500 രൂപയിൽ താഴെ വിലയിൽ ദിവസവും 3 ജിബി ഡാറ്റ നൽകുന്ന വിഐ, ജിയോ, എയർടെൽ പ്ലാനുകൾ

വലിയ തുകയ്ക്ക് റീചാർജ് ചെയ്യാത്തതും എന്നാൽ കൂടുതൽ ഡാറ്റ ആവശ്യമുള്ളതുമായ ആളുകളെ ലക്ഷ്യമിട്ടാണ് ടെലിക്കോം കമ്പനികൾ ദിവസവും 3 ജിബി ഡാറ്റ നൽകുന്ന പ്ലാനുകൾ അവതരിപ്പിച്ചിരിക്കുന്നത്. ഈ പ്ലാനുകളെല്ലാം തന്നെ ഉപയോക്താക്കൾക്ക് സൌജന്യ കോളിങ്, എസ്എംഎസുകൾ, ഒടിടി ആനുകൂല്യങ്ങൾ എന്നിവയെല്ലാം നൽകുന്നുണ്ട്. പ്ലാനുകളുടെ വാലിഡിറ്റി 28 ദിവസമായിരിക്കും. ഇതിൽകൂടുതൽ വാലിഡിറ്റിയും ദിവസവും 3 ജിബി ഡാറ്റയും ലഭിക്കുന്ന പ്ലാനുകളും ഉണ്ട്. അവയ്ക്ക് വില 500 രൂപയിൽ കൂടുതൽ ആണ്.

ബി‌എസ്‌എൻ‌എൽ കേരളത്തിൽ സൌജന്യമായി 4ജി സിം നൽകുന്നു

ജിയോ പ്ലാനുകൾ

ജിയോയുടെ ദിവസവും 3 ജിബി ഡാറ്റ നൽകുന്ന രണ്ട് പ്ലാനുകളിൽ ഏറ്റവും വില കുറഞ്ഞ പ്ലാനാണ് 349 രൂപയുടെ പ്ലാൻ. ഈ പ്രീപെയ്ഡ് പ്ലാനിലൂടെ ഉപയോക്താക്കൾക്ക് ദിവസവും 3 ജിബി ഡാറ്റ നൽകുന്നതിന് പുറമേ അൺലിമിറ്റഡ് ഓൺ-നെറ്റ് കോളിങ് ആനുകൂല്യങ്ങളും ലഭിക്കുന്നു. 28 ദിവസത്തെ വാലിഡിറ്റിയാണ് ഈ പ്ലാനിലൂടെ ലഭിക്കുന്നത്. ഇത് റീചാർജ് ചെയ്യുന്ന ഉപയോക്താക്കൾക്ക് ജിയോ ആപ്പുകളിലേക്ക് കോംപ്ലിമെന്ററി സബ്‌സ്‌ക്രിപ്‌ഷനും കമ്പനി നൽകുന്നുണ്ട്.

 

ജിയോയുടെ 401 രൂപ പ്രീപെയ്ഡ് പ്ലാൻ 28 ദിവസത്തേക്ക് 90 ജിബി ഡാറ്റയാണ് ഉപയോക്താക്കൾക്ക് നൽകുന്നത്. ദിവസവും നൽകുന്ന 3 ജിബി ഡാറ്റയ്ക്ക് പുറമേ 6 ജിബി അധിക ഡാറ്റയും ഈ പ്ലാനിലൂടെ ലഭിക്കും. ജിയോയിൽ നിന്ന് എല്ലാ നെറ്റ്‌വർക്കിലേക്കും അൺലിമിറ്റഡ് കോളുകളും ഈ പ്ലാനിലൂടെ ലഭിക്കും. ഈ പ്ലാൻ‌ ജിയോ ആപ്പുകളിലേക്ക് കോം‌പ്ലിമെൻററി സബ്‌സ്‌ക്രിപ്‌ഷനും ഡിസ്നി + ഹോട്ട്സ്റ്റാറിലേക്ക് 1 വർഷത്തെ വിഐപി സബ്‌സ്‌ക്രിപ്‌ഷനും നൽകുന്നു.

