ലാൻഡ്‌ലൈൻ, ബ്രോഡ്‌ബാൻഡ്, പോസ്റ്റ്പെയ്ഡ് ബില്ലുകളിൽ ബി‌എസ്‌എൻ‌എൽ 50% കിഴിവ് നൽകുന്നു

ബിഎസ്എൻഎൽ അതിന്റെ ഔദ്യോഗിക ട്വിറ്റർ അക്കൌണ്ട് വഴിയാണ് 50 ശതമാനം ഡിസ്കൌണ്ട് നൽകുന്ന ഓഫർ വെളിപ്പെടുത്തിയത്. ഈ ഓഫർ കൊൽക്കത്ത ഉപയോക്താക്കൾക്കായി പ്രത്യേകമായി നൽകുന്നതാണ്. നിലവിൽ കേരളത്തിലെ ഉപയോക്താക്കൾക്ക് ഈ ഓഫർ. പിന്നീട് ഇത്തരമൊരു ഓഫർ കേരളത്തിലും അവതരിപ്പിക്കാൻ സാധ്യത ഉണ്ട്. കൂടാതെ എല്ലാ കുടിശ്ശികകളും നീക്കി കഴിഞ്ഞാലും കമ്പനി കുടിശ്ശിക സർട്ടിഫിക്കേഷൻ നൽകില്ലെന്ന് ഉറപ്പാക്കി.

ബിഎസ്എൻഎല്ലിന്റെ പുതിയ കുടിശ്ശിക തീർക്കൽ ഓഫർ സർക്കാർ ഉദ്യോഗസ്ഥർക്ക് ലഭ്യമാകില്. ഈ ഓഫറിനെ കുറച്ച് അറിയാൻ 9433000666 എന്ന നമ്പറിൽ വിളിക്കാവുന്നതാണ്. ഈ ഓഫർ 2021 മാർച്ച് 31 വരെ വാലിഡിറ്റിയുള്ള ഡിഫോൾട്ടറുകൾക്ക് മാത്രമായി ഡിസൈൻ ചെയ്തിട്ടുള്ളതാണ്. ബി‌എസ്‌എൻ‌എൽ ഈ ഓഫർ ഒരു വർഷത്തിനുള്ളിൽ ഇത് രണ്ടാം തവണയാണ് നൽകുന്നത്. നേരത്തെ 2020 ഏപ്രിൽ 1 വരെ ഇത്തരമൊരു ഓഫർ നൽകിയിരുന്നു.

ബി‌എസ്‌എൻ‌എൽ ഉപയോക്താക്കൾ‌ക്ക് കമ്പനിയുടെ അക്കൌണ്ട് നമ്പറിലേക്ക് നെഫ്റ്റ് / ആർ‌ടി‌ജി‌എസ് എന്നിവ വഴി പണം ട്രാൻസ്ഫർ ചെയ്തും അവരുടെ കുടിശ്ശിക തീർക്കാൻ‌ കഴിയും. ബില്ലുകൾ ക്ലിയർ ചെയ്യുന്നതിന് ക്യാഷ് കളക്ഷൻ സെന്ററുകളിലും സംവിധാനം ഉണ്ട്. ഈ കുടിശ്ശിക തീർക്കുന്നവർക്കായുള്ള 50 ശതമാനം കിഴിവ് എന്ന ഓഫർ കേരളം അടക്കമുള്ള സർക്കിളുകളിൽ ലഭ്യമാകുമോ എന്ന കാര്യം ഇതുവരെ വ്യക്തമല്ല.

ബിഎസ്എൻഎൽ അടുത്തിടെ 1,999 രൂപയുടെ പ്ലാൻ പുതുക്കിയിരുന്നു. ഈ പ്ലാൻ ഇപ്പോൾ ഇറോസ് നൌവിൽ നിന്ന് അൺലിമിറ്റഡ് കണ്ടന്റ് നൽകുന്നു. ഉപയോക്താക്കൾക്ക് ലോക്ധൻ പ്ലാറ്റ്ഫോമിൽ നിന്നും കണ്ടന്റ് ലഭിക്കും. ഉപയോക്താക്കൾക്ക് നേരത്തെ 3 ജിബി ഡാറ്റയാണ് ഈ പ്ലാനിലൂടെ ലഭിച്ചിരുന്നത്. എന്നാൽ ഇപ്പോഴത് ദിവസവും 2 ജിബി ഡാറ്റയായി കുറച്ചിട്ടുണ്ട്. 365 ദിവസം വാലിഡിറ്റിയുള്ള പ്ലാനാണ് ഇത്. അൺലിമിറ്റഡ് കോളിങ് ആനുകൂല്യങ്ങളും ദിവസവും 100 മെസേജുകളും ഈ പ്ലാനിലൂടെ ലഭിക്കും.

ബിഎസ്എൻഎൽ കഴിഞ്ഞ ദിവസം ബ്രോഡ്ബാന്റ് ഉപയോക്താക്കൾക്കായി പുതിയ പ്ലാൻ അവതരിപ്പിച്ചിരുന്നു. സിനിമ പ്ലസ് എന്ന പേരിലുള്ള പ്ലാനാണ് കമ്പനി അവതരിപ്പിച്ചത്. ഈ പ്ലാനിലൂടെ ഉപയോക്താക്കൾക്ക് ഒടിടി ആനുകൂല്യങ്ങൾ ലഭ്യമാകും. നാല് ഒ‌ടി‌ടി സബ്‌സ്‌ക്രിപ്‌ഷനുകളാണ് ഈ പായ്ക്കിലൂടെ ലഭിക്കുന്നത്. യുപ് ടിവി, സീ5, സോണിലിവ്, വൂട്ട് എന്നീ ഒ‌ടി‌ടി സബ്‌സ്‌ക്രിപ്‌ഷനുകൾ ഒരൊറ്റ പ്ലാനിലൂടെ ലഭ്യമാക്കുകയാണ് ബിഎസ്എൻഎൽ. ഈ പ്ലാനിന്റെ യഥാർത്ഥ വില 199 രൂപയാണ്. എന്നാൽ ഉപയോക്താക്കൾക്ക് ഇത് ഒരു പ്രൊമോഷണൽ ഓഫറിന്റെ ഭാഗമായി 129 രൂപയ്ക്ക് ലഭിക്കും.