വൈറലായ മമ്മുട്ടി ചിത്രത്തിലെ ആ സ്മാർട്ട്ഫോൺ ചില്ലറക്കാരനല്ല

സാംസങ് ഗാലക്സി എസ്20 അൾട്ര എന്ന സ്മാർട്ട്ഫോണാണ് മമ്മുട്ടിയുടെ വൈറലായ മിറർ സെൽഫി ഫോട്ടോയിൽ ഉള്ളത്. ഗാഡ്ജറ്റുകളോട് ഏറെ പ്രിയമുള്ള താരമാണ് മമ്മുട്ടി. പുതിയ ഗാഡ്ജറ്റുകളെ പറ്റി കൃത്യമായി പഠിക്കുകയും അവ സ്വന്തമാക്കുകയും ചെയ്യുന്ന മമ്മുട്ടിയുടെ കൈയ്യിലെ ഈ സ്മാർട്ട്ഫോണും ചില്ലറക്കാരനല്ല. സാംസങിന്റെ പ്രീമിയം ഫ്ലാഗ്ഷിപ്പ് സ്മാർട്ട്ഫോണിന്റെ സവിശേഷതകൾ ഞെട്ടിക്കുന്നതാണ്. ഇതിനകം പ്രീമയം സ്മാർട്ട്ഫോൺ വിപണിയിൽ കരുത്ത് തെളിയിച്ച ഈ ഡിവൈസ് മാർച്ചിലാണ് പുറത്തിറങ്ങിയത്.

സാംസങ് ഗാലക്‌സി എസ്20 അൾട്ര

സാംസങ്ങിന്റെ ഗാലക്‌സി എസ്20 സീരീസിലെ ഏറ്റവും വില കൂടിസ സ്മാർട്ട്‌ഫോണാണ് ഗാലക്‌സി എസ്20 അൾട്ര. പേര് സൂചിപ്പിക്കുന്നത് പോലെ വലിയൊരു സ്മാർട്ട്ഫോണാണ് ഇത്. 6.9 ഇഞ്ച് ഡിസ്പ്ലേയാണ് ഈ ഡിവൈസിന് നൽകിയിട്ടുള്ളത്. ഒരു കൈകൊണ്ട് സ്മാർട്ട്ഫോൺ ഉപയോഗിക്കുന്നത് അത്ര എളുപ്പമല്ല. ഗാലക്‌സി എസ് 20 അൾട്രയിലെ ക്യുഎച്ച്ഡി+ പാനലിൽ മികച്ച ഔട്ട്‌പുട്ട് ലഭിക്കുന്നു. വെയിലിൽ നിൽക്കുമ്പോൾ പോലും വേണ്ടത്ര ബ്രൈറ്റ്നസ് ഈ ഡിസ്പ്ലെ നൽകുന്നു.

എക്‌സിനോസ് 990 SoCയുടെ കരുത്തിലാണ് ഗാലക്‌സി എസ്20 അൾട്രാ പ്രവർത്തിക്കുന്നത്. 12 ജിബി റാമും 128 ജിബി സ്റ്റോറേജും ഡിവൈസിൽ ഉണ്ട്. ഇന്ത്യയിൽ പുറത്തിറക്കിയ ഗാലക്‌സി എസ് 20 അൾട്ര 4 ജി നെറ്റ്‌വർക്ക് മാത്രം സപ്പോർട്ട് ചെയ്യുന്ന ഡിവൈസാണ്. 5,000 എംഎഎച്ച് ബാറ്ററാണ് ഡിവൈസിൽ ഉള്ളത്. 45W ഫാസ്റ്റ് ചാർജിംങ് സപ്പോർട്ടും ഡിവൈസിൽ ഉണ്ട്. ബോക്സിൽ 25W ചാർജറും സാംസങ് നൽകുന്നുണ്ട്. വളരെ വേഗത്തിൽ തന്നെ ഈ ഡിവൈസ് ചാർജ് ചെയ്യാൻ സാധിക്കും. ഗാലക്‌സി എസ്20 അൾട്രാ മികച്ച ബാറ്ററി ലൈഫ് നൽകുന്നുണ്ട്. ഒന്നര ദിവസം വരെ ഈ ബാറ്ററി ബാക്ക് അപ്പ് നൽകുന്നു.

ഗാലക്‌സി എസ്20 അൾട്രയുടെ ക്യാമറകൾ

108 മെഗാപിക്സൽ പ്രൈമറി ക്യാമറ, 48 മെഗാപിക്സൽ ടെലിഫോട്ടോ ക്യാമറ, 12 മെഗാപിക്സൽ അൾട്രാവൈഡ്-ആംഗിൾ ക്യാമറ, ഡെപ്ത് വിഷൻ ക്യാമറ എന്നിവയുള്ള ക്വാഡ് ക്യാമറ സെറ്റപ്പാണ് ഫോണിനുള്ളത്. ഗാലക്‌സി എസ്20 അൾട്രയുടെ ക്യാമറ സെറ്റപ്പിന്റെ ഏറ്റവും വലിയ സവിശേഷത 100x സൂമാണ്. ഏത് ലൈറ്റിംഗ് അവസ്ഥയിലും മികച്ച ഫോട്ടോസ് എടുക്കാൻ ഈ ക്യാമറ സെറ്റപ്പ് സഹായിക്കുന്നു.

ഗാലക്‌സി എസ്20 അൾട്ര സ്മാർട്ട്ഫോണിന്റെ ഒറ്റ വേരിയന്റ് മാത്രമാണ് നിലവിൽ ഇന്ത്യയിൽ ലഭ്യമായിട്ടുള്ളത്. 12 റാമും 128 ജിബി സ്റ്റോറേജുമുള്ള ഈ ഡിവൈസിന് 97,999 രൂപയാണ് വില. ബ്ലാക്ക്, ക്ലൌഡ് വൈറ്റ്, കോസ്മിക്ക് ഗ്രേ എന്നീ നിറങ്ങളിൽ ഡിവൈസ് ലഭ്യമാണ്. ഇതിനൊപ്പം പുറത്തിറങ്ങിയ സാംസങ് എസ്20 8ജിബി റാം, 128 ജിബി സ്റ്റോറേജ് മോഡലിന് 70,499 രൂപയും എസ്20+ 8ജിബി റാം, 128 ജിബി സ്റ്റോറേജ് വേരിയന്റിന് 77,999 രൂപയുമാണ് വില.