ബ്രോഡ്ബാന്റ് വിപണിയിൽ ജിയോയ്ക്കും എയർടെല്ലിനും വെല്ലുവിളി ഉയർത്തി ബിഎസ്എൻഎൽ

എയർടെൽ പ്ലാൻ

എയർടെല്ലിന്റെ 398 രൂപ പ്രീപെയ്ഡ് പ്ലാനിലൂടെ ദിവസവും 3 ജിബി ഡാറ്റയാണ് ലഭിക്കുന്നത്. 28 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ഈ പ്ലാൻ അൺലിമിറ്റഡ് കോളിങ് ആനുകൂല്യവും ദിവസവും 100 എസ്എംഎസുകളും നൽകുന്നുണ്ട്. വിങ്ക് മ്യൂസിക്, ഷാ അക്കാദമി എന്നിവയുടെ സബ്സ്ക്രിപ്ഷനുകളും ഈ പ്ലാൻ നൽകുന്നു. എയർടെൽ എക്സ്സ്ട്രീം പ്രീമിയത്തിന്റെ സബ്സ്ക്രിപ്ഷനും അധിക ആനുകൂല്യമായി ലഭിക്കും. സൌജന്യ ഹലോ ട്യൂണുകളും ഫാസ്റ്റ് ടാഗ് ഇടപാടുകളിൽ 150 രൂപ ക്യാഷ്ബാക്കും പ്ലാനിനൊപ്പം ലഭിക്കുന്ന ഓഫറാണ്. ഈ പ്ലാനിൽ സ്ട്രീമിംഗ് ആനുകൂല്യങ്ങളൊന്നും ഇല്ല.

വിഐ പ്ലാനുകൾ

വിഐയുടെ 401 രൂപ പ്രീപെയ്ഡ് പ്ലാനിലൂടെ 28 ദിവസത്തേക്ക് ദിവസവും 3ജിബി ഡാറ്റയാണ് നൽകുന്നത്. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും. ദിവസവുമുള്ള ഡാറ്റ ആനുകൂല്യത്തിന് പുറമേ 16 ജിബി അധിക ഡാറ്റയും ഡിസ്നി + ഹോട്ട്സ്റ്റാറിലേക്ക് 1 വർഷത്തെ വിഐപി സബ്സ്ക്രിപ്ഷനും ഈ പ്ലാൻ നൽകുന്നു. ഉയർന്ന വേഗതയിൽ രാത്രിയിൽ സൌജന്യ ഇന്റർനെറ്റ്, വാരാന്ത്യ റോൾഓവർ ഡാറ്റ ആനുകൂല്യം, വിഐ മൂവീസ്, ടിവി സബ്ക്രിപ്ഷനുകൾ എന്നിവയും ഈ പ്ലാനിലൂടെ ലഭിക്കും.

കൂടുതൽ ഡാറ്റ വേണ്ടവർ അറിഞ്ഞിരിക്കേണ്ട വിഐ, ജിയോ, എയർടെൽ, ബിഎസ്എൻഎൽ ഡാറ്റ വൌച്ചറുകൾ

വിഐ 405 രൂപയ്ക്കും മികച്ചെരു പ്ലാൻ നൽകുന്നുണ്ട്. ഈ പ്ലാൻ 28 ദിവസത്തേക്ക് 90 ജിബി ഡാറ്റയാണ് നൽകുന്നത്. ദിവസവും നൽകുന്ന ഡാറ്റ ആനുകൂല്യത്തിന് പുറമേ 6 ജിബി അധികമായി ലഭിക്കും. ഈ പ്ലാൻ അൺലിമിറ്റഡ് കോളുകളും ദിവസവും 100 എസ്എംഎസുകളും നൽകുന്നു. സീ5 പ്രീമിയത്തിന്റെ 1 വർഷത്തെ ആക്സസും വിഐ മൂവീസ്, ടിവി ആക്സസും പ്ലാനിലൂടെ ലഭിക്കുന്നു.