എലിയെ സ്മാർട്ടാക്കി ന്യൂയോർക്ക് സർവ്വകലാശാലയിലെ ഗവേഷകർ

എലിയെ സ്മാർട്ടാക്കിയ പരീക്ഷണം

എലിയെ സ്മാർട്ടാക്കിയ പരീക്ഷണത്തിന് മുന്നോടിയായി മെമ്മറി, പ്ലാനിങ്ങ്, ചെയ്യാനുള്ള കാര്യങ്ങൾ എന്നിവയടങ്ങുന്ന മൃഗങ്ങളുടെ മസ്തിഷ്ക തരംഗങ്ങളെ കുറിച്ച് ഗവേഷകർ പഠിച്ചിരുന്നു. ഒരാൾ ഉറങ്ങുമ്പോൾ അയാളുടെ മനസ്സ് ഒരുതരം ക്ലീനിങ് പ്രക്രീയയ്ക്ക് വിധേയമാകുന്നു. അപ്പോഴാണ് നടന്ന കാര്യങ്ങൾ ഓർമ്മകളായി റീപ്ലേ ചെയ്യപ്പെടുന്നത്. ഈ പ്രക്രിയയാണ് ഷോർട്ട് ടേം, ലോങ് ടേം മെമ്മറികളായി ഓർമ്മയെ തരംതിരിക്കാൻ സഹായിക്കുന്നത്.

ന്യൂയോർക്ക് സർവ്വകലാശാലയിലെ പഠനങ്ങൾ

ഏറ്റവും രസകരമായി കാര്യം ഇതുവരെ സംഭവിക്കാത്ത കാര്യങ്ങളും നമ്മുടെ ഓർമ്മയിൽ വരും എന്നതാണ്. അവ ഭാവിയിൽ നടക്കാൻ പോകുന്ന കാര്യങ്ങളായിരിക്കാം. നിലവിലുള്ള ധാരണകൾ പ്രകാരം ഭൂതകാലത്തെയും ഭാവി കാലത്തെയും തലച്ചോർ രണ്ടായി വിഭജിക്കുന്നുവെന്നോ ചിലപ്പോൾ തലച്ചോറിൻറെ രണ്ട് ഇടങ്ങളിൽ ഇവ സംബന്ധിച്ച വിവരം ശേഖരിക്കപ്പെടുന്നുവെന്നോ ആണ്. എന്നാൽ ന്യൂയോർക്ക് സർവ്വകലാശാലയിലെ പഠനങ്ങൾ പ്രകാരം ഭൂതകാലത്തെയു ഭാവികാലത്തെയും തലച്ചോർ ഒരേ നിലയിലാണ് സ്വീകരിക്കുന്നത് എന്നാണ്.

തലച്ചോറിലെ തരംഗങ്ങൾ

പ്രത്യേക ഉപകരണം ഉപയോഗിച്ച് എലിയുടെ തലച്ചോറിലെ പ്രശ്നപരിഹാരം കണ്ടെത്തുന്ന തരംഗങ്ങളെ ഹാക്ക് ചെയ്ത ഗവേഷകർ അവ പ്രശ്നപരിഹാരങ്ങൾക്കായി ഓർമ്മകളെ ആശ്രയിക്കുന്നുവെന്ന് കണ്ടെത്തി. ഓർമ്മിച്ചെടുക്കൽ, എന്തെങ്കിലും കണക്കാക്കൽ, മനസ്സിലാക്കൽ എന്നിവ നടത്തുമ്പോൾ മൃഗങ്ങളുടെ തലച്ചോറിലെ തരംഗങ്ങൾ എങ്ങനെ പ്രവർത്തിക്കുന്നുവെന്നും ഗവേഷകർ പഠിച്ചു. അത്തരം തരംഗങ്ങൾ കൃത്രിമമായി സൃഷ്ടിച്ചാൽ പ്രവർത്തനങ്ങളെ നിയന്ത്രിക്കാമെന്നും കണ്ടെത്തി.

ചികിത്സ സംബന്ധിച്ച് ധാരണകളിൽ മാറ്റം

ന്യൂയോർക്ക് സർവ്വകലാശാലയിലെ ഗവേഷകരുടെ പഠനങ്ങൾ പ്രകാരം തലച്ചോറിലെ പ്രവർത്തനങ്ങളെ ശാസ്ത്രജ്ഞർ മുൻപ് വിശ്വസിച്ചിരുന്നത് പോലെ എളുപ്പത്തിൽ വേർതിരിച്ചെടുക്കാൻ സാധിക്കില്ല. ഈ പഠനം പലകാരണങ്ങൾകൊണ്ട് തലച്ചോറിൻറെ പ്രവർത്തനങ്ങൾക്ക് പ്രശ്നം സംഭവിച്ചവരുടെ ചികിത്സ സംബന്ധിച്ച് ധാരണകളിൽ വിപ്ലവകരമായ മാറ്റങ്ങളാണ് സൃഷ്ടിക്കാൻ പോകുന്നത്.