78 രൂപ മുതൽ ആരംഭിക്കുന്ന ബി‌എസ്‌എൻ‌എല്ലിന്റെ ദിവസവും 3 ജിബി ഡാറ്റ നൽകുന്ന പ്ലാനുകൾ

ഇന്ന് ധാരാളം ആളുകൾ വീഡിയോ സ്ട്രീമിങ്, ഓൺലൈൻ ഗെയിമുകൾ കളിക്കാൻ ഒക്കെയായി 2 ജിബിയിൽ കൂടുതൽ ഡാറ്റ ദിവസവും ഉപയോഗിക്കുന്നുണ്ട്. അതുകൊണ്ട് തന്നെ എല്ലാ ടെലിക്കോം കമ്പനികളും ദിവസവും 3ജിബി ഡാറ്റ നൽകുന്ന മികച്ച ചില പ്ലാനുകൾ അവതരിപ്പിച്ചിട്ടുണ്ട്. ജിയോ, എയർടെൽ തുടങ്ങിയ ടെലിക്കേം കമ്പനികളെല്ലാം ദിവസേന 3 ജിബി ഡാറ്റ നൽകുന്ന പ്ലാനുകൾ വലിയ വിലയ്ക്കാണ് നൽകുന്നത്. എന്നാൽ ബിഎസ്എൻഎൽ കുറഞ്ഞ നിരക്കിൽ ദിവസേന 3 ജിബി ഡാറ്റ നൽകുന്നു.

ബി‌എസ്‌എൻ‌എൽ 78 രൂപ പ്ലാൻ

ഉപയോക്താക്കൾക്ക് ദിവസവും 3 ജിബി ഡാറ്റ നൽകുന്ന ബി‌എസ്‌എൻ‌എല്ലിന്റെ ആദ്യത്തെ പ്രീപെയ്ഡ് പ്ലാനാണ് 78 രൂപയുടേത്. 8 ദിവസത്തെ വാലിഡിറ്റിയാണ് ഈ പ്ലാനിനുള്ളത്. അൺലിമിറ്റഡ് കോളിംഗും ഈ പ്ലാനിലൂടെ ലഭിക്കും. എല്ലാ ദിവസവും 250 മിനിറ്റാണ് സൌജന്യ കോളുകൾ ലഭിക്കുന്നത്. ദിവസവുമുള്ള ഡാറ്റ ലിമിറ്റായ 3 ജിബി തീർന്നു കഴിഞ്ഞാൽ, ഉപഭോക്താവിന് 80 കെബിപിഎസ് വേഗതയിൽ ഇന്റർനെറ്റ് ബ്രൗസ് ചെയ്യാൻ സാധിക്കും. 8 ദിവസത്തേക്ക് ഇറോസിന്റെ കോംപ്ലിമെന്ററി സബ്‌സ്‌ക്രിപ്‌ഷനും പ്ലാനിലൂടെ ലഭിക്കും. എല്ലാ ടെലിക്കോം സർക്കിളുകളിലും ഈ പ്ലാൻ ലഭിക്കില്ല.

ബി‌എസ്‌എൻ‌എൽ എസ്ടിവി 247

3 ജിബി പ്രതിദിന ഡാറ്റ നൽകുന്ന ബി‌എസ്‌എൻ‌എല്ലിൽ നിന്നുള്ള മറ്റൊരു പ്ലാനാണ് 247 രൂപയുടേത്. എല്ലാ ദിവസവും 250 മിനിറ്റ് എഫ്യുപി ലിമിറ്റോടെ അൺലിമിറ്റഡ് കോളിംഗ് ആനുകൂല്യവും ഈ പ്ലാനിനൊപ്പം ലഭിക്കും. ഈ പ്ലാൻ 36 ദിവസത്തെ വാലിഡിറ്റിയാണ് നൽകുന്നത്. ദിവസവുമുള്ള 3 ജിബി ഡാറ്റ ലിമിറ്റ് അവസാനിച്ചാൽ ഉപയോക്താവിന് 80 കെബിപിഎസ് വേഗതയിൽ ഇന്റർനെറ്റ് ബ്രൗസുചെയ്യാം. ആൻഡമാൻ നിക്കോബാർ ദ്വീപുകൾ ഉൾപ്പെടെ ഇന്ത്യയിലെ മിക്കവാറും എല്ലാ ടെലികോം സർക്കിളുകളിലും ഈ പ്ലാൻ ലഭ്യമാണ്.

ബി‌എസ്‌എൻ‌എൽ പിവി 997

ബി‌എസ്‌എൻ‌എല്ലിന്റെ പിവി 997 പ്ലാൻ എല്ലാവർക്കും ലഭ്യമാകില്ല. ഈ പ്ലാൻ ആദ്യമായി റീചാർജ് ചെയ്യുന്ന ഉപയോക്താക്കൾക്ക് മാത്രമേ ദിവസും 3 ജിബി ഡാറ്റാ ആനുകൂല്യം ലഭിക്കുകയുള്ളു. ഇതൊരു ഫസ്റ്റ് റീചാർജ് കൂപ്പണായി ഉപയോഗിക്കാവുന്ന പ്ലാനാണ്. ഒരു ദിവസത്തേക്ക് 250 മിനിറ്റ് എഫ്യുപി ലിമിറ്റോടെയുള്ള കോളിങും പ്ലാനിലൂടെ ലഭിക്കും. ദിവസവുമുള്ള 3 ജിബി ഡാറ്റ തീർന്നതിന് ശേഷം, ഉപയോക്താക്കൾക്ക് 80 കെബിപിഎസ് വേഗതയിൽ ഇന്റർനെറ്റ് ബ്രൗസിംഗ് ചെയ്യാം. ഹരിയാന, ജമ്മു കശ്മീർ, ലഡാക്ക് ഒഴികെയുള്ള ഇന്ത്യയിലെ മിക്കവാറും എല്ലാ ടെലികോം സർക്കിളുകളിലും ഈ പ്ലാൻ ലഭ്യമാണ്.

ബി‌എസ്‌എൻ‌എൽ 1999 രൂപ പ്ലാൻ

ബി‌എസ്‌എൻ‌എല്ലിന്റെ ഏറ്റവും വിലകൂടിയ ദിവസേന 3ജിബി ഡാറ്റ ലഭിക്കുന്ന പ്ലാനാണ് 1999 രൂപയുടേത്. 365 ദിവസത്തെ വാലിഡിറ്റിയാണ് ഈ പ്ലാൻ നൽകുന്നത്. എല്ലാ ദിവസവും 250 മിനിറ്റ് അൺലിമിറ്റഡ് കോളിംഗ് ആനുകൂല്യവും ഈ പ്ലാൻ നൽകുന്നുണ്ട്. ദിവസവുമുള്ള 3 ജിബി ഡാറ്റ തീർന്നാൽ 80 കെബിപിഎസ് വേഗതയിൽ ഇന്റർനെറ്റ് ബ്രൗസുചെയ്യാനും സാധിക്കും. ദിവസവും 100 എസ്എംഎസുകളും പ്ലാനിലൂടെ ലഭിക്കും. ലഡാക്ക്, ജമ്മു കശ്മീർ, ആൻഡമാൻ നിക്കോബാർ ദ്വീപുകൾ ഒഴികെയുള്ള ഇന്ത്യയിലെ എല്ലാ ടെലികോം സർക്കിളുകളിലും ഈ പ്ലാൻ ലഭ്യമാണ്.