താരിഫ് നിരക്ക് വർധിപ്പിച്ചതിന് പിന്നാലെ ഡബിൾ ഡാറ്റ ഓഫർ നിർത്തലാക്കി വോഡാഫോൺ ഐഡിയ

ദിവസവും 4 ജിബി ഡാറ്റ നൽകുന്ന പ്ലാനുകൾ കുറഞ്ഞ വിലയ്ക്ക് ലഭ്യമാക്കിയ വിഐ മറ്റ് ടെലിക്കോം കമ്പനികൾക്ക് വലിയ വെല്ലുവിളി ഉയർത്തി. കൂടുതൽ ഡാറ്റ ആവശ്യമുള്ള ആളുകൾ വലിയ തോതിൽ തിരഞ്ഞെടുത്തിരുന്ന പ്ലാൻ ആയിരുന്നു ഇത്. ഈ പ്ലാനുകൾ അൺലിമിറ്റഡ് കോളിങ്, ദിവസവും 100 എസ്എംഎസുകൾ, ഒടിടി ആനുകൂല്യങ്ങൾ എന്നിവയും നൽകിയിരുന്നു. 299 രൂപ, 449 രൂപ, 699 രൂപ എന്നീ പ്ലാനുകളിലാണ് ഡബിൾ ഡാറ്റ ആനുകൂല്യം നൽകിയിരുന്നത്. ഈ പ്ലാനുകൾക്ക് വില വർധിപ്പിച്ചതിന് പിന്നാലെയാണ് ഡബിൾ ഡാറ്റ ആനുകൂല്യവും നീക്കം ചെയ്തത്.

ഇനി മുതൽ 299 രൂപ, 449 രൂപ, 699 രൂപ പ്ലാനുകളിലൂടെ ഉപയോക്താക്കൾക്ക് ദിവസവും 4 ജിബി ഡാറ്റയ്ക്ക് പകരം 2 ജിബി ഡാറ്റ മാത്രമേ ലഭിക്കൂ. കേരളം അടക്കമുള്ള സർക്കിളിലുകളിലെ വെബ്സൈറ്റുകളിൽ നിന്നും ഡാറ്റ ആനുകൂല്യം എടുത്ത് മാറ്റിയിട്ടുണ്ട്. വിഐ താരിഫ് പ്ലാനുകളുടെ വില 25% വരെ വർദ്ധിപ്പിച്ചതിന് തൊട്ടുപിന്നാലെയാണ് ഈ പ്രഖ്യാപനം. വിഐയുടെ പുതുക്കിയ താരിഫ് നിരക്കുകൾ ഇന്നലെ മുതലാണ് പ്രാബല്യത്തിൽ വന്നത്. ഡബിൾ ഡാറ്റ ആനുകൂല്യം നൽകിയിരുന്ന 299 രൂപ, 449 രൂപ, 699 രൂപ പ്ലാനുകളുടെ വിവരങ്ങൾ വിശദമായി നോക്കാം.

വിഐ 359 രൂപ പ്രീപെയ്ഡ് പ്ലാൻ

വോഡാഫോൺ ഐഡിയ നേരത്തെ 299 രൂപയ്ക്ക് നൽകിയിരുന്ന പ്രീപെയ്ഡ് പ്ലാനാണ് ഇപ്പോൾ 359 രൂപയ്ക്ക് നൽകുന്നത്. ഈ പ്ലാനിലൂടെ ഉപയോക്താക്കൾക്ക് ദിവസവും 2 ജിബി ഡാറ്റയാണ് ലഭിക്കുന്നത്. ഇന്ത്യയിലെ എല്ലാ നെറ്റ്വർക്കുകളിലേക്കും അൺലിമിറ്റഡ് വോയിസ് കോളിങ് ആനുകൂല്യങ്ങളും പ്ലാനിലൂടെ ലഭിക്കുന്നു. 28 ദിവസത്തേക്ക് 100 എസ്എംഎസുകളും പ്ലാനിലൂടെ ലഭിക്കും. ഈ പ്ലാനിനൊപ്പം വരിക്കാർക്ക് വിഐ മൂവീസ് & ടിവി ആനുകൂല്യവും സൌജന്യമായി ലഭിക്കുന്നു.

വിഐ 539 രൂപ പ്രീപെയ്ഡ് പ്ലാൻ

വോഡാഫോൺ ഐഡിയയുടെ 449 രൂപ വിലയണ്ടായിരുന്ന ജനപ്രിയമായി പ്ലാനിന് ഇപ്പോൾ 539 രൂപയാണ് വില വരുന്നത്. ഈ പ്ലാൻ ഉപയോക്താക്കൾക്ക് ദിവസവും 2ജിബി ഡാറ്റയാണ് നൽകുന്നത്. ഉപയോക്താക്കൾക്ക് അൺലിമിറ്റഡ് വോയിസ് കോളിങ് ആനുകൂല്യങ്ങൾ നൽകുന്ന പ്ലാനിലൂടെ ദിവസവും 100 എസ്എംഎസുകളും ലഭിക്കുന്നു. 56 ദിവസത്തെ വാലിഡിറ്റിയാണ് ഈ പ്ലാനിനുള്ളത്. വിഐ മൂവീസ് & ടിവി സൗജന്യ ഒടിടി സബ്‌സ്‌ക്രിപ്‌ഷനും ഈ പ്ലാനിലൂടെ ലഭിക്കുന്നു.

