ഡിസ്നി+ ഹോട്ട്സ്റ്റാർ വിഐപി സബ്ക്രിപ്ഷൻ വൻ ഓഫറിൽ നേടാം

പുതിയ ഓഫർ അനുസരിച്ച് ഉപയോക്താക്കൾക്ക് 12 മാസത്തിന് പകരം 13 മാസത്തേക്ക് ഡിസ്നി+ ഹോട്ട്സ്റ്റാർ വിഐപി സബ്സ്ക്രിപ്ഷൻ ലഭിക്കും. എയർടെൽ, റിലയൻസ് ജിയോ പ്ലാനുകൾക്കൊപ്പം ലഭിക്കുന്ന ഡിസ്നി + ഹോട്ട്സ്റ്റാർ സബ്ക്രിപ്ഷനുകളിൽ ഓഫർ ലഭിക്കാൻ സാധ്യതയില്ല. ഡിസ്നി + ഹോട്ട്സ്റ്റാർ ഡിസ്കൗണ്ട് നിരക്കിൽ ഒരു പ്രത്യേക പ്ലാനും അവതരിപ്പിച്ചിട്ടുണ്ട്. 365 രൂപ വിലയുള്ള പ്ലാനാണ് അവതരിപ്പിച്ചിരിക്കുന്നത്. ഈ ഓഫർ ലഭിക്കാനായി വിസ, മാസ്റ്റർകാർഡ് എന്നിവയുടെ ക്രെഡിറ്റ് കാർഡ് വഴി പണമടക്കണം.

ഡിസ്നി+ ഹോട്ട്സ്റ്റാറിന്റെ പുതിയ 365 രൂപയ്ക്ക് സബ്ക്രിപ്ഷൻ നൽകുന്ന ഓഫർ ക്രെഡിറ്റ് കാർഡുകൾ ഉപയോഗിച്ച് പണം നൽകുന്നവർക്ക് മാത്രമാണ് ലഭ്യമാകുന്നത്. നെറ്റ് ബാങ്കിംഗ് ഡെബിറ്റ് കാർഡ്, യുപിഐ ഐഡി, പേടിഎം എന്നിവയിലൂടെ പണം നൽകിയും ഈ സബ്ക്രിപ്ഷൻ നേടാം. ഇത്തരത്തിൽ പേയ്മെന്റ് നടത്തുന്നവർക്ക് 399 രൂപയ്ക്കായിരിക്കും പ്ലാൻ ലഭിക്കുക. എച്ച്ഡിഎഫ്സി ക്രെഡിറ്റ് കാർഡുകൾ ഉപയോഗിക്കുന്ന ആളുകൾക്ക് പ്രീമിയം സബ്സ്ക്രിപ്ഷൻ മറ്റഅ ഓഫറുകളും കമ്പനി പ്രഖ്യാപിച്ചിട്ടുണ്ട്.

ഡിസ്നി+ ഹോട്ട്സ്റ്റാർ സബ്ക്രിപ്ഷൻ 99 രൂപയ്ക്ക് ലഭ്യമാകുന്നുവെന്ന ഫ്ലിപ്പ്കാർട്ടിൽ തെറ്റായി വന്ന ഓഫറിന് പിന്നാലെയാണ് പുതിയ പായ്ക്ക് അവതരിപ്പിച്ചത്. ഫ്ലിപ്പ്കാർട്ടിലൂടെ ഡിസ്നി+ ഹോട്ട്സ്റ്റാർ വാർഷിക സബ്‌സ്‌ക്രിപ്‌ഷൻ 99 രൂപയ്ക്ക് ലഭ്യമാകുമെന്നാണ് പ്രഖ്യാപിച്ചത്. ഇത് തെറ്റായിരുന്നുവെന്നും ഇത്തരത്തിൽ ഓഫറുകളിലൂടെ പണം നഷ്ടമായ എല്ലാവർക്കും ഓർഡർ ക്യാൻസൽ ചെയ്ത് പണം തിരികെ നൽകുമെന്നും ഫ്ലിപ്പ്കാർട്ട് അറിയിച്ചിരുന്നു.

ടെലികോം ഓപ്പറേറ്റർമാരും ഡിസ്നി+ ഹോട്ട്സ്റ്റാർ സബ്ക്രിപ്ഷൻ നൽകുന്നു

എയർടെൽ റിലയൻസ് ജിയോ എന്നിവയുടെ ഉപയോക്താക്കൾക്ക് ഡിസ്നി+ ഹോട്ട്സ്റ്റാർ വിഐപി സബ്ക്രിപ്ഷൻ സൌജന്യമായി നൽകുന്ന ചില പ്ലാനുകൾ കമ്പനികൾ അവതരിപ്പിച്ചിട്ടുണ്ട്. എയർടെല്ലിന്റെ 599 രൂപയുടെ പ്ലാനിലൂടെ ഒരു വർഷത്തേക്ക് ഡിസ്നി + ഹോട്ട്സ്റ്റാർ വിഐപി സബ്ക്രിപ്ഷൻ ലഭിക്കും. ഇതിനൊപ്പം ദിവസവും 2 ജിബി ഡാറ്റയും എയർടെൽ നൽകുന്നു. 56 ദിവസത്തെ വാലിഡിറ്റിയുള്ള ഈ പ്ലാനിലൂടെ അൺലിമിറ്റഡ് കോളിങും ലഭിക്കും.

ജിയോ തങ്ങളുടെ ഉപയോക്താക്കൾക്ക് ഡിസ്നി + ഹോട്ട്സ്റ്റാർ വിഐപി സബ്ക്രിപ്ഷൻ നൽകുന്ന നിരവധി പ്ലാനുകൾ നൽകുന്നുണ്ട്. 401 രൂപ, 448 രൂപ, 598 രൂപ, 599 രൂപ നിരക്കുകളിലാണ് ജിയോയുടെ പ്ലാനുകൾ ലഭിക്കുന്നത്. ഈ പ്ലാനുകൾ ദിവസവും 3 ജിബി, 2 ജിബി ഡാറ്റ നൽകുന്നു. 28 ദിവസവും 56 ദിവസവും വാലിഡിറ്റിയുള്ള ഈ പ്ലാനുകൾ അൺലിമിറ്റഡ് കോളിങ് ആനുകൂല്യങ്ങളും ഉപയോക്താക്കൾക്ക് നൽകുന്നുണ്ട്.