2 വർഷം അൺലിമിറ്റഡ് കോളുകളടക്കം കിടിലൻ ആനുകൂല്യങ്ങളുമായി 2021ലെ ജിയോഫോൺ ഓഫറുകൾ

ജിയോഫോൺ 2021 ഓഫർ ലക്ഷ്യമിടുന്നത് ജിയോഫോൺ ഉപയോക്താക്കളെ മാത്രമാണ്. ഈ പ്ലാൻ സാധാരണ ജിയോ ഉപയോക്താക്കൾക്ക് ലഭിക്കില്ല. പുതിയ ജിയോഫോൺ 2021 ഓഫറിലൂടെ ഉപയോക്താക്കൾക്ക് 24 മാസത്തെ അൺലിമിറ്റഡ് സർവ്വീസും ലഭിക്കും. ഈ കാലയളവിൽ ഉടനീളം അൺലിമിറ്റഡ് കോളുകളും എല്ലാ മാസവും 2 ജിബി ഡാറ്റയും ജിയോഫോൺ പ്ലാൻ നൽകുന്നു. അധികം ഇന്റർനെറ്റ് സേവനങ്ങൾ ഉപയോഗിക്കാത്തതും എന്നാൽ കോളുകൾക്കായി ഫോൺ ഉപയോഗിക്കുന്നതുമായ ആളുകൾക്ക് മികച്ച പ്ലാനാണ് ഇത്.

1,499 രൂപ പ്ലാൻ

പുതിയ ഓഫറിനൊപ്പം ജിയോഫോൺ വാങ്ങുന്ന ഉഫയോക്താക്കൾക്കായി മറ്റൊരു ഓഫറും ജിയോ പ്രഖ്യാപിച്ചിട്ടുണ്ട്. 12 മാസത്തെ അൺലിമിറ്റഡ് സർവ്വീസും അൺലിമിറ്റഡ് വോയ്‌സ് കോളുകളും ഓരോ മാസവും 2 ജിബി ഡാറ്റയും നൽകുന്ന പ്ലാനാണ് ജിയോ പുതിയ ഉപയോക്താക്കൾക്കായി പ്രഖ്യാപിച്ചിരിക്കുന്നത്. ഈ പ്ലാൻ 1,499 രൂപയ്ക്ക് ലഭിക്കും. ഈ പ്ലാൻ പുതിയ ഉപയോക്താക്കൾക്ക് മാത്രം ലഭിക്കുന്നതാണ്. നിലവിലുള്ള ഉപയോക്താക്കൾക്ക് 1,499 രൂപ പ്ലാൻ ലഭിക്കുകയില്ല.

നിലവിലുള്ള ജിയോ ഫോൺ ഉപഭോക്താക്കൾക്കായി 749 രൂപയുടെ പ്ലാനും ജിയോ അവതരിപ്പിച്ചിട്ടുണ്ട്. 12 മാസത്തേക്ക് അൺലിമിറ്റഡ് കോളുകളും ഓരോ മാസം 2 ജിബി ഡാറ്റയും നൽകുന്ന പ്ലാനാണ് ജിയോ നൽകുന്നത്. ഇത് പുതിയ ഉപയോക്താക്കൾക്ക് നൽകുന്ന 1,499 രൂപ പ്ലാനിന് സമാനമായ ആനുകൂല്യങ്ങളാണ് നൽകുന്നത്. ജിയോഫോൺ 2021 ഓഫറിലൂടെ ഇന്ത്യൻ ടെലിക്കോം വിപണിയിലെ ചരിത്രത്തിലെ തന്നെ ഏറ്റവും മികച്ച ഓഫറുകളിലൊന്നാണ് ജിയോ അവതരിപ്പിച്ചിരിക്കുന്നത്.

ജിയോഫോൺ 2021 ഓഫറിലൂടെ ലഭിക്കുന്ന ആനുകൂല്യങ്ങൾക്കായി മറ്റ് നെറ്റ്‌വർക്കുകളിൽ 2.5 മടങ്ങ് അധികം തുക ചിലവഴിക്കേണ്ടി വരുമെന്നാണ് ജിയോ വ്യക്തമാക്കുന്നത്. 300 ദശലക്ഷം മൊബൈൽ വരിക്കാർ ഇപ്പോഴും 2 ജിയിലാണെന്നും റിലയൻസ് ജിയോ വെള്ളിയാഴ്ച പ്രസ്താവനയിൽ അറിയിച്ചു. ജിയോ ഫോണിലൂടെ രാജ്യത്ത് 2ജി മുക്തമാക്കാനാണ് ജിയോ ലക്ഷ്യമിടുന്നത്. പുതിയ ഓഫറുകൾ 2ജി നെറ്റ്വർക്ക് ഒഴിവാക്കുന്നത് വേഗത്തിലാക്കുമെന്നും ജിയോ അവകാശപ്പെട്ടു.

പുതിയ ജിയോഫോൺ പ്ലാനുകൾ അവതരിപ്പിക്കുന്നതിലൂടെ ജിയോ ലക്ഷ്യമിടുന്നത് എയർടെൽ, വിഐ, ബിഎസ്എൻഎൽ നെറ്റ്വർക്കുകളിലെ 2ജി ഉപയോക്താക്കളെയാണ്. കോളിങിനായി മാത്രം ഫോൺ ഉപയോഗിക്കുന്ന വലിയൊരു വിഭാഗം ആളുകൾ ഉള്ള ഇന്ത്യയിൽ ഇവരെ തങ്ങളുടെ നെറ്റ്വർക്കിലേക്ക് ആകർഷിക്കുക എന്നതാണ് ജിയോഫോണിന്റെ ലക്ഷ്യം. ഇതിനായി അവതരിപ്പിച്ച പ്ലാനുകൾ ഈ വർഷം ജിയോയുടെ ലക്ഷ്യമായ ജി വിമുക്ത ഭാരതം എന്നത് കൂടുതൽ വേഗത്തിലാക്കും.