ജിയോ ഫൈബർ പ്ലാനുകളിൽ 30 ദിവസം വരെ അധിക വാലിഡിറ്റി നേടാം

ജിയോ ഫൈബർ ദീർഘകാല ബ്രോഡ്‌ബാൻഡ് പ്ലാനുകൾ

ജിയോ ഫൈബറിന്റെ പുതിയ ഓഫർ പ്രകാരം ഒരു വർഷം വാലിഡിറ്റിയുള്ള പ്ലാനുകൾക്കൊപ്പം 30 ദിവസത്തെ വാലിഡിറ്റി അധികമായി ലഭിക്കുന്നു. അർദ്ധ വാർഷിക പ്ലാനുകളിൽ 15 ദിവസത്തെ അധിക വാലിഡിറ്റിയും നൽകുന്നുണ്ട്. 6 മാസം വാലിഡിറ്റിയുള്ള ഈ പ്ലാനുകൾക്കൊപ്പം 15 ദിവസം സൌജന്യ സേവനങ്ങൾ ലഭിക്കും. ജിയോ ഫൈബറിന്റെ വാർഷിക പ്ലാനുകളുടെ വിഭാഗത്തിൽ 4,788 രൂപ മുതൽ 101,988 രൂപ വരെയുള്ള പ്ലാനുകൾ ഉണ്ട്. അർദ്ധ വാർഷിക പ്ലാനുകൾ 2,394 രൂപ മുതൽ 50,994 രൂപ വരെയുള്ള കാലയളവിലേക്ക് ലഭ്യമാണ്.

ജിയോ ഫൈബറിന്റെ ആദ്യ വാർഷിക പ്ലാൻ പരിധിയില്ലാത്ത ഡാറ്റ, 30 എംബിപിഎസ് വേഗത, 390 ദിവസത്തേക്ക് (360 + 30 ദിവസം) സൌജന്യ കോളിംഗ് എന്നിവ നൽകുന്നു. ഈ പ്ലാനിന് 4,788 രൂപയാണ് വില. രണ്ടാമത്തെ പ്ലാനിന് 8,388 രൂപയാണ് വില. ഈ പ്ലാൻ 100 എം‌ബി‌പി‌എസ് വേഗത, അൺലിമിറ്റഡ് ഡാറ്റ, 390 ദിവസത്തേക്ക് (360 + 30 ദിവസം) സൌജന്യ കോളിങ് എന്നിവ നൽകുന്നു.

11,988 രൂപ വിലയുള്ള മൂന്നാമത്തെ പ്ലാൻ 150 എംബിപിഎസ് വേഗതയും 390 ദിവസത്തേക്ക് മുമ്പത്തെ പ്ലാനിന് സമാനമായ ആനുകൂല്യങ്ങളും നൽകുന്നു. ഡിസ്നി + ഹോട്ട്സ്റ്റാർ, ആമസോൺ പ്രൈം, സോണി ലിവ്, സീ5 ആക്സസ് എന്നിവയും ഈ പ്ലാനിലൂടെ ലഭിക്കും. 17,988 രൂപ വിലയുള്ള ജിയോഫൈബർ വാർഷിക പ്ലാൻ 390 ദിവസത്തെ വാലിഡിറ്റിയാണ് നൽകുന്നത്. അൺലിമിറ്റഡ് ഡാറ്റ, 300 എംബിപിഎസ് വേഗത, നെറ്റ്ഫ്ലിക്സ്, ആമസോൺ പ്രൈം, സീ5 ആക്സസ്, 390 ദിവസത്തേക്ക് സൌജന്യ കോളിങ് എന്നിവ ആ പ്ലാൻ നൽകുന്നു.

29,988 രൂപ, 47,988 രൂപ, 101,988 രൂപ വിലയുള്ള പ്ലാനുകൾ ഉപയോക്താക്കൾക്ക് 500 എംബിപിഎസ്, 1 ജിബിപിഎസ് വേഗതയാണ് നൽകുന്നത്. 29,988 രൂപ, 47,988 രൂപ പ്ലാനുകൾ അൺലിമിറ്റഡ് ഡാറ്റ നൽകുന്നു. അതേസമയം 1ജിബിപിഎസ് വേഗത നൽകുന്ന 101,988 രൂപ പ്ലാൻ 390 ദിവസത്തേക്ക് 6600 ജിബി ഡാറ്റയാണ് നൽകുന്നത്. ഈ പ്ലാനുകൾക്കൊപ്പം നെറ്റ്ഫ്ലിക്സ്, ആമസോൺ പ്രൈം, സീ5, സോണി ലിവ് ആക്സസ് എന്നിവ ലഭിക്കും.

ജിയോ ഫൈബർ അർദ്ധ വാർഷിക പ്ലാനുകൾ

ജിയോ ഫൈബറിന്റെ അർദ്ധ വാർഷിക പ്ലാനുകളുടെ വില 2,394 രൂപ, 4,194 രൂപ, 5,994 രൂപ, 8,994 രൂപ, 14994 രൂപ, 23,994 രൂപ, 50,994 രൂപ എന്നിങ്ങനെയാണ്. ഈ പ്ലാനുകൾ 195 ദിവസം (180 + 15 ദിവസം) അൺലിമിറ്റഡ് ഡാറ്റ, സൌജന്യ കോളിങ് എന്നീ ആനുകൂല്യങ്ങൾ നൽകുന്നു. ഈ പ്ലാനുകളിൽ യഥാക്രമം 30 എം‌ബി‌പി‌എസ്, 100 എം‌ബി‌പി‌എസ്, 150 എം‌ബി‌പി‌എസ്, 300 എം‌ബി‌പി‌എസ്, 500 എം‌ബി‌പി‌എസ്, 1 ജി‌ബി‌പി‌എസ് വേഗതയാണ് നൽകുന്നത്. ഈ ആനുകൂല്യങ്ങൾക്ക് പുറമെ, നെറ്റ്ഫ്ലിക്സ് (ബേസിക്), ആമസോൺ പ്രൈം, ഡിസ്നി + ഹോട്ട്സ്റ്റാർ, സീ 5, വൂട്ട് കിഡ്സ്, വൂട്ട് സെലക്ട്, ലയൺസ്ഗേറ്റ് പ്ലേ, ഡിസ്കവറി +, ഇറോസ് നൌ എന്നിവയുടെ കണ്ടന്റിലേക്ക് ആക്സസും ഉപയോക്താക്കൾക്ക് ലഭിക്കും.