500 രൂപയിൽ താഴെ വിലയുള്ള ബിഎസ്എൻഎല്ലിന്റെ കിടിലൻ പ്രീപെയ്ഡ് പ്ലാനുകൾ

ബിഎസ്എൻഎൽ എസ്ടിവി 319

ബിഎസ്എൻഎൽ ഉപയോക്താക്കൾക്ക് നൽകുന്ന 500 രൂപയ്ക്കും 300 രൂപയ്ക്കും ഇടയിൽ വിലയുള്ള ആദ്യത്തെ പ്ലാനാണ് എസ്ടിവി 319. ഈ പ്ലാനിലൂടെ 75 ദിവസം വാലിഡിറ്റിയാണ് ലഭിക്കുന്നത്. മൊത്തം വാലിഡിറ്റി കാലയളവിലേക്കുമായി 10ജിബി ഡാറ്റയും ഈ പ്ലാൻ നൽകുന്നുണ്ട്. 75 ദിവസവും അൺലിമിറ്റഡ് കോളിങും ഈ പ്ലാനിലൂടെ ലഭിക്കും. കൂടുതൽ വാലിഡിറ്റിയും സൌജന്യ കോളിങും നൽകുന്ന പ്ലാൻ വേണ്ട ആളുകൾക്ക് തിരഞ്ഞെടുക്കാവുന്ന മികച്ച പ്ലാനാണ് ഇത്. എല്ലാവർക്കും ഈ ഡാറ്റ മതിയാകണം എന്നില്ല.

ബിഎസ്എൻഎൽ 365 രൂപ പ്ലാൻ

ബിഎസ്എൻഎൽ 365 രൂപ പ്രീപെയ്ഡ് പ്ലാനിലൂടെ ഉപയോക്താക്കൾക്ക് ദിവസവും 2 ജിബി ഡാറ്റയാണ് ലഭിക്കുന്നത്. അൺലിമിറ്റഡ് വോയിസ് കോളിങ് ആനുകൂല്യങ്ങളും ഈ പ്ലാനിലൂടെ ലഭിക്കുന്നു. ദിവസവും 100 എസ്എംഎസുകളും പ്ലാൻ നൽകുന്നുണ്ട്. സൗജന്യ ട്യൂൺ, ലോക്ധൂൺ കണ്ടന്റ് തുടങ്ങിയ മറ്റ് നിരവധി ആനുകൂല്യങ്ങളും ഈ പ്ലാനിലൂടെ ലഭിക്കും. 365 രൂപ പ്ലാനിന് 60 ദിവസത്തെ വാലിഡിറ്റിയാണ് ബിഎസ്എൻഎൽ നൽകുന്നത്. മൊത്തം വാലിഡിറ്റി കാലയളവിലേക്കുമായി 120ജിബി ഡാറ്റ ഈ പ്ലാനിലൂടെ ലഭിക്കും.

ബിഎസ്എൻഎൽ എസ്ടിവി429

ബിഎസ്എൻഎൽ എസ്ടിവി 429 പ്ലാൻ കൂടുതൽ വാലിഡിറ്റിയും ദിവസവും 1ജിബി ഡാറ്റയും ആവശ്യമുള്ള ആളുകൾക്ക് തിരഞ്ഞെടുക്കാവുന്ന മികച്ച പ്ലാനാണ്. ഈ പ്ലാനിലൂടെ ദിവസവും 1ജിബി ഡാറ്റയ്ക്കൊപ്പം 100 എസ്എംഎസുകളും ലഭിക്കുന്നു. 81 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ഈ വാലിഡിറ്റി കാലയളവിൽ ഉടനീളം അൺലിമിറ്റഡ് വോയിസ് കോളിങ് ആനുകൂല്യങ്ങളും ലഭിക്കും. അധിക ആനുകൂല്യങ്ങളായി 429 രൂപ പ്ലാനിനൊപ്പം ഇറോസ് നൌ സബ്സ്ക്രിപ്ഷനും ബിഎസ്എൻഎൽ നൽകുന്നുണ്ട്. ഈ അധിക ആനുകൂല്യവും വാലിഡിറ്റി കാലയളവിൽ ഉടനീളം ലഭിക്കും.

ബിഎസ്എൻഎൽ 447 രൂപ പ്ലാൻ

ബിഎസ്എൻഎല്ലിന്റെ 447 രൂപ വിലയുള്ള പ്രീപെയ്ഡ് പ്ലാൻ സാധാരണ പ്ലാനുകളിൽ കാണുന്ന ദിവസേനയുള്ള ഡാറ്റ ലിമിറ്റ് ഇല്ലാത്ത പ്ലാനാണ്. ഈ പ്ലാൻ 60 ദിവസം വാലിഡിറ്റിയാണ് നൽകുന്നത്. ഈ വാലിഡിറ്റി കാലയളവിൽ മൊത്തത്തിൽ ഉപയോഗിക്കാൻ 100 ജിബി ഡാറ്റയും ബിഎസ്എൻഎൽ 447 രൂപ പ്ലാനിലൂടെ നൽകുന്നു. ദിവസവും 100 മെസേജുകൾ, അൺലിമിറ്റഡ് കോളിങ് ആനുകൂല്യങ്ങൾ, ബിഎസ്എൻഎൽ ട്യൂൺസ്, 60 ദിവസത്തേക്ക് ഇറോസ് നൌ സബ്സ്ക്രിപ്ഷൻ എന്നിവയും ഈ പ്ലാനിലൂടെ ലഭിക്കും.

ബിഎസ്എൻഎൽ 485 രൂപ പ്ലാൻ

ബിഎസ്എൻഎല്ലിന്റെ 500 രൂപയിൽ താഴെ വിലയുള്ള അവസാനത്തെ പ്ലാനിന് 485 രൂപയാണ് വില. ഈ പ്രീപെയ്ഡ് പ്ലാൻ ദിവസവും 1.5 ജിബി ഡാറ്റയാണ് ഉപയോക്താക്കൾക്ക് നൽകുന്നത്. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കുന്നു. എല്ലാ നെറ്റ്‌വർക്കിലേക്കും അൺലിമിറ്റഡ് വോയിസ് കോളിങ് ആനുകൂല്യങ്ങളും പ്ലാൻ ഉപയോക്താക്കൾക്ക് നൽകുന്നു. റീചാർജ് ചെയ്ത തീയതി മുതൽ 90 ദിവസത്തെ വാലിഡിറ്റിയാണ് ഈ പ്ലാനിന് ബിഎസ്എൻഎൽ നൽകുന്നത്. മൊത്തത്തിൽ 135ജിബി ഡാറ്റയും ലഭിക്കും.