ബിഎസ്എൻഎൽ ഉപയോക്താക്കൾ അറിഞ്ഞിരിക്കേണ്ട ഡാറ്റ എസ്ടിവി പ്ലാനുകൾ

ലോക്ക്ഡൌൺ കാലാവധി നീട്ടിയതിനാൽ വീട്ടിലിരുന്ന് ജോലി ചെയ്യുന്നവർക്കും വിനോദത്തിനായി സ്മാർട്ട്ഫോണിൽ ധാരാളം ഡാറ്റ ആവശ്യമുള്ളവർക്കും ഈ എസ്ടിവികൾ പ്രയോജനപ്പെടും. 16 രൂപയ്‌ക്ക് ബി‌എസ്‌എൻ‌എൽ ഒരു ദിവസത്തെ വാലിഡിറ്റിയോടെ 2 ജിബി ഡാറ്റയാണ് നൽകുന്നത്. 5 ദിവസത്തേക്ക് 3 ജിബി ഡാറ്റ വാഗ്ദാനം ചെയ്യുന്ന 39 രൂപ ഡാറ്റാ പായ്ക്കും ബിഎസ്എൻഎൽ ഉപയോക്താക്കൾക്കായി നൽകുന്നുണ്ട്.

ബിഎസ്എൻഎൽ നൽകുന്ന മറ്റൊരു എസ്ടിവി 48 രൂപയുടേതാണ്. ഇത് 30 ദിവസത്തെ വാലിഡിറ്റിയോടെ 5 ജിബി ഡാറ്റ വാഗ്ദാനം ചെയ്യുന്നു. 30 ദിവസത്തെ വാലിഡിറ്റി നൽകുന്ന മറ്റൊരു എസ്ടിവി 96 രൂപയുടെ വൗച്ചറാണ്. 96 രൂപ എസ്ടിവിയിൽ 11 ജിബി ഡാറ്റയാണ് ബിഎസ്എൻഎൽ ഉപയോക്താക്കൾക്കായി നൽകുന്നത്. മറ്റൊരു എസ്ടിവി 56 രൂപയുടേതാണ് ഈ പ്ലാനിലൂടെ ദിവസവും 1.5 ജിബി ഡാറ്റ 14 ദിവസത്തേക്കാണ് കമ്പനി നൽകുന്നത്.

കൂടുതൽ വായിക്കുക: ബി‌എസ്‌എൻ‌എല്ലിൽ നെറ്റ്വർക്ക് പ്രശ്നങ്ങൾ വർദ്ധിക്കും; കാരണം ഇതാണ്

ബി‌എസ്‌എൻ‌എൽ 98 രൂപയുടെ ഒരു എസ്ടിവിയും ഉപയോക്താക്കൾക്കായി നൽകുന്നുണ്ട് ദിവസവും 2 ജിബി ഡാറ്റയാണ് വാഗ്ദാനം ചെയ്യുന്നത്. ഡാറ്റ ആനുകൂല്യം മാത്രമുള്ള ഈ പ്ലാനിന്റെ വാലിഡിറ്റി 20 ദിവസമാണ്. ഈ പ്ലാൻ ഇറോസ് നൌ സബ്ക്രിപ്ഷനും ഉപയോക്താക്കൾക്ക് വാഗ്ദാനം ചെയ്യുന്നു. 158 രൂപയ്ക്ക് 30 ദിവസത്തെ വാലിഡിറ്റിയോടെ 20 ജിബി ഡാറ്റ നൽകുന്ന മറ്റൊരു പ്ലാനും കമ്പനി നൽകുന്നുണ്ട്.

മറ്റൊരു ഡാറ്റാ പായ്ക്ക് 198 രൂപയുടേതാണ്. ഈ പായ്ക്ക് ഉപയോക്താവിന് പ്രതിദിനം 2 ജിബി ഡാറ്റ 56 ദിവസത്തെ വാലിഡിറ്റിയോടെ നൽകുന്നു. ദീർഘകാല വാലിഡിറ്റിയുള്ള ചില പ്രീപെയ്ഡ് പ്ലാനുകളും ബി‌എസ്‌എൻ‌എൽ ഉപയോക്താക്കൾക്ക് നൽകുന്നുണ്ട്. 551 രൂപയിലുള്ള എസ്ടിവി 90 ദിവസത്തെ വാലിഡിറ്റി കാലയളവിലേക്കായി 5 ജിബി ഡാറ്റ വാഗ്ദാനം ചെയ്യുന്നു. ഈ വൗച്ചർ പേഴ്സണലൈസ്ഡ് റിംഗ്ബാക്ക് ടോണും (പിആർബിടി) നൽകുന്നു.

ബിഎസ്എൻഎൽ ഉപയോക്താക്കൾക്കായി 998 രൂപ വിലയുള്ള ഒരു ഡാറ്റ പായ്ക്ക് നൽകുന്നുണ്ട്. പ്രതിദിനം 2 ജിബി ഡാറ്റ വാഗ്ദാനം ചെയ്യുന്ന ഈ പ്ലാൻ 240 ദിവസത്തെ വാലിഡിറ്റിയാണ് നൽകുന്നത്. മറ്റൊരു വില കൂടിയ ഡാറ്റ പായ്ക്ക് 1498 രൂപയുടെ പായ്ക്കാണ്. ഇത് 91 ദിവസത്തെ ഡാറ്റാ വാലിഡിറ്റിയാണ് നൽകുന്നത്. ഈ റീചാർജിലൂടെ ഉപയോക്താക്കൾക്ക് 365 ദിവസത്തെ സർവ്വൂസ് വാലിഡിറ്റിയും ലഭിക്കും.

കൂടുതൽ വായിക്കുക: ബിഎസ്എൻഎൽ ബ്രോഡ്‌ബാൻഡ് ഉപയോക്താക്കൾക്ക് നാല് മാസത്തെ സൌജന്യ സേവനം

ഡാറ്റാ സ്‌പെസിക് പ്ലാനുകൾക്ക് പുറമെ ബി‌എസ്‌എൻ‌എൽ അടുത്തിടെ 247 രൂപയുടെ ഒരു എസ്ടിവി അവതരിപ്പിച്ചു. ഈ പ്ലാനിലൂടെ മുംബൈ, ദില്ലി സർക്കിളിനു കീഴിലുള്ള എംടിഎൻഎൽ ഉപയോക്താക്കൾക്ക് അടക്കം വോയ്‌സ് കോളുകൾ ലഭിക്കുന്നു. കഴിഞ്ഞ വർഷം മുതൽ ബി‌എസ്‌എൻ‌എൽ എം‌ടി‌എൽ ഉപയോക്താക്കൾക്ക് കോളിംഗ് ആനുകൂല്യങ്ങൾ നൽകുന്നുണ്ട്. 247 രൂപയുടെ എസ്ടിവി ഉപയോക്താക്കൾക്ക് 30 ദിവസത്തേക്ക് പ്രതിദിനം 3 ജിബി ഡാറ്റ നൽകുന്നു. ദിവസവും 100 എസ്എംഎസുകളും പ്ലാൻ നൽകുന്നുണ്ട്.