ഒക്ടാ​ഗോണൽ ക്യാമറ സിസ്റ്റവുമായി ഓപ്പോ ഫൈൻഡ് എക്സ്7 പ്രോ; രണ്ട് സെൻസറുകൾ 50 മെ​ഗാപിക്സൽ, നിരവധി സവിശേഷതകൾ

ഓപ്പോയുടെ ആരാധകർ ഏറെ പ്രതീക്ഷയോടെ കാത്തിരിക്കുന്ന സ്മാർട്ട് ഫോണാണ് ഓപ്പോ ഫൈൻഡ് എക്സ് 7 പ്രോ. ഫോണിനെക്കുറിച്ച് സ്ഥിരീകരിക്കാത്ത നിരവധി റിപ്പോർട്ടുകളാണ് ഇപ്പോൾ പുറത്ത് വരുന്നത്. ഈ ഫോണിന്റെ ചിത്രങ്ങൾ ഇന്റർനെറ്റിൽ ലീക്ക് ആയതിനെ തുടർന്നാണ് ഇത്തരത്തിലുള്ള നിരവധി റിപ്പോർട്ടുകൾ പുറത്ത് വരാൻ തുടങ്ങിയത്.

വളരെ ആകർഷണീയമായ ഒരു ഡിസൈനിലാണ് ഓപ്പോ ഈ ഫോൺ തയ്യാറാക്കിയിരിക്കുന്നത് എന്ന് ഇതിന്റെ ചിത്രങ്ങളിലൂടെ മനസിലാക്കാവുന്നതാണ്. ഓപ്പോ ഔദ്യോ​ഗികമായി ഫൈൻഡ് എക്സ് 7 പ്രോയുടെ ഫീച്ചറുകൾ പുറത്ത് വിട്ടിട്ടില്ലെങ്കിലും ചോർച്ചാ റിപ്പോർ‌ട്ടുകൾ സൂചിപ്പിക്കുന്നത് മികച്ച ക്യാമറ ഫീച്ചറുകൾ ഈ ഫോണിൽ ഇടം പിടിയ്ക്കും എന്നാണ്. നിലവിൽ ഈ ഫോണുകളെക്കുറിച്ചുള്ള നിരവധി റിപ്പോർട്ടുകളാണ് പുറത്ത് വന്നിരിക്കുന്നത്. ഇവ എന്തെല്ലാമാണെന്ന് വിശദമായി പരിശോധിക്കാം.

MOST READ: ഏറ്റവും വലിയ ടെലിക്കോം കമ്പനിയുടെ, പ്രതിദിന പരിധിയില്ലാത്ത ഒരേയൊരു റീച്ചാർജ് പ്ലാൻ

വെയ്‌ബോ (Weibo) എന്ന പ്രമുഖ ടെക് മാധ്യമമാണ് ഈ ഫോണിന്റെ ചിത്രം പുറത്ത് വിട്ടിരിക്കുന്നത്. ഒക്ടാ​ഗോണൽ (അഷ്ടഭുജം) ആകൃതിയിലാണ് ഈ ഫോണിന്റെ ക്യാമറകൾ ഫീച്ചർ ചെയ്തിരിക്കുന്നത്. ഈ ക്യാമറ തന്നെയാണ് ഫോണിന്റെ ഹൈലൈറ്റ്. മുൻ മോഡലുകളിലെല്ലാം വൃത്താകൃതിയുലുള്ള സ്പേസിലാണ് ഓപ്പോ ക്യാമറകൾ പ്ലേസ് ചെയ്തിരുന്നത്. ഇത് ആദ്യമായാണ് ഇത്തരത്തിൽ ഒക്ടാ​ഗോണൽ ആകൃതിയിൽ ക്യാമറകൾ നൽകിയിരിക്കുന്നത്. ഈ ഡിസൈൻ മികച്ച ആകർഷണീയത തന്നെ ഫോണുകൾക്ക് നൽകുന്നുണ്ട്.

ഫോണിന്റെ പിന്നിലുള്ള ഒക്ടാ​ഗോണൽ ഡിസൈനുള്ളിൽ നാല് ക്യാമറകളാണ് സ്ഥാനം പിടിച്ചിരിക്കുന്നത്. ഇതിന് പുറമെ ഒരു എൽഇഡി മൊഡ്യൂളും ഇവിടെ കാണാൻ സാധിക്കുന്നതാണ്. ഹസൽബ്ലാഡുമായി (Hasselblad) സഹകരിച്ചാണ് ഓപ്പോ ഈ ക്യാമറകൾ നിർമ്മിച്ചിരിക്കുന്നത് എന്നാണ് വെയ്‌ബോയുടെ റിപ്പോർട്ടിൽ പറഞ്ഞിരിക്കുന്നത്. ഇതിന് മുമ്പും ഓപ്പോ ഹസൽബ്ലാഡുമായി സഹകരിച്ചിട്ടുണ്ട്. ചോർച്ചാ റിപ്പോർട്ടുകൾ പ്രകാരം ഫൈൻഡ് എക്സ് 7 പ്രോയുടെ മറ്റ് ഫീച്ചറുകൾ എന്താല്ലാമാണെന്ന് പരിശോധിക്കാം.

