449 രൂപ മുതൽ വിലയുള്ള നാല് ഭാരത് ഫൈബർ ബ്രോഡ്‌ബാൻഡ് പ്ലാനുകളുമായി ബി‌എസ്‌എൻ‌എൽ

ബി‌എസ്‌എൻ‌എൽ 449 രൂപ, 799 രൂപ, 999 രൂപ, 1,499 രൂപ എന്നീ നാല് ബ്രോഡ്‌ബാൻഡ് പ്ലാനുകളാണ് പുതുതായി അവതരിപ്പിച്ചത്. ബി‌എസ്‌എൻ‌എല്ലിന്റെ ഈ പ്ലാനുകൾ ഒരു പ്രൊമോഷണൽ‌ അടിസ്ഥാനത്തിലാണ് ലഭ്യമാക്കുന്നത്. ഒക്ടോബർ‌ 1 മുതൽ‌ 90 ദിവസത്തേക്കാണ് ഈ പ്ലാനുകൾ ലഭ്യമാകുക. ഇതിന് ശേഷം കമ്പനി ഇവ ഒഴിവാക്കുകയോ ലഭ്യത നീട്ടുകയോ ചെയ്യും. ബി‌എസ്‌എൻ‌എൽ ഈ ഭാരത് ഫൈബർ പ്ലാനുകൾ ചില നഗരങ്ങളിൽ മാത്രമാണ് ലഭ്യമാക്കുന്നത്.

449 രൂപയുടെ പ്ലാൻ

449 രൂപ വിലയുള്ള പ്ലാനിനെ ‘ഫൈബർ ബേസിക്' എന്ന പേരിലാണ് അറിയപ്പെടുന്നത്. ഈ പ്ലാനിലൂടെ 3.3 ടിബി അഥവാ 3300 ജിബി ഡാറ്റയാണ് ലഭിക്കുന്നത്. 30 എംബിപിഎസ് വേഗതയും ഈ പ്ലാനിലൂടെ ലഭിക്കും. എഫ്യുപി ലിമിറ്റ് കഴിഞ്ഞാൽ ഡാറ്റ സ്പീഡ് 2 Mbps ആയി കുറയും. ആൻഡമാൻ നിക്കോബാർ സർക്കിൾ ഒഴികെയുള്ള എല്ലാ സർക്കിളുകളിലും ഈ പ്ലാൻ ലഭ്യമാണ്. ഈ പ്ലാൻ‌ തിരഞ്ഞെടുക്കുന്ന ബി‌എസ്‌എൻ‌എൽ ഉപയോക്താക്കൾ‌ക്ക് ഇന്ത്യയിലെ ഏത് നെറ്റ്‌വർക്കിനും അൺലിമിറ്റഡ് വോയ്‌സ് കോളിംഗ് ആനുകൂല്യവും ലഭിക്കും.

799 രൂപയുടെ പ്ലാൻ

ബിഎസ്എൻഎൽ പുതുതായി അവതരിപ്പിച്ച ബ്രോഡ്ബാന്റ് പ്ലാനുകളിൽ രണ്ടാമത്തേത് പ്രതിമാസം 799 രൂപ വിലവരുന്ന പ്ലാനാണ്. ഈ പ്ലാനിലൂടെ 3300 ജിബി അഥവാ 3.3 ടിബി ഡാറ്റയാണ് ലഭിക്കുന്നത്. 100 എംബിപിഎസ് വേഗതയും ഈ പ്ലാനിലൂടെ ലഭിക്കും. ബിഎസ്എൻഎൽ ഫൈബർ വാല്യൂ പ്ലാനാണ് ഇത്. സൌജന്യ ലാൻഡ്‌ലൈൻ കോളിങ് ലഭിക്കുന്ന പ്ലാനിൽ നൽകിയിരിക്കുന്ന ഡാറ്റ ലിമിറ്റ് കഴിഞ്ഞാൽ ഇന്റർനെറ്റ് സ്പീഡ് 2 എം‌ബി‌പി‌എസ് ആയി മാറും.

999 രൂപയുടെ പ്ലാൻ

999 രൂപയുടെ ബി‌എസ്‌എൻ‌എൽ ഫൈബർ പ്രീമിയം ബ്രോഡ്‌ബാൻഡ് പ്ലാൻ 999 രൂപയുടെ ജിയോ ഫൈബർ പ്ലാനിനെ നേരിടാനുള്ള പ്ലാനാണ്. എഫ്‌യുപി ലിമിറ്റിന് ശേഷം ജിയോ ഫൈബർ 1 എം‌ബി‌പി‌എസ് സ്പീഡിലുള്ള ഡാറ്റ നൽകുമ്പോൾ ഈ പ്ലാൻ എഫ്യുപി ലിമിറ്റിന് ശേഷം 2എംബിപിഎസ് വേഗതയിലുള്ള ഇന്റർനെറ്റാണ് നൽകുന്നത്. ഈ പ്ലാനിലൂടെ 3.3 ടിബി ഡാറ്റ 200 എംബിപിഎസ് വേഗതയിൽ ഉപയോക്താക്കൾക്ക് ലഭിക്കും.

1,499 രൂപയുടെ പ്ലാൻ

99 രൂപയുടെ ബി‌എസ്‌എൻ‌എൽ ഫൈബർ അൾട്രാ ബ്രോഡ്‌ബാൻഡ് പ്ലാനിലൂടെ ഉപയോക്താക്കൾക്ക് 300 എം‌ബി‌പി‌എസ് വേഗതയിലുള്ള ഇന്റർനെറ്റാണ് ലഭിക്കുന്നത്.ബി‌എസ്‌എൻ‌എല്ലിന്റെ ഏറ്റവും വില കൂടിയ പ്ലാനാണ് ഇത്. 4 ടിബി ഡാറ്റയാണ് ഈ പ്ലാനിലൂടെ ലഭിക്കുന്നത്. ബി‌എസ്‌എൻ‌എൽ ഫൈബർ പ്രീമിയം, ഫൈബർ അൾട്രാ പ്ലാനുകൾ ഡിസ്നി + ഹോട്ട്സ്റ്റാർ പ്രീമിയം മെമ്പർഷിപ്പ് നൽകുന്നുണ്ട്.