജൂൺ 29 വരെ ഈ വൗച്ചർ ഉപയോഗിക്കാം. ഉപയോക്താക്കൾക്ക് ദിവസവും 100 എസ്എംഎസുകളും 0.5 ജിബി ഡാറ്റയും നൽകുന്ന പ്ലാൻ അൺലിമിറ്റഡ് വോയ്‌സ് കോളിങ് ആനുകൂല്യവും നൽകുന്നു. ഈ വൗച്ചറിന് 180 ദിവസത്തെ വാലിഡിറ്റിയാണ് ഉള്ളത്. ആദ്യത്തെ 60 ദിവസത്തേക്ക് സൌജന്യ പേഴ്സണൽ റിംഗ് ബാക്ക് ടോൺ (പിആർബിടി) സേവനവും ലഭിക്കും.

രണ്ടാമത്തെ പ്രമോഷണൽ ഓഫർ ഇന്ന് ആരംഭിച്ച് അടുത്ത 60 ദിവസത്തേക്ക് ലഭ്യമാകുന്ന ‘പിവി -2399' ആണ്. മെയ് 30 വരെയാണ് ഈ ഓഫർ ലഭിക്കുന്നത്. ഈ വൗച്ചർ ഉപയോക്താക്കൾക്ക് അൺലിമിറ്റഡ് കോളിങ്, 3 ജിബി പ്രതിദിന ഡാറ്റ, ദിവസവും 100 എസ്എംഎസ്, സൌജന്യ ഇറോസ് നൗ സബ്സ്ക്രിപ്ഷൻ, പിആർബിടി സേവനം എന്നിവ നൽകും. ഇത് മൊത്തം 437 ദിവസത്തെ വാലിഡിറ്റി നൽകുന്ന പ്ലാനാണ്. ഉപയോക്താക്കൾക്ക് സാധാരണ വാർഷിക പ്ലാനിൽ ലഭിച്ചിരുന്നതിനേക്കാൾ 72 ദിവസത്തെ അധിക വാലിഡിറ്റിയാണ് ഈ വൌച്ചറിലൂടെ ലഭിക്കുന്നത്.

2021 ഏപ്രിൽ 4 മുതൽ പ്രാബല്യത്തിൽ വരുന്ന മൂന്നാമത്തെയും അവസാനത്തെയും പ്രമോഷണൽ ഓഫർ 100 രൂപ ടോപ്പ്-അപ്പുള്ള ‘ഫുൾ ടോക്ക് ടൈം' ഓഫറാണ്. 2021 ജൂലൈ 2 വരെ ഞായറാഴ്ചകളിൽ റീചാർജ് ചെയ്താൽ മാത്രമേ ഈ ഓഫർ ലഭിക്കുകയുള്ളു. ബിഎസ്എൻഎൽ റെഗുലറൈസ് ചെയ്ത പ്ലാനുകളുടെ പട്ടികയിൽ രണ്ട് പ്ലാനുകളാണ് ഉള്ളത്. ‘റെഗുലറൈസേഷൻ' എന്നാൽ പരിമിതമായ കാലയളവിലേക്ക് പ്രൊമോഷണൽ അടിസ്ഥാനത്തിൽ നേരത്തെ നൽകിയിരുന്ന പ്ലാനുകൾ സ്ഥിരമായി നൽകുന്നു എന്നാണ് അർത്ഥം.

റെഗുലറൈസ് ചെയ്ത എസ്ടിവി -298 ഉപയോക്താക്കൾക്ക് ദിവസവും 1 ജിബി ഡാറ്റയും 100 എസ്എംഎസുകളും നൽകുന്നു. അൺലിമിറ്റഡ് വോയ്‌സ് കോളിങും ഈ പ്ലാനിലൂടെ ലഭിക്കും. 56 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ഈ വാലിഡിറ്റി കാലയളവേക്ക് ഇറോസ് നൌ സൌജന്യമായി ആസ്വദിക്കാം. പുതിയ ഉപയോക്താക്കൾ‌ക്ക് മാത്രം ലഭ്യമാകുന്ന എഫ്‌ആർ‌സി -249 അൺലിമിറ്റഡ് വോയ്‌സ് കോളിങ്, 1 ജിബി പ്രതിദിന ഡാറ്റ, 60 ദിവസം വാലിഡിറ്റി, ദിവസവും 100 എസ്എംഎസ് എന്നിവ നൽകുന്നു. ബിഎസ്എൻഎൽ റാഷണലൈസ് ചെയ്ത എഫ്‌ആർ‌സി -108 ഇപ്പോൾ ദിവസവും 1 ജിബി ഡാറ്റ നൽകുന്നതിന് പുറമേ അൺലിമിറ്റഡ് വോയ്‌സ് കോളിങ് ആനുകൂല്യവും 28 ദിവസത്തേക്ക് മൊത്തം 500 എസ്എംഎസുകളും നൽകുന്നു.