MOST READ: ഈ ഓഫർ ഇന്ന് മാത്രം; സൈബർ മൺഡേ പ്രമാണിച്ച് ആമസോണിൽ 24 മണിക്കൂർ വമ്പിച്ച ഓഫർ‌

MediaTek Dimensity 9300 അല്ലെങ്കിൽ Snapdragon 8 Gen 3-ന്റെ പിന്തുണ ഈ ഫോണിന് ഉണ്ടാകാൻ സാധ്യത ഉണ്ട്. ഫോണിന്റെ പിൻഭാ​ഗത്ത് നൽകിയിരിക്കുന്ന ക്യാമറകളിൽ രണ്ട് ക്യാമറകൾ 50 മെ​ഗാപിക്സൽ ആയിരിക്കും എന്നും ഈ റിപ്പോർട്ടിൽ പറയുന്നുണ്ട്. പ്രൈമറി ക്യാമറയും അൾട്രാ വൈഡ് ആംഗിൾ ക്യാമറയും ആയിരിക്കും ഇത്തരത്തിൽ 50 മെ​ഗാപിക്സൽ സെൻസറോടെ എത്തുക. വ്യത്യസ്ത ഒപ്റ്റിക്കൽ സൂമുകൾ നൽകുന്ന രണ്ട് ടെലിഫോട്ടോ ലെൻസുകളും ഫോണിൽ ഇടം പിടിച്ചേക്കാം.

അതേ സമയം അടുത്തിടെയാണ് ഓപ്പോ തങ്ങളുടെ ഫൈൻഡ് സീരീസ് ആ​ഗോള തലത്തിൽ പുറത്തിറക്കിയത്. ഇതിന് പിന്നാലെയാണ് ഫൈൻഡ് എക്സ് 7 സീരീസ് ഫോണുകൾ പുറത്തിറക്കാൻ ഓപ്പോ തയ്യാറെടുക്കുന്നത്. ഓപ്പോയുടെ പുതിയ ഉത്പന്നങ്ങളായ ഓപ്പോ റെനോ 11 സീരീസ്, ഓപ്പോ പാഡ് എയർ 2 എന്നിവയെക്കൊപ്പം തന്നെ ഓപ്പോ ഫൈൻഡ് എക്സ് 7 പ്രോ പ്രദർശിപ്പിക്കും എന്നാണ് പ്രതീക്ഷിക്കുന്നത്.

മുകളിൽ പറഞ്ഞിരിക്കുന്ന കാര്യങ്ങൾ ഒന്നും തന്നെ ഓപ്പോ ഔദ്യോ​ഗികമായി സ്ഥിരീകരിച്ച വിവരങ്ങൾ അല്ല എന്ന് വായനക്കാർ മനസിലാക്കേണ്ടതുണ്ട്. ചില ചോർച്ചാ റിപ്പോർട്ടുകളെ അടിസ്ഥാനമാക്കിയാണ് ഈ റിപ്പോർട്ട് തയ്യാറാക്കിയിരിക്കുന്നത്. കമ്പനി ഔദ്യോ​ഗികമായി സ്ഥിരീകരിക്കാതെ ഇക്കാര്യങ്ങൾ ശരിവെയ്ക്കാൻ സാധിക്കുന്നതല്ല. ഇതിനിടെ ഓപ്പോ തങ്ങളുടെ പുതിയ ഫോൾഡബിൾ സ്മാർട്ട് ഫോണായ ഫൈൻഡ് എൻ 3 ഫ്ലിപ് ഇന്ത്യയിൽ അവതരിപ്പിച്ചിരുന്നു. മികച്ച അഭിപ്രായമാണ് ഈ ഫോണിന് ഉപയോക്താക്കളുടെ പക്കൽ നിന്ന് ലഭിക്കുന്നത്.

ട്രിപ്പിൾ റിയർ ക്യാമറ ആദ്യമായി ഫീച്ചർ ചെയ്യുന്ന ഫോൾഡബിൾ സ്മാർട്ട് ഫോണാണ് ഓപ്പോ ഫൈൻഡ് എൻ 3 ഫ്ലിപ്. 94,999 രൂപ മുതലാണ് ഇന്ത്യയിൽ ഈ ഫോണിന്റെ വില ആരംഭിക്കുന്നത്. 12 ജിബി റാം 256 ജിബി സ്റ്റോറേജ് വേരിയന്റിലാണ് ഈ ഫോൺ എത്തിയിരിക്കുന്നത്. 6.8 ഇഞ്ചാണ് ഫോണിന്റെ മെയിൻ ഡിസ്പ്ലേയുടെ വലുപ്പം. ഇത് അടയ്ക്കുമ്പോൾ പുറമെ കാണുന്ന സ്ക്രീനിന്റെ വലുപ്പം 3.26 ഇഞ്ചായിരിക്കും.