ബി‌എസ്‌എൻ‌എൽ, എയർടെൽ, വിഐ, ജിയോ എന്നിവയുടെ എൻ‌ട്രി ലെവൽ ഡാറ്റ വൗച്ചറുകൾ

എഫ്‌യുപി ലിമിറ്റ് അവസനിച്ച് കഴിഞ്ഞും ഡാറ്റ ആവശ്യമുള്ളവർക്ക് വേണ്ടി കുറഞ്ഞ നിരക്കിൽ അധിക ഡാറ്റ നൽകുന്ന പ്ലാനുകൾ എല്ലാ ടെലിക്കോം കമ്പനികളും ലഭ്യമാക്കുന്നുണ്ട്. ടെലിക്കോം കമ്പനികളുടെ എൻട്രി ലെവൽ ഡാറ്റ വൌച്ചറുകളുടെ വില വളരെ കുറവാണ്. ജിയോക്ക് 11 രൂപ മുതൽ ആരംഭിക്കുന്ന വൌച്ചറുകളുണ്ട്യ വിഐ വൌച്ചറുകൾ 16 രൂപ മുതലാണ് ആരംഭിക്കുന്നത്. എയർടെല്ലും ബിഎസ്എൻഎല്ലും കുറഞ്ഞ വിലയിൽ തന്നെ ഡാറ്റ വൌച്ചറുകൾ നൽകുന്നുണ്ട്.

വോഡഫോൺ ഐഡിയ എൻട്രി ലെവൽ ഡാറ്റ വൗച്ചറുകൾ

16 രൂപ മാത്രം വിലയുള്ള എൻ‌ട്രി ലെവൽ ഡാറ്റ പായ്ക്കാണ് വിഐ നൽകുന്നത്. ഈ ഡാറ്റ വൗച്ചറിന് 1 ദിവസത്തെ സ്റ്റാൻ‌ഡലോൺ വാലിഡിറ്റി മാത്രമാണ് ഉള്ളത്. ഉപയോക്താക്കൾക്ക് 1 ജിബി ഡാറ്റയാണ് ഈ വൌച്ചർ നൽകുന്നത്. അത്യാവശ്യ ഘട്ടങ്ങളിൽ കൂടുതൽ ഡാറ്റ ആവശ്യമായി വരുമ്പോൾ ഉപയോഗിക്കാവുന്ന പ്ലാനാണ് ഇത്. വിഐയുടെ ഏറ്റവും വിലകുറഞ്ഞ രണ്ടാമത്തെ ഡാറ്റ പായ്ക്കിന് 48 രൂപയാണ് വില. മൊത്തം 3 ജിബി ഡാറ്റയാണ് ഈ വൌച്ചർ നൽകുന്നത്. 28 ദിവസത്തെ വാലിഡിറ്റിയാണ് ഇതിനുള്ളത്.

റിലയൻസ് ജിയോ എൻട്രി ലെവൽ ഡാറ്റ വൗച്ചറുകൾ

ഇന്ത്യയിലെ മറ്റേതൊരു ഓപ്പറേറ്ററും നൽകുന്നതിനെക്കാൾ കുറഞ്ഞ വിലയിൽ ജിയോ വൌച്ചർ നൽകുന്നു. 11 രൂപയാണ് ജിയോയുടെ ഡാറ്റ വൌച്ചറിന്റെ വില. ഉപയോക്താക്കൾക്ക് 1 ജിബി ഡാറ്റയാണ് ഈ വൌച്ചർ നൽകുന്നത്. ഈ വൌച്ചറിന് സ്റ്റാൻ‌ഡലോൺ വാലിഡിറ്റിയില്ല. നിങ്ങളുടെ അൺലിമിറ്റഡ് വാലിഡിറ്റി പ്ലാനിന്റെ കാലാവധി വരെ തന്നെയാണ് ഈ പ്ലാനിന്റെയും വാലിഡിറ്റി. 21 രൂപയ്ക്ക് 2 ജിബി ഡാറ്റ നൽകുന്ന മറ്റൊരു ഡാറ്റ വൌച്ചറും ജിയോ തങ്ങളുടെ ഉപയോക്താക്കൾക്ക് നൽകുന്നുണ്ട്.

ഭാരതി എയർടെൽ എൻട്രി ലെവൽ ഡാറ്റ വൗച്ചറുകൾ

മറ്റ് ടെലിക്കോം ഓപ്പറേറ്റർമാരുടെ ഡാറ്റ വൌച്ചറുകളെക്കാളും വില കൂടിയ വൌച്ചറാണ് എയർടെല്ലിന്റെ എൻട്രി ലെവൽ ഡാറ്റ വൗച്ചർ. ഇതിന് 48 രൂപയാണ് വില. 3 ജിബി ഡാറ്റയാണ് ഉപയോക്താക്കൾക്ക് ഈ വൌച്ചറിലൂടെ ലഭിക്കുന്നത്. 28 ദിവസത്തെ സ്റ്റാൻഡലോൺ വാലിഡിറ്റിയും ഈ പ്ലാനിനുണ്ട്. എയർടെൽ ഉപയോക്താക്കൾ കുറഞ്ഞ വിലയ്ക്ക് 1ജിബി, 2ജിബി ഡാറ്റ നൽകുന്ന പ്ലാനുകൾ ഇല്ല എന്നതാണ് ശ്രദ്ധേയം.

ബി‌എസ്‌എൻ‌എൽ എൻ‌ട്രി ലെവൽ‌ ഡാറ്റ വൗച്ചറുകൾ‌

ബി‌എസ്‌എൻ‌എല്ലിന്റെ വിലകുറഞ്ഞ വൗച്ചർ 16 രൂപയ്ക്കാണ് നൽകുന്നത്. ഈ വൗച്ചറിലൂടെ ഉപയോക്താക്കൾക്ക് 2 ജിബി ഡാറ്റയാണ് നൽകുന്നത്. 1 ദിവസത്തെ സ്റ്റാൻഡലോൺ വാലിഡിറ്റിയാണ് ഈ പ്ലാനിനുള്ളത്. ബി‌എസ്‌എൻ‌എല്ലിന്റെ രണ്ടാമത്തെ വിലകുറഞ്ഞ വൗച്ചറിന് 56 രൂപയാണ് വില. ഈ വൌച്ചർ ഉപയോക്താക്കൾക്ക് 10 ജിബി ഡാറ്റയാണ് നൽകുന്നത്. 10 ദിവസത്തേക്ക് സിങ് സബ്ക്രിപ്ഷനും ഈ വൌച്ചർ നൽകുന്നു.