ISRO Cartosat-3: അതിർത്തി നിരീക്ഷിക്കാൻ കാർട്ടോസാറ്റ്-3 വിക്ഷേപിക്കാനൊരുങ്ങി ഇസ്രോ

|

ചാന്ദ്രയാനൊപ്പം തന്നെ മറ്റ് ബഹിരാകാശ ഗവേഷണങ്ങളിലും സാറ്റലൈറ്റുകളിലും ശ്രദ്ധകൊടുക്കുന്ന ഇന്ത്യയുടെ ബഹിരാകാശ ഏജൻസി നവംബർ 25 ന് സുപ്രധാനമായ വിക്ഷേപണങ്ങൾ നടത്തും. വിക്ഷേപണങ്ങളിൽ ഏറ്റവും പ്രധാനപ്പെട്ടത് കാർട്ടോസാറ്റ് -3 എന്ന കാർട്ടോഗ്രാഫി സാറ്റലൈറ്റിൻറെ വിക്ഷേപണമാണ്. അതിർത്തി നിരീക്ഷിക്കാനായി രൂപ കല്പന ചെയ്ത സാറ്റലൈറ്റാണ് ഇത്. ഇത് കൂടാതെ 13 വാണിജ്യ നാനോ സാറ്റലൈറ്റുകളും ഭ്രമണപഥത്തിലേക്ക് വിക്ഷേപിക്കുമെന്ന് ഇസ്രോ അറിയിച്ചു.

കാർട്ടോസാറ്റ് -3 ലോഞ്ച്
 

കാർട്ടോസാറ്റ് -3 ലോഞ്ച്

വരാനിരിക്കുന്ന കാർട്ടോസാറ്റ് -3 സാറ്റലൈറ്റിൻറെയും മറ്റ് 13 വാണിജ്യ നാനോ സാറ്റലൈറ്റുകളുടെയും വിക്ഷേപണം പോളാർ സാറ്റലൈറ്റ് ലോഞ്ച് വെഹിക്കിൾ-എക്സ് എൽ റോക്കറ്റിലൂടെയാണ് നടത്തുക. ഇന്ത്യൻ സമയം രാവിലെയായിരിക്കും റോക്കറ്റ് വിക്ഷേപിക്കുകയെന്നാണ് റിപ്പോർട്ടുകൾ. ആകാശത്ത് കണ്ണുകൾ സ്ഥാപിക്കുന്ന ഐഎസ്ആർഓയുടെ പുതിയ പദ്ധതി അതിർത്തി സുരക്ഷ വർധിപ്പിക്കുക എന്ന ലക്ഷ്യത്തോടെയാണ്. അതിർത്തികൾ നിരീക്ഷിക്കാനുള്ള അത്യാധുനിക സംവിധാനമാണ് കാർട്ടോസാറ്റ് -3യിൽ ഒരുക്കിയിരിക്കുന്നത്.

പി‌എസ്‌എൽ‌വി-സി 47

ഇന്ത്യയുടെ പോളാർ സാറ്റലൈറ്റ് ലോഞ്ച് വെഹിക്കിൾ, പി‌എസ്‌എൽ‌വി-സി 47നാണ് കാർട്ടോസാറ്റ് -3നെയും മറ്റ് 13 വാണിജ്യ നാനോ സാറ്റലൈറ്റുകളെയും ഭ്രമണപഥത്തിലേക്ക് എത്തിക്കുക. ശ്രീഹരിക്കോട്ടയിലെ സതീഷ് ധവാൻ സ്പൈസ് സെൻററിൽ (SDSC) നിന്നാണ് ഇവ വിക്ഷേപിക്കുന്നത്. 74-ാമത് ലോഞ്ച് വെഹിക്കിൾ മിഷനാണ് ഈ ലിഫ്റ്റ് ഓഫോടുകൂടി സാധ്യമാകാൻ പോകുന്നതെന്നും ഇസ്രോ വൃത്തങ്ങൾ അറിയിച്ചു.

കൂടുതൽ വായിക്കുക: Chandrayaan-2: ചന്ദ്രയാൻ-2: സംഭവിച്ചതെന്തെന്ന് പഠിക്കാൻ ഇസ്രോയുടെ പുതിയ കമ്മറ്റി

എന്താണ് ഇസ്‌റോ കാർട്ടോസാറ്റ് -3?

എന്താണ് ഇസ്‌റോ കാർട്ടോസാറ്റ് -3?

ഉയർന്ന റെസല്യൂഷൻ ഇമേജിംഗ് ശേഷിയുള്ള തേർഡ് ജനറേഷൻ അഡ്വാൻസ്ഡ് ഉപഗ്രഹമാണ് കാർട്ടോസാറ്റ് -3 സാറ്റലൈറ്റ്. സാറ്റലൈറ്റിന് 25cm ശക്തമായ റെസല്യൂഷൻ ഉണ്ടെന്നാണ് റിപ്പോർട്ടുകൾ. കൂടാതെ 25cm അകലെ സ്ഥാപിച്ചിരിക്കുന്ന വ്യത്യസ്ത വസ്തുക്കളെ തിരിച്ചറിയാനും കഴിയും. തീവ്രവാദ ഗ്രൂപ്പുകളെയും അവരുടെ ഒളിത്താവളങ്ങളെയും കണ്ടെത്താൻ സൈനിക നിരീക്ഷണത്തിന് സഹായിക്കുന്ന ഏറ്റവും നൂതനമായ സാറ്റലൈറ്റായിട്ടാണ് കാർട്ടോസാറ്റ് -3യെ കണക്കാക്കുന്നത്.

13 വാണിജ്യ നാനോ സാറ്റലൈറ്റുകളും
 

കാർട്ടോസാറ്റ് -3ന് പുറമേ 13 വാണിജ്യ നാനോ സാറ്റലൈറ്റുകളും പി‌എസ്‌എൽ‌വി-സി 47 റോക്കറ്റിലൂടെ ഭ്രമണപഥത്തിലെത്തിക്കും. ഈ നാനോ സാറ്റലൈറ്റുകൾ യുഎസിൽ നിന്നുള്ളതാണെന്നും ബഹിരാകാശ വകുപ്പിന് കീഴിൽ അടുത്തിടെ ആരംഭിച്ച ന്യൂ സ്പേസ് ഇന്ത്യ ലിമിറ്റഡുമായി (എൻ‌എസ്‌ഐ‌എൽ) യുഎസ് നടത്തിയ വാണിജ്യപരമായ കരാറിൻറെ ഭാഗമായിട്ടാണ് പിഎസ്എൽവിയിൽ അവയെ ബഹിരാകാശത്ത് എത്തിക്കുന്നതെന്നും ഇസ്രോ വ്യക്തമാക്കി.

നിരീക്ഷണത്തിനായി കാർട്ടോസാറ്റ് -3

നിരീക്ഷണത്തിനായി കാർട്ടോസാറ്റ് -3

കാർട്ടോസാറ്റ് -3 നവംബറിൽ വിക്ഷേപിച്ച് കഴിഞ്ഞാൽ മറ്റ് രണ്ട് നിരീക്ഷണ ഉപഗ്രഹങ്ങളായ റിസാറ്റ് -2 ബിആർ 1, റിസാറ്റ് -2 ബിആർ 2 എന്നിവ ഇസ്രോ ഡിസംബറിൽ വിക്ഷേപിക്കുമെന്ന് എഎൻഐ റിപ്പോർട്ട് ചെയ്യുന്നു. കട്ടിയുള്ള മേഘങ്ങൾക്കിടയിൽ കൂടി പോലും വ്യക്തമായി നിരീക്ഷണം നടത്താനും നൈറ്റ് മോഡിൽ ചിത്രങ്ങൾ എടുക്കാനും റിസാറ്റ് -2 ബിആർ 1, റിസാറ്റ് -2 ബിആർ 2 എന്നിവയ്ക്ക് കഴിവുണ്ടെന്നാണ് റിപ്പോർട്ട്. അതിർത്തിയിലെ നുഴഞ്ഞുകയറ്റത്തെയും മറ്റ് ഭീകരപ്രവർത്തനങ്ങളെയും നിരീക്ഷിക്കാനാണ് ഇപ്പറഞ്ഞ എല്ലാ നിരീക്ഷണ ഉപകരണങ്ങളും ലക്ഷ്യമിടുന്നത്.

കൂടുതൽ വായിക്കുക: Chandrayaan-3: ചന്ദ്രയാൻ 3 വരുന്നു; 2020 നവംബറോടെ ചന്ദ്രനിൽ ലാൻറ് ചെയ്യിക്കാൻ പദ്ധതി

നിരീക്ഷണ ആവശ്യം

നിരീക്ഷണ ആവശ്യത്തിനായി ഇസ്രോ ഉപഗ്രഹങ്ങൾ വിക്ഷേപിക്കുന്നത് ഇതാദ്യമല്ല. ഇന്ത്യയുടെ ബഹിരാകാശ ഏജൻസി മെയ് 22 ന് റിസാറ്റ് -2 ബിയു ഏപ്രിൽ 1 ന് എമിസാറ്റ് എന്നിവ സമാന ആവശ്യത്തിനായി വിക്ഷേപിച്ചിരുന്നു. വരാനിരിക്കുന്ന കാർട്ടോസാറ്റ് -3 ഉപഗ്രഹം 509 കിലോമീറ്റർ ഭ്രമണപഥത്തിൽ 97.5 ഡിഗ്രി ഇൻക്ലിനേഷനിൽ സ്ഥാപിക്കും. കാർട്ടോസാറ്റ് -3 ഉപഗ്രഹം റിസാറ്റ് സാറ്റലൈറ്റ് സീരീസിന്റെ അടുത്ത പതിപ്പാണെന്നാണ് റിപ്പോർട്ട്.

Most Read Articles
Best Mobiles in India

Read more about:
English summary
ISRO is gearing up for satellite launches which will take place over the next two months. The Indian Space Research Organization will launch the Cartosat-3 cartography satellite on November 25. In addition, the space agency will also launch 13 commercial nanosatellites into sun-synchronous orbit, ISRO said in an official announcement.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X