എയർടെല്ലിന്റെ ദിവസവം 3 ജിബി ഡാറ്റ നൽകുന്ന മികച്ച പ്രീപെയ്ഡ് പ്ലാനുകൾ

ദിവസവും 3 ജിബി ഡാറ്റ ഉപയോഗിക്കുന്ന ആളുകൾ നിരവധിയാണ്. സ്ട്രീമിങ് സേവനങ്ങളുടെ പ്രചാരം, ഓൺലൈൻ ഗെയിമിങ്, വർക്ക് ഫ്രം ഹോം എന്നിവയെല്ലാം ദിവസവും മൂന്ന് ജിബി ഡാറ്റ ഉപയോഗിക്കാൻ ഉപയോക്താക്കൾക്കുള്ള കാരണങ്ങളാണ്. ദിവസവും മൂന്ന് ജിബി ഡാറ്റ നൽകുന്ന മികച്ച പ്ലാനുകൾ എയർടെല്ലിനുണ്ട്. ഈ വിഭാഗത്തിലെ എയർടെല്ലിന്റെ മൂന്ന് അൺലിമിറ്റഡ് പ്ലാനുകളാണ് നമ്മളിന്ന് പരിശോധിക്കുന്നത്. ഡാറ്റ ആനുകൂല്യത്തിന് പുറമേ കോളിങ്, എസ്എംഎസ് ആനുകൂല്യങ്ങളും ഒടിടി സബ്ക്രിപ്ഷനുകൾ അടക്കമുള്ള മറ്റ് ചില പ്ലാനുകളും എയർടെൽ ഉപയോക്താക്കൾക്ക് നൽകുന്നു.

398 രൂപയുടെ പ്ലാൻ

എയർടെല്ലിന്റെ ദിവസവും 3 ജിബി ഡാറ്റ നൽകുന്ന പ്ലാനുകളിൽ ആദ്യത്തെ പ്ലാൻ 398 രൂപയുടേതാണ്. ഈ പ്ലാനിന് 28 ദിവസത്തെ വാലിഡിറ്റിയാണ് ഉള്ളത്. ദിവസവും 3ജിബി ഡാറ്റ നൽകുനന്തിനൊപ്പം തന്നെ ഈ പ്ലാൻ അൺലിമിറ്റഡ് വോയ്‌സ് കോളിങും ഉപയോക്താക്കൾക്ക് നൽകുന്നു. ഇന്ത്യയിലെ എല്ലാ നെറ്റ്വർക്കിലേക്കും ഈ പ്ലാനിലൂടെ സൌജന്യവും അൺലിമിറ്റഡുമായി കോളുകൾ വിളിക്കാൻ സാധിക്കും. ദിവസവും 100 എസ്എംഎസുകളും ഈ പ്ലാനിനൊപ്പം ലഭിക്കുന്ന ആനുകൂല്യമാണ്.

448 രൂപയുടെ പ്ലാൻ

ദിവസവും 3 ജിബി ഡാറ്റ നൽകുന്ന എയർടെൽ പ്ലാനുകളിൽ രണ്ടാമത്തെ പ്ലാനിന് 448 രൂപയാണ് വില. ഈ പ്ലാൻ 28 ദിവസത്തെ വാലിഡിറ്റിയോടെയാണ് വരുന്നത്. ഈ പ്ലാനും 398 രൂപ പ്ലാനും തമ്മിലുള്ള വ്യത്യാസം ഈ പ്ലാനിലൂടെ വർഷത്തേക്കുള്ള ഡിസ്നി+ ഹോട്ട്സ്റ്റാർ വിഐപി സബ്ക്രിപ്ഷൻ അധികമായി ലഭിക്കുന്നു എന്നതാണ്. അൺലിമിറ്റഡ് വോയ്‌സ് കോളിങും ദിവസവും 100 ​​എസ്എംഎസുകളും ഈ പ്ലാനിലൂടെ ലഭിക്കും. 398 രൂപ പ്ലാനിനെക്കാൾ 50 രൂപ അധികം നൽകിയാൽ ഈ പ്ലാനിലൂടെ ഡിസ്നി+ ഹോട്ട്സ്റ്റാർ സബ്ക്രിപ്ൻ ആസ്വദിക്കാം.

558 രൂപ പ്ലാൻ

എയർടെല്ലിന്റെ 558 രൂപ പ്ലാൻ ദിവസവും 3 ജിബി ഡാറ്റയാണ് നൽകുന്നത്. അൺലിമിറ്റഡ് വോയ്‌സ് കോളിങും ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും. ഈ പ്ലാൻ 56 ദിവസത്തെ വാലിഡിറ്റിയുള്ള പ്ലാനാണ്. എയർടെല്ലിന് ദിവസവും 3 ജിബി ഡാറ്റയും 84 ദിവസത്തെ വാലിഡിറ്റിയും നൽകുന്ന പ്ലാനുകൾ ഒന്നും തന്നെ ഇല്ല. ജിയോയുടെ 999 രൂപ പ്ലാൻ 84 ദിവസം വാലഡിറ്റിയും ദിവസവും 3 ജിബി ഡാറ്റയും നൽകുന്ന പ്ലാനാണ്. കൂടുതൽ വാലിഡിറ്റിയിൽ ദിവസവും 3 ജിബി ഡാറ്റ ആവശ്യമുള്ള ആളുകളെ എയർടെൽ നിരാശരാക്കുന്നു.

ദിവസവും 3 ജിബി ഡാറ്റ നൽകുന്ന എയർടെല്ലിന്റെ മൂന്ന് പ്ലാനുകളിലും എയർടെൽ എക്സ്സ്ട്രീം പ്രീമിയം സബ്ക്രിപ്ഷൻ സൌജന്യമായി ലഭിക്കും. ഇതിനൊപ്പം വിങ്ക് മ്യൂസിക്, സൌജന്യ ഹെലോട്യൂൺസ്, ഷാ അക്കാദമിയിലെ 1 വർഷത്തെ സൌജന്യ കോഴ്സ്, ഫാസ്റ്റ് ടാഗ് ഇടപാടിൽ 100 ​​രൂപ ക്യാഷ്ബാക്ക് എന്നിവയും ഈ പ്ലാനുകൾ നൽകുന്ന ആനുകൂല്യങ്ങളാണ്. ഇന്ത്യയിലെ ഉപയോക്താക്കൾക്ക് എയർടെൽ മാത്രം നൽകുന്ന ആമസോൺ പ്രൈം വീഡിയോ മൊബൈൽ പതിപ്പ് സൌജന്യ ട്രയലും ഇതിലൂടെ ലഭിക്കും.