സ്ട്രോക്ക് ബാധിതരെ സഹായിക്കാൻ കൃത്രിമ കൈയ്യൊരുക്കി ഹൈദരാബാദ് IIT

സെൻറർ ഫോർ ഹെൽത്ത് കെയർ എൻറർപ്രണർഷിപ്പ്

സെൻറർ ഫോർ ഹെൽത്ത് കെയർ എൻറർപ്രണർഷിപ്പ് നടത്തുന്ന ഫെലോഷിപ്പ് പ്രോഗ്രാമിൽ ആരോഗ്യ സംരക്ഷണത്തെ സംബന്ധിച്ച നൂതനമായ ബയോഡിസൈൻ കരിക്കുലമാണ് ഉള്ളത്. മൂന്ന് ബാച്ചുകളിൽ നിന്നായി 16 പേർ ഇതിനോടകം തന്നെ CfHE യിൽ നിന്നും ബിരുദം നേടിക്കഴിഞ്ഞു. ക്ലിനിക്കൽ മേഖലയെകുറിച്ച് പഠിച്ച് ഇതുവരെ പരിഹരിക്കപ്പെടാത്ത ആവശ്യകതകളെ കണ്ടെത്തുകയും അവയെ വിശകലനം ചെയ്ത് പരിഹാരങ്ങളും മാതൃകകളും സമർപ്പിക്കുകയുമാണ് ഈ ഫെലോഷിപ്പ് പ്രോഗ്രാമിലൂടെ ചെയ്യുന്നത്.

ആരോഗ്യമേഖലയിലെ ആവശ്യകതകൾ

ഡിഗ്രി നൽകാനായി മാത്രം ഉണ്ടാക്കിയൊരു സാധാരണ ഫെലോഷിപ്പല്ല CfHE നടത്തുന്നതെന്നും ആരോഗ്യമേഖലയിൽ ഇതുവരെ പരിഹരിക്കപ്പെടാത്ത ആവശ്യകതകളെയും ഉപകരണങ്ങളെയും കണ്ടെത്തുകയും അവ പരിഹരിക്കുകയുമാണ് ഫെലോഷിപ്പ് പ്രോഗ്രാമിൻറെ ലക്ഷ്യമെന്നും CfHE കോർഡിനേറ്റിങ് ഹെഡും IIT ഹൈദരാബാദിലെ ബയോമെഡിക്കൽ എഞ്ചിനീയറിങ് തലവനുമായ റെനു ജോൺ വ്യക്തമാക്കി.

റിഹാബിലിറ്റേഷൻ തെറാപ്പി

ഡിസൈനും ടെക്നോളജിയും ആരോഗ്യമേഖലയിൽ പ്രയോജനപ്പെടുത്തുകയാണ് ബിഎബിളിൻറെ ലക്ഷ്യമെന്ന് ബിഎബിൾ സ്ഥാപകൻ ഹബീബ് അലി പറഞ്ഞു. ആളുകൾക്ക് റിഹാബിലിറ്റേഷൻ തെറാപ്പി നടത്താനാവശ്യമായ യന്ത്ര ഉപകരണമെന്ന നിലയിലാണ് ആംഏബിൾ വികസിപ്പിച്ചത്. തെറാപ്പിയുടെ ഗുണം കുറയാതെ തന്നെ തെറാപ്പിസ്റ്റിൻറെ ജോലിഭാരം ലഘൂകരിക്കാൻ ഉപകരണം സഹായിക്കുമെന്നും അദ്ദേഹം കൂട്ടിച്ചേർത്തു.