രാജ്യത്തെ എല്ലാ ഗ്രാമങ്ങളിലും അതിവേഗ ബ്രോഡ്ബാന്‍റ് എത്തിക്കാൻ നാഷണ‌ൽ ബ്രോഡ്ബാന്‍റ് മിഷൻ

|

രാജ്യത്തെ എല്ലാ ഗ്രാമങ്ങളിലും അതിവേഗ ബ്രോഡ്ബാന്‍റ് സേവനം ഉറപ്പാക്കുന്ന കേന്ദ്ര സർക്കാർ പദ്ധതിയായ നാഷണ‌‌‌ൽ ബ്രോഡ്ബാന്‍റ് മിഷൻ (എൻ‌ബി‌എം) പ്രഖ്യാപിച്ചു. വരും വർഷങ്ങളിൽ എല്ലാ ഗ്രാമങ്ങളിലും അതിവേഗ ബ്രോഡ്‌ബാൻഡ് കണക്റ്റിവിറ്റി ലഭ്യമാക്കാനുള്ള പദ്ധതിയാണ് ഇത്. ന്യൂഡൽഹിയിൽ നടന്ന പരിപാടിയിൽ വച്ച് കമ്മ്യൂണിക്കേഷൻസ്, ലോ & ജസ്റ്റിസ്, ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രി രവിശങ്കർ പ്രസാദാണ് നാഷണ‌‌ൽ ബ്രോഡ്ബാൻഡ് മിഷൻ പ്രഖ്യാപിച്ചത്.

ഡിജിറ്റൽ കമ്മ്യൂണിക്കേഷൻ ഇൻഫ്രാസ്ട്രക്ചറിന്‍റെ അതിവേഗ വളർച്ച, എല്ലാവർക്കും ബ്രോഡ്‌ബാൻഡിന് താങ്ങാവുന്ന നിരക്കി‌ൽ ലഭ്യമാക്കുക തുടങ്ങിയ ലക്ഷ്യങ്ങളോടെയാണ് എൻബിഎം അവതരിപ്പിച്ചിട്ടുള്ളത്. രാജ്യത്തിന്‍റെ ഡിജിറ്റ‌ൽ രംഗത്തിന്‍റെ വളർച്ചയ്ക്ക് ഈ പദ്ധതി സഹായകമാവും. 2022 അവസാനത്തോടെ എല്ലാ ഗ്രാമങ്ങളിലേക്കും ബ്രോ‍ഡ്ബാന്‍റ് സേവനം എത്തിക്കാനാണ് പദ്ധതി ലക്ഷ്യമിടുന്നത്.

 ദേശീയ ബ്രോഡ്‌ബാൻഡ് മിഷൻ (എൻ‌ബി‌എം)
 

പുതുതായി പ്രഖ്യാപിച്ച ദേശീയ ബ്രോഡ്‌ബാൻഡ് മിഷൻ (എൻ‌ബി‌എം) നാഷണൽ ഡിജിറ്റൽ കമ്മ്യൂണിക്കേഷൻ പോളിസി (എൻ‌ഡി‌സി‌പി) നിന്ന് വ്യത്യസ്തമാണ് എന്നത് ശ്രദ്ധിക്കേണ്ടതാണ്. പുതിയ പദ്ധതിയുടെ പ്രധാന ലക്ഷ്യങ്ങൾ 2022 ഓടെ എല്ലാ ഗ്രാമങ്ങളിലേക്കും ബ്രോഡ്‌ബാൻഡ് കണക്ടിവിറ്റി ലഭ്യമാക്കുക, രാജ്യത്തുടനീളം പ്രത്യേകിച്ചും ഗ്രാമീണ, വിദൂര പ്രദേശങ്ങളി‌ൽ ബ്രോഡ്‌ബാൻഡ് സേവനങ്ങൾ തുല്യമായി എത്തിക്കുക, ഒപ്റ്റിക്കൽ ഫൈബർ കേബിളിന്റെ 30 ലക്ഷം റൂട്ട് കി.മീ. 2024 ഓടെ ജനസംഖ്യയുടെ ആയിരത്തിന് 0.42 മുതൽ 1.0 ടവർ വരെ ടവർ സാന്ദ്രത വർദ്ധിപ്പിക്കുക തുടങ്ങിയവയാണ്.

