ജിയോയുടെ കിടിലൻ ഓഫർ, എല്ലാ ജിയോഫോൺ പ്രീപെയ്ഡ് പ്ലാനുകളിലും ഇരട്ടി ആനുകൂല്യം

ഈ ഓഫർ കുറച്ച് കാലമായി നിലനിൽക്കുന്നുണ്ട്. ഇത് ജിയോഫോൺ റീചാർജുകൾക്ക് മാത്രമേ ലഭിക്കുകയുള്ളു. ഈ ഓഫർ സാധാരണ പ്രീപെയ്ഡ് ഉപയോക്താക്കൾക്ക് ലഭിക്കില്ല. ജിയോഫോണിന്റെ ആറ് പ്രീപെയ്ഡ് പ്ലാനുകളിൽ കമ്പനി ബൈ വൺ ഗെറ്റ് വൺ ഓഫർ നൽകുന്നുണ്ട്. നിങ്ങൾക്ക് 75 രൂപയുടെ പ്ലാനാണ് റീചാർജ് ചെയ്യുന്നത് എങ്കിൽ 75 രൂപയുടെ അധിക പ്ലാൻ തികച്ചും സൗജന്യമായി ലഭിക്കും. സൗജന്യ പ്ലാനിൽ നിങ്ങൾ റീചാർജ് ചെയ്ത് നേടിയ പ്ലാനിന്റെ എല്ലാ ആനുകൂല്യങ്ങളും ലഭിക്കും.

ജിയോഫോണിന്റെ 39 രൂപ, 69 രൂപ, 75 രൂപ, 125 രൂപ, 155 രൂപ, 185 രൂപ വിലയുള്ള റീചാർജ് പ്ലാനുകളിൽ ബൈ വൺ ഓഫർ ലഭ്യമാണ്. 39 രൂപയുടെ റീചാർജ് പ്ലാൻ ഉപയോക്താക്കൾക്ക് അൺലിമിറ്റഡ് വോയ്‌സ് കോളിങ് ആനുകൂല്യം നൽകുന്നു. ദിവസവും 100 എംബി ഡാറ്റയും 14 ദിവസത്തെ വാലിഡിറ്റിയും ഈ പ്ലാനിലൂടെ ലഭിക്കും. ഈ പ്ലാനിൽ സൗജന്യ എസ്എംഎസ് ആനുകൂല്യം ലഭിക്കുകയില്ല. നിങ്ങൾ ഈ പ്ലാൻ വാങ്ങുകയാണെങ്കിൽ ബൈ വൺ ഗെറ്റ് വൺ ഓഫറിലൂടെ നിങ്ങൾക്ക് മൊത്തം 200 എംബി ഡാറ്റ ലഭിക്കും.

69 രൂപ പ്രീപെയ്ഡ് പ്ലാൻ അൺലിമിറ്റഡ് വോയ്‌സ് കോളിങ് ആനുകൂല്യം നൽകുന്നു. ദിവസവും 0.5 ജിബി ഡാറ്റയാണ് ഈ പ്ലാനിലൂടെ ലഭിക്കുന്നത്. ഈ പ്ലാൻ മൊത്തം 14 ദിവസത്തെ വാലിഡിറ്റിയും നൽകുന്നു. പ്ലാനിൽ സൗജന്യ എസ്എംഎസ് ഇല്ല. നിങ്ങൾ ഇപ്പോൾ ഈ പ്ലാൻ തിരഞ്ഞെടുക്കുകയാണ് എങ്കിൽ ഓഫറിലൂടെ ദിവസവും 1 ജിബി ഡാറ്റയാണ് ലഭിക്കുന്നത്. ഈ ഓഫർ 69 രൂപ പ്ലാനിനെ മികച്ച പ്ലാനാക്കി മാറ്റുന്നു.

75 രൂപ വിലയുള്ള പ്രീപെയ്ഡ് പ്ലാൻ ഉപയോക്താക്കൾക്ക് അൺലിമിറ്റഡ് വോയ്‌സ് കോളിംഗ് 3 ജിബി ഡാറ്റ എന്നിവ വാഗ്ദാനം ചെയ്യുന്നു. ഇത് കൂടാതെ 28 ദിവസത്തെ വാലിഡിറ്റിയും പ്ലാൻ നൽകുന്നുണ്ട്. പുതിയ ഓഫറിലൂടെ ഉപയോക്താക്കൾക്ക് ഈ പ്ലാനിലൂടെ 6 ജിബി ഡാറ്റ ലഭിക്കും. 125 രൂപ പ്രീപെയ്ഡ് പ്ലാനിൽ അൺലിമിറ്റഡ് വോയ്‌സ് കോളിംഗ്, ദിവസവും 0.5 ഡാറ്റ, 28 ദിവസത്തെ വാലിഡിറ്റി എന്നിവയാണ് ലഭിക്കുന്നത്. ഇപ്പോൾ ഈ പ്ലാൻ നിങ്ങൾക്ക് ദിവസവും 1ജിബി ഡാറ്റ വീതം നൽകുന്നു. മൊത്തം 28ജിബി ഡാറ്റ ഈ പ്ലാനിലൂടെ നേടാം.

155 രൂപയുടെ പ്രീപെയ്ഡ് പ്ലാൻ ഉപയോക്താക്കൾക്ക് അൺലിമിറ്റഡ് വോയ്‌സ് കോളിങ് നൽകുന്നു. ദിവസവും 1 ജിബി ഡാറ്റയും ഈ പ്ലാനിലൂടെ ലഭിക്കും. 28 ദിവസത്തെ വാലിഡിറ്റിയാണ് പ്ലാനിനുള്ളത്. നിങ്ങൾ ഈ പ്ലാൻ ഇപ്പോൾ തിരഞ്ഞെടുത്താൽ ദിവസവും 2 ജിബി ഡാറ്റ വീതം ലഭിക്കും. 185 രൂപ പ്രീപെയ്ഡ് പ്ലാനിലൂടെ അൺലിമിറ്റഡ് വോയ്‌സ് കോളിങ് പ്രതിദിനം 2 ജിബി ഡാറ്റ, 28 ദിവസത്തെ വാലിഡിറ്റിയും എന്നിവയാണ് നൽകുന്നത്. ഓഫറിന്റെ ഭാഗമായി ഈ പ്ലാൻ നിങ്ങൾക്ക് ദിവസവും 4 ജിബി ഡാറ്റ നൽകും.