വിഐ 839 രൂപ പ്രീപെയ്ഡ് പ്ലാൻ

ഡബിൾ ഡാറ്റ ആനുകൂല്യം നൽകിയിരുന്ന വിഐയുടെ മറ്റൊരു ജനപ്രിയ പ്ലാനാണ് 699 രൂപ പ്ലാൻ. ഈ പ്ലാനിന് താരിഫ് നിരക്ക് വർധനയ്ക്ക് ശേഷം 839 രൂപയാണ് വില. ഈ പ്ലാനിലൂടെ വരിക്കാർക്ക് ദിവസവും 2 ജിബി ഡാറ്റ, അൺലിമിറ്റഡ് വോയിസ് കോളിങ്, ദിവസവും 100 എസ്എംഎസുകൾ എന്നിങ്ങനെയുള്ള ആനുകൂല്യങ്ങൾ ലഭിക്കും. 84 ദിവസത്തെ വാലിഡിറ്റിയാണ് ഈ പ്ലാനിനുള്ളത്. മറ്റ് പ്ലാനുകൾക്ക് സമാനമായി 839 രൂപ പ്ലാനും വിഐ മൂവീസ് & ടിവി സൌജന്യ ഒടിടി സബ്സ്ക്രിപ്ഷൻ നൽകുന്നു.

വില വർധിപ്പിച്ച മറ്റ് പ്ലാനുകൾ

വിഐയുടെ 79 രൂപ ബേസിക്ക് പ്ലാനിന് ഇനി മുതൽ 99 രൂപയാണ് വില. 149 രൂപ വിലയുണ്ടായിരുന്ന പ്ലാനിന് ഇനി 179 രൂപ നൽകേണ്ടി വരും. 219 രൂപ വിലയുണ്ടായിരുന്ന പ്ലാനിന് ഇനി മുതൽ 269 രൂപയാണ് വില. 249 രൂപ വിലയുണ്ടായിരുന്ന പ്ലാനിന് ഇനി മുതൽ 299 രൂപയാണ് വില. 399 രൂപ വിലയുണ്ടായിരുന്ന പ്ലാനിന് ഇനി മുതൽ 479 രൂപയാണ് വില. 599 രൂപ വിലയുണ്ടായിരുന്ന പ്ലാനിന് ഇനി 719 രൂപ നൽകേണ്ടി വരും. 379 രൂപ വിലയുണ്ടായിരുന്ന പ്ലാനിന് ഇനി മുതൽ 459 രൂപയാണ് വില.

വാർഷിക പ്ലാനുകളിലേക്ക് വന്നാൽ, 1499 രൂപ വിലയുണ്ടായിരുന്ന വിഐ പ്ലാനിന് ഇനി മുതൽ 1799 രൂപ നൽകേണ്ടി വരും. 2399 രൂപ വിലയുണ്ടായിരുന്ന വിഐ വാർഷിക പ്ലാനിന് ഇനി മുതൽ 2899 രൂപയാണ് വില. ഡാറ്റ ടോപ്പ് അപ്പുകൾക്കും വിഐ വില വർധിപ്പിച്ചിട്ടുണ്ട്. 48 രൂപ വിലയുണ്ടായിരുന്ന ടോപ്പ് അപ്പിന് ഇനി 58 രൂപയാണ് വില. 3 ജിബി ഡാറ്റ 28 ദിവസത്തേക്ക് നൽകുന്ന പ്ലാനാണ് ഇത്. 28 ദിവസത്തേക്ക് 12 ജിബി ഡാറ്റ നൽകുന്ന 98 രൂപ ഡാറ്റ ടോപ്പ്അപ്പിന് ഇനി 118 രൂപയാണ് വില. 251 രൂപ വിലയുണ്ടായിരുന്ന ടോപ്പ്അപ്പിന് ഇനി മുതൽ 298 രൂപ വിലയുണ്ട്. ഇതിലൂടെ 50 ജിബി ഡാറ്റ ലഭിക്കും. 351 രൂപ വിലയുണ്ടായിരുന്ന ടോപ്പ്അപ്പിന് ഇനി മുതൽ 418 രൂപയാണ് വില. ഇതിലൂടെ 100 ജിബി ഡാറ്റയാണ് ലഭിക്കുന്നത്.