ജിയോയുടെ ദിവസവും 1.5 ജിബി ഡാറ്റ നൽകുന്ന പ്രീപെയ്ഡ് പ്ലാനുകൾ

1 ജിബി പ്രതിദിന ഡാറ്റ തികയാതെ വരുന്ന ഉപയോക്താക്കളിൽ പലരും തിരഞ്ഞെടുക്കുന്ന പ്ലാനുകളാണ് ദിവസവും 1.5 ജിബി ഡാറ്റ നൽകുന്ന പ്ലാനുകൾ. ഏറ്റവും കൂടുതൽ ആളുകൾക്ക് ആവശ്യമുള്ള പ്ലാനാണ് ദിവസേന 1.5 ജിബി ഡാറ്റ ആനുകൂല്യമുള്ള പ്ലാനുകൾ എന്നതുകൊണ്ട് തന്നെ നിരവധി പ്ലാനുകൾ ഈ വിഭാഗത്തിൽ ജിയോ നൽകുന്നുണ്ട്. 199 രൂപ, 399 രൂപ, 555 രൂപ, 777 രൂപ, 2,121 രൂപ നിരക്കുകളിലാണ് ഈ പ്ലാനുകൾ ലഭ്യമാവുക. ഒരു മാസത്തേക്കുള്ള പ്ലാനുകൾ മുതൽ ഒരു വർഷത്തേക്കുള്ള പ്ലാനുകൾ വരെയാണ് ഇതിലുള്ളത്.

199 രൂപ പ്രീപെയ്ഡ് പ്ലാൻ

ജിയോയുടെ ദിവസവും 1.5 ജിബി ഡാറ്റ നൽകുന്ന പ്ലാനുകളുടെ പട്ടികയിൽ ആദ്യത്തെ പ്ലാനാണ് 199 രൂപയുടേത്. ഈ പ്ലാനിന് 28 ദിവസത്തെ വാലിഡിറ്റിയാണ് ഉള്ളത്. മൊത്തം വാലിഡിറ്റി കാലയളവിലേക്കുമായി 42 ജിബി വരെ ഡാറ്റ ഈ പ്ലാൻ നൽകുന്നു. എഫ്‌യുപി ലിമിറ്റ് അവസാനിച്ചാൽ 64 കെബിപിഎസ് വേഗതയിൽ ഇന്റർനെറ്റ് ലഭിക്കും. ജിയോ നമ്പരുകളിലേക്ക് അൺലിമിറ്റഡ് കോളുകളും മറ്റ് നമ്പരുകളിലേക്ക് 1,000 മിനിറ്റ് കോളുകളുമാണ് 199 രൂപ പ്ലാൻ നൽകുന്നത്. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും. ജിയോസിനിമ, ജിയോടിവി പോലുള്ള ജിയോയുടെ ആപ്പുകളിലേക്ക് സൌജന്യ ആക്സസും ഈ പ്ലാൻ നൽകുന്നു.

399 രൂപ പ്രീപെയ്ഡ് പ്ലാൻ

ദിവസവും 1.5 ജിബി ഡാറ്റ നൽകുന്ന പ്ലാനുകളുടെ പട്ടികയിലെ രണ്ടാമത്തെ പ്ലാനിന് 399 രൂപയാണ് വില. ഈ പ്ലാൻ ദിവസവും 1.5 ജിബി ഡാറ്റയാണ് നൽകുന്നത്. 56 ദിവസത്തെ വാലിഡിറ്റിയുള്ള പ്ലാനാണ് ഇത്. ഈ പ്ലാനിലൂടെ ജിയോ നമ്പരുകളിലേക്ക് അൺലിമിറ്റഡ് വോയ്‌സ് കോളിങും മറ്റ് നമ്പരുകളിലേക്ക് വിളിക്കാൻ 2,000 മിനുറ്റ് വോയിസ് കോളുകളും നൽകുന്നു. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും. ദിവസേനയുള്ള ഡാറ്റ ലിമിറ്റ് കഴിഞ്ഞാൽ ഡാറ്റ സ്പീഡ് 64 കെബിപിഎസ് ആയി കുറയും. ജിയോ ആപ്ലിക്കേഷനുകളിലേക്ക് സൌജന്യ ആക്സസും ഈ പ്ലാൻ നൽകുന്നു.