 ബ്രോഡ്‌ബാൻഡ് മിഷൻ

മേൽപ്പറഞ്ഞ മൂന്ന് ദൗത്യങ്ങൾക്ക് പുറമെ, മൊബൈൽ, ഇൻറർനെറ്റ് സേവനങ്ങളുടെ ഗുണനിലവാരം ഗണ്യമായി മെച്ചപ്പെടുത്തുന്നതിനും ദേശീയ ബ്രോഡ്ബാൻഡ് മിഷൻ ലക്ഷ്യമിടുന്നു. കൂടാതെ റൈറ്റ് ഓഫ് വേ (റോ) യുടെ പുതിയ ഇംപ്ലിമേഷൻ മോഡലുകൾ വികസിപ്പിക്കാനും ഒ‌എഫ്‌സി സ്ഥാപിക്കുന്നതിന് ആവശ്യമായ റോ അംഗീകാരങ്ങൾ ഉൾപ്പെടെ ഡിജിറ്റൽ ഇൻഫ്രാസ്ട്രക്ചർ വിപുലീകരിക്കുന്നതുമായി ബന്ധപ്പെട്ട നയങ്ങൾ വിപുലീകരിക്കാൻ സംസ്ഥാനങ്ങളും കേന്ദ്ര ഭരണപ്രദേശങ്ങളുമായി ചേർന്ന് പ്രവർത്തിക്കാനും പുതിയ പദ്ധതി ലക്ഷ്യമിടുന്നു.

ഇൻറർനെറ്റ് സേവനങ്ങൾ

കൂടാതെ, എൻ‌ബി‌എമ്മിന് ഒരു ബ്രോഡ്‌ബാൻഡ് സന്നദ്ധത സൂചികയും (ബി‌ആർ‌ഐ) ഉണ്ടായിരിക്കും, അത് ഒരു സംസ്ഥാനത്തെയോ കേന്ദ്രഭരണ പ്രദേശത്തെയോ ആശയവിനിമയ അടിസ്ഥാന സൗകര്യങ്ങളുടെ ലഭ്യതയും അനുയോജ്യമായ സാഹചര്യങ്ങളും അളക്കും. രാജ്യത്തുടനീളം ഒപ്റ്റിക്കൽ ഫൈബർ കേബിളുകളും ടവറുകളും ഉൾപ്പെടെയുള്ള ഡിജിറ്റൽ കമ്മ്യൂണിക്കേഷൻ ശൃംഖലയുടെ അടിസ്ഥാന സൗകര്യങ്ങളുടെ ഒരു ഡിജിറ്റൽ ഫൈബർ മാപ്പും സർക്കാർ ഉണ്ടാക്കും.

ബ്രോഡ്‌ബാൻഡ്
 

യൂണിവേഴ്സൽ സർവീസ് ഒബ്ലിഗേഷൻ ഫണ്ടിൽ (യു‌എസ്‌ഒഎഫ്) 70,000 കോടി രൂപ ഉൾപ്പെടെ 100 ബില്യൺ യുഎസ് ഡോളർ (7 ലക്ഷം കോടി രൂപ) ഓഹരി നിക്ഷേപം പദ്ധതിക്കായി ഉണ്ടാക്കും. പദ്ധതി നടപ്പിലാക്കുന്നതോടെ ഇന്ത്യയിലെ എല്ലാ കോണിലും അതിവേഗ ഇന്‍റർനെറ്റ് എന്ന സ്വപ്ന പദ്ധതി കൂടിയാണ് യാഥാർത്ഥ്യമാകുന്നത്. ഡിജിറ്റ‌ൽ സാങ്കേതിക വികാസത്തി‌ൽ മറ്റ് ലോക രാജ്യങ്ങളോട് കിടപിടിക്കുന്ന രീതിയി‌ൽ വളരുന്നതിനൊപ്പം തന്നെ കേന്ദ്ര സർക്കാർ ഉദ്ദേശിക്കുന്ന വിധത്തി‌ൽ സാമ്പത്തിക വ്യവസ്ഥയും ഭരണവും കൂടുത‌ൽ ഡിജിറ്റലാക്കി മാറ്റാനും ഈ പദ്ധതിയിലൂടെ സാധിക്കും.

Most Read Articles
Best Mobiles in India

English summary
National Broadband Mission (NBM) has been announced today and it ensures that all the rural villages will get high-speed broadband connectivity in the coming years. Ravi Shankar Prasad, Minister for Communications, Law & Justice and Electronics and Information Technology has launched the National Broadband Mission at an event held in New Delhi.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X