ജിയോ, എയർടെൽ, വിഐ എന്നിവയുടെ ഡാറ്റ നിയന്ത്രണം ഇല്ലാത്ത 30 ദിവസം വാലിഡിറ്റി നൽകുന്ന പ്ലാനുകൾ

ദിവസേന നിശ്ചിത ജിബി ഡാറ്റ എന്ന നിയന്ത്രണം ഇല്ല എന്നത് കൂടാതെ ഈ പ്ലാനുകളുടെ മറ്റൊരു ആകർഷകമായ കാര്യം ഇതിലൂടെ ലഭിക്കുന്ന വാലിഡിറ്റിയാണ്. സാധാരണ പ്ലാനുകൾ ഒരു മാസം 28 ദിവസമായി കണക്കാക്കുമ്പോൾ ഈ പ്ലാൻ 30 ദിവസം തികച്ചും നൽകുന്നുണ്ട്. ജിയോ, എയർടെൽ വിഐ എന്നിവയുടെ 30 ദിവസം വാലിഡിറ്റിയും ദിവസേനയുള്ള ഡാറ്റ നിയന്ത്രണങ്ങൾ ഇല്ലാത്തതുമായ പ്ലാനുകളാണ് നമ്മളിന്ന് പരിചയപ്പെടുന്നത്. ഈ പ്ലാനുകളിലൂടെയെല്ലാം അൺലിമിറ്റഡ് കോളിങ് ആനുകൂല്യങ്ങളും മറ്റ് ആനുകൂല്യങ്ങളും ലഭിക്കും.

ജിയോയുടെ പ്ലാൻ

റിലയൻസ് ജിയോ നൽകുന്ന 30 ദിവസത്തെ പ്ലാനിന് 247 രൂപയാണ് വില. രാജ്യത്തെ സ്വകാര്യ ഓപ്പറേറ്റർമാർ നൽകുന്നതിൽ ഏറ്റവും വിലകുറഞ്ഞ 30 ദിവസത്തെ പ്ലാനാണിത്. ഈ പ്ലാൻ ഉപയോക്താക്കൾക്ക് 25 ജിബി ഡാറ്റയാണ് നൽകുന്നത്. ഇതിലൂടെ ഉപയോക്താക്കൾ പ്രതിദിന ഡാറ്റ പരിധിയില്ലാതെ ഡാറ്റ ഉപയോഗിക്കാം. വേണമെങ്കിൽ ഒരു ദിവസം തന്നെ 25 ജിബി ഡാറ്റയും മുഴുവനായും ഉപയോഗിക്കാനാകും. അൺലിമിറ്റഡ് വോയിസ് കോളിങ് ആനുകൂല്യങ്ങളും ഈ പ്ലാനിലൂടെ ലഭിക്കും. ദിവസവും 100 എസ്എംഎസുകളാണ് ഈ പ്ലാൻ നൽകുന്നത്. ജിയോ ടിവി, ജിയോ ന്യൂസ്, ജിയോസിനിമ, ജിയോക്ലൗഡ്, ജിയോ സെക്യൂരിറ്റി എന്നിവയുൾപ്പെടെയുള്ള ജിയോ ആപ്പുകളിലേക്ക് സൌജന്യ ആക്സസും ഈ പ്ലാൻ നൽകുന്നു.

വോഡഫോൺ ഐഡിയയുടെ പ്ലാൻ

വിഐ അതിന്റെ 30 ദിവസത്തെ പ്രീപെയ്ഡ് പ്ലാനിനായി ഈടാക്കുന്നത് 267 രൂപയാണ്. ഇത് ജിയോയുടെ പ്ലാനിനെക്കാൾ 20 രൂപ അധികമാണ്. ഈ പ്ലാനിലൂടെ ലഭിക്കുന്ന ഡാറ്റ, എസ്എംഎസ്, വോയ്‌സ് കോളിങ് ആനുകൂല്യങ്ങൾ എന്നിവ ജിയോയുടെ പ്ലാനിന് സമാനമാണ്. എപ്പോൾ വേണമെങ്കിലും ഉപയോഗിക്കാവുന്ന 25 ജിബി ഡാറ്റ, അൺലിമിറ്റഡ് വോയ്‌സ് കോളിംഗ്, ദിവസവും 100 എസ്എംഎസ് ആനുകൂല്യങ്ങൾ എന്നിവയാണ് ഈ പ്ലാൻ നൽകുന്നത്. വിഐ മൂവീസ് & ടിവി എന്നിവയിലേക്ക് സൗജന്യ ഓവർ-ദി-ടോപ്പ് (ഒടിടി) ആനുകൂല്യവും വിഐ ഈ പ്ലാനിലൂടെ നൽകുന്നു.

എയർടെല്ലിന്റെ പ്ലാൻ

ഭാരതി എയർടെല്ലിന്റെ 30 ദിവസത്തെ പ്ലാനാണ് സ്വകാര്യ കമ്പനികൾ നൽകുന്ന ഈ വിഭാഗത്തിലെ പ്ലാനുകളിൽ ഏറ്റവും ചെലവേറിയത്. 299 രൂപയാണ് ഈ പ്ലാനിന്റെ വില. 30 ദിവസത്തെ വാലിഡിറ്റിയിൽ മറ്റ് കമ്പനികൾ നൽകുന്നതിനെക്കാൾ ഡാറ്റ എയർടെൽ നൽകുന്നുണ്ട്. 30 ജിബി ഡാറ്റയാണ് ഈ പ്ലാനിലൂടെ ലഭിക്കുന്നത്. ഈ പ്ലാനിലൂടെ ദിവസവും നിശ്ചിത ഡാറ്റ എന്ന പരിധി ഇല്ല. ഈ ഡാറ്റ എപ്പോൾ വേണമെങ്കിലും ഉപയോഗിച്ച് തീർക്കാവുന്നതാണ്. ഉപയോക്താക്കൾക്ക് ദിവസവും 100 എസ്എംഎസുകളും അൺലിമിറ്റഡ് വോയിസ് കോളിങ് ആനുകൂല്യങ്ങളും എയർടെൽ താങ്ക്സ് ആനുകൂല്യങ്ങളും ഈ പ്ലാനിലൂടെ ലഭിക്കും. ഈ പ്ലാനിന്റെ ഏറ്റവും വലിയ സവിശേഷത ഇതിലൂടെ ആമസോൺ പ്രൈം വീഡിയോ മൊബൈൽ എഡിഷൻ സൗജന്യ ട്രയൽ ലഭിക്കുന്നു എന്നതാണ്.