ജിയോ, ബി‌എസ്‌എൻ‌എൽ, വിഐ, എയർടെൽ എന്നിവയുടെ മികച്ച 4ജി ഡാറ്റാ വൗച്ചറുകൾ

ടെലിക്കോം കമ്പനികൾ എല്ലാ വില നിലവാരത്തിലും മികച്ച 4ജി ഡാറ്റ പ്ലാനുകൾ നൽകുന്നുണ്ട്. ബി‌എസ്‌എൻ‌എൽ, റിലയൻസ് ജിയോ, എയർടെൽ, വോഡഫോൺ-ഐഡിയ എന്നിവയുടെ മികച്ച 4ജി ഡാറ്റ പാക്കുകളാണ് നമ്മളിന്ന് പരിശോധിക്കുന്നത്. ദിവസേനയുള്ള ഡാറ്റ ലിമിറ്റിന് ഒപ്പം തന്നെ സൌജന്യ കോളിങ് ആനുകൂല്യങ്ങളും ഈ പ്ലാനുകളെല്ലാം നൽകുന്നുണ്ട്. ഇവ വിശദമായി പരിശോധിക്കാം.

ബി‌എസ്‌എൻ‌എൽ 4ജി ഡാറ്റാ പ്ലാനുകൾ

സർക്കാർ ഉടമസ്ഥതയിലുള്ള ടെലികോം കമ്പനിയായ ബിഎസ്എൻഎൽ ഈ വിഭാഗത്തിൽ മികച്ച നാല് പ്ലാനുകൾ നൽകുന്നു. എസ്ടിവി 187, 365 രൂപ, എസ്ടിവി 599, 2,399 രൂപ എന്നിവയാണ് ഈ പ്ലാനുകൾ. 187 രൂപ, 599 രൂപ വിലയുള്ള ഈ എസ്ടിവി പായ്ക്കുകൾ ഉപയോക്താക്കൾക്ക് 28 ദിവസവും 90 ദിവസവും വാലിഡിറ്റി നൽകുന്നു. എല്ലാ ദിവസവും 2 ജിബി, 5 ജിബി ഡാറ്റയും ഈ പ്ലാനുകൾല നൽകുന്നു. 365 രൂപ, 2,399 രൂപ പായ്ക്കുകൾ യഥാക്രമം 2 ജിബി, 3 ജിബി ഡാറ്റയും 60 ദിവസം, 365 ദിവസം വാലിഡിറ്റിയും നൽകുന്നു. ഈ പ്ലാനുകളെല്ലാം ദിവസവും 100 മെസജുകളും അൺലിമിറ്റഡ് കോളിങും നൽകുന്നുണ്ട്.

എയർടെൽ 4ജി ഡാറ്റ പ്ലാനുകൾ

4ജി ഡാറ്റാ വിഭാഗത്തിൽ നാല് പ്ലാനുകളാണ് എയർടെൽ നൽകുന്നത്. 199 രൂപ, 399 രൂപ, 598 രൂപ, 2,498 രൂപ എന്നിങ്ങനെയാണ് ഈ പായ്ക്കുകളുടെ വില. ഈ പായ്ക്കുകൾ യഥാക്രമം 28 ദിവസം, 56 ദിവസം, 365 ദിവസം വാലിഡിറ്റി നൽകുന്നു. ദിവസവും 1 ജിബി, 1.5 ജിബി, 2 ജിബി എന്നിങ്ങനെ ഡാറ്റയും ഈ പ്ലാനുകളിലൂടെ ലഭിക്കും. ഈ പാക്കുകളെല്ലാം വാലിഡിറ്റി കാലയളവിൽ അൺലിമിറ്റഡ് കോളിംഗ്, 100 മെസേജുകൾ, എയർടെൽ താങ്ക്സ് ആപ്പ് ആമസോൺ പ്രൈം വീഡിയോ ആക്സസ് എന്നിവയും നൽകുന്നുണ്ട്.

റിലയൻസ് ജിയോ 4ജി ഡാറ്റ പ്ലാനുകൾ

എയർടെൽ 4ജി ഡാറ്റാ പ്ലാനുകളേക്കാൾ വിലയേറിയതാണ് റിലയൻസ് ജിയോ പ്ലാനുകൾ. ഈ പായ്ക്കുകൾക്ക് 199 രൂപ, 555 രൂപ, 599 രൂപ, 2,399 രൂപ എന്നിങ്ങനെയാണ് വില. ഈ പായ്ക്കുകൾ ദിവസവും 100 മെസേജുകൾ, ജിയോ ആപ്ലിക്കേഷനുകളിലേക്ക് ആക്സസ്, 28 ദിവസം, 84 ദിവസം, 365 ദിവസം വാലിഡിറ്റി എന്നിവ നൽകുന്നു. വാലിഡിറ്റി കാലയളവിൽ ഉടനീളം അൺലമിറ്റഡ് കോളിങ് ആനുകൂല്യങ്ങളും ഈ പ്ലാനിലൂടെ ലഭിക്കും. ഈ പായ്ക്കുകൾ ദിവസവും 1.5 ജിബി, 2 ജിബി ഡാറ്റയാണ് നൽകുന്നത്.

വോഡഫോൺ-ഐഡിയ 4ജി ഡാറ്റ പ്ലാനുകൾ

വോഡഫോൺ-ഐഡിയയും നാല് മികച്ച പായ്ക്കുകളാണ് ഉപയോക്താക്തൾക്ക് വാഗ്ദാനം ചെയ്യുന്നത്. 149 രൂപ, 449 രൂപ, 801 രൂപ, 2,399 രൂപ എന്നിങ്ങനെയാണ് ഈ പ്ലാനുകളുടെ വില. ഈ പ്ലാനുകൾ അൺലിമിറ്റഡ് കോളിങ് ആനുകൂല്യം നൽകുന്നു. ദിവസവും 100 മെസജുകളും പ്ലാനുകൾ നൽകുന്നുണ്ട്. ഈ ആനുകൂല്യങ്ങൾക്ക് പുറമെ 3 ജിബി ഡാറ്റ, 4 ജിബി ഡാറ്റ, 1.5 ജിബി ഡാറ്റ എന്നിവയും ഈ പ്ലാനുകൾ നൽകുന്നു. ഉപയോക്താക്കൾക്ക് വിഐ മൂവീസ്, ടിവി ആക്സസും, സീ5 സബ്സ്ക്രിപ്ഷനും വാരാന്ത്യ ഡാറ്റ റോൾഓവർ സൗകര്യവും ഇവ നൽകുന്നുണ്ട്.