555 രൂപ പ്രീപെയ്ഡ് പ്ലാൻ

ജിയോയുടെ 555 രൂപ വിലയുള്ള പ്രീപെയ്ഡ് റീചാർജ് പ്ലാൻ 84 ദിവസത്തെ വാലിഡിറ്റിയുള്ള ദിവസവും 1.5 ജിബി ഡാറ്റ നൽകുന്ന പ്ലാനാണ്. ചില ക്യാഷ്ബാക്ക് ഓഫറുകൾ കൂടി കണക്കിലെടുത്താൽ ഏകദേശം 500 രൂപയ്ക്ക് ഈ 555 രൂപ പ്ലാൻ ലഭിക്കും. ദിവസവും 1.5 ജിബി ഡാറ്റ, അൺലിമിറ്റഡ് ജിയോ ടു ജിയോ വോയ്‌സ് കോളിങ്, മറ്റ് നെറ്റ്വർക്കിലേക്ക് വിളിക്കാൻ 3,000 മിനുറ്റ് കോളിങ്, ദിവസവും 100 എസ്എംഎസുകൾ എന്നിവയാണ് ഈ പ്ലാൻ നൽകുന്നത്.

777 രൂപ പ്രീപെയ്ഡ് പ്ലാൻ

ജിയോയുടെ 777 രൂപ വിലയുള്ള പ്രീപെയ്ഡ് പ്ലാൻ 555 രൂപ പ്ലാനിന് സമാനമായി 84 ദിവസത്തെ വാലിഡിറ്റിയാണ് നൽകുന്നത്. ദിവസവം 1.5 ജിബി ഡാറ്റയും ഈ പ്ലാൻ നൽകുന്നു. മെത്തം വാലിഡിറ്റി കാലയളവിലേക്കുമായി 126 ജിബി ഡാറ്റയാണ് ഈ പ്ലാനിലൂടെ ലഭിക്കുന്നത്. ഇതിനൊപ്പം അധികമായി 5 ജിബി ഡാറ്റയും ലഭിക്കും. അൺലിമിറ്റിഡ് ജിയോ ടു ജിയോ വോയ്‌സ് കോളിങ്, മറ്റ് നെറ്റ്വർക്കിലേക്ക് വിളിക്കാൻ 3,000 മിനുറ്റ് കോളുകൾ, ദിവസവും 100 എസ്എംഎസുകൾ എന്നീ ആനുകൂല്യങ്ങളും ഈ പ്ലാനിലൂടെ ലഭിക്കും. ഇതിനൊപ്പം 399 രൂപ വിലവരുന്ന ഡിസ്നി + ഹോട്ട്സ്റ്റാർ വിഐപി മെമ്പർഷിപ്പും ജിയോ നൽകുന്നു.

2,121 രൂപ പ്രീപെയ്ഡ് പ്ലാൻ

2,121 രൂപയുടെ പ്ലൻ 336 ദിവസത്തെ വാലിഡിറ്റിയാണ് നൽകുന്നത്. ഈ പ്രീപെയ്ഡ് പ്ലാനും ദിവസവും 1.5 ജിബി ഡാറ്റ നൽകുന്നു. മൊത്തം 504 ജിബി ഡാറ്റയാണ് ഈ വാർഷിക പ്ലാനിലൂടെ ലഭിക്കുന്നത്. ഡിസ്നി + ഹോട്ട്സ്റ്റാർ വിഐപി മെമ്പർഷിപ്പ്, അൺലിമിറ്റഡ് ജിയോ ടു ജിയോ വോയ്‌സ് കോളിംഗ്, 12,000 നോൺ-ജിയോ എഫ്‌യുപി മിനിറ്റ്, ദിവസവും 100 എസ്എംഎസ് എന്നിവ ഈ പ്ലാനിലൂടെ ലഭിക്കും. ജിയോ ആപ്ലിക്കേഷനുകളിലേക്ക് സൌജന്യ ആക്സസും പ്ലാൻ നൽകുന